ខេត្តបន្ទាយមានជ័យ៖បទល្មើសឈើគ្រញូង កំពុងតែលោតឆ័ត ទាំងយប់ទាំងថ្ងៃ បែបអាណាធិបតេយ្យ ចេញពីព្រំដែនកម្ពុជាថៃ ឯមន្ត្រីជំនាញគ្រប់ផ្នែក ហាក់ដូចជាដេកលក់ស្ងប់ស្ងល់ បានល្អណាស់ ហើយក៏មានមន្ត្រីពាក់ពន្ធ័ខ្លះ នាំគ្នាជិះរថយន្តស្ទើរដាច់កង់ទៅយកលុយ កុងឃ្យុង ពី
ឈ្មួញឈើបើទួសជាក្នុងកំរឹត ល្បឿនប៉ុណ្ណាក៏ដោយក៏គេមិនខ្វល់ដែរ ធ្វើយ៉ាងណាក៏ដោយអោយតែបានលុយឈើគ្រញូងចូលហោប៉ាវរៀងៗខ្លួននោះ ។
គួរំលឹកដែលថា ក្នុងអំឡុងនៃចុងខែវិច្ចិការ រហូតមកដល់ដើមខែធ្នូឆ្នាំ២០១៤នេះ គេសម្គល់ឃើញថា ទាំងប៉ូលិស សេដ្ឋកិច្ចទាំងមន្ត្រីរដ្ឋបាលព្រៃឈើ និងកម្លាំងជំនាញមួយផ្នែកទៀត ហាក់ដូចជាមានរាសីឡើងខ្ពស់ត្រដែតខ្លាំងណាស់ ខណះដែលឈ្មួញថៃនិងឈ្មួញខ្មែរកំពុងតែសម្រុក នាំឈើគ្រញូងចូលមកលក់បែបអាណាធិបតេយ្យ ក្នុងខេត្តបន្ទាយមានជ័យនោះហើយមិនត្រូវបានឃើញ អស់លោកមន្ត្រីជំនាញសំខាន់ៗ នាំគ្នាធ្វើសកម្មភាពទប់ស្កាត់រាល់បទលល្មើសខាងលើនោះឡើយ បង្កអោយមានភាពភ្ញាក់ផ្អើលពីប្រជាពលរដ្ឋនៅតាមខ្សែរបន្ទាត់ព្រំដែន កម្ពុជាថៃថា មានលឺសម្លេងរថយន្តតូចធំ ចូលទៅដឹកឈើ ទាំងយប់ទាំងថ្ងៃ រំខានទៅដល់ការដេកពួនរបស់ពួកគាត់ជាប្រចាំទៀតផង ។
ទាក់ទិននិងករណី ដែលឈ្មួញដឹកឈើគ្រញូង តាមរថយន្តតូចធំ ទាំងយប់ទាំងថ្ងៃនោះ ត្រូវបានប្រជាពលរដ្ឋរាយការណ៏មកថា ទីតាំងដែលចេញឈើគ្រញូងច្រើនជាងគេនោះ គឺស្ថិតនៅក្នុងតំបន់ ច្រករបៀងចំការគរ ច្រករបៀងបឹងត្រគួន ដែលស្ថិតនៅប៉ែកខាងជើងខេត្តបន្ទាយមានជ័យតែម្តង ដែលទីតាំងខាងលើនោះ ប្រឈមនិងខេត្តស្រះកែវ ប្រទេសថៃ សព្វថ្ងៃនេះ សេចក្តីរាយការណ៏ដ៏ដែលបានបង្ហើបអោយដឹងទៀតថា ទីតាំងកន្លែងកើតហេតុនោះ គឺមានទាហ៊ានជួរមុខនិងប៉ូលិសវរះការពារព្រំដែន ដែលបើកភ្លើងខៀវ អោយបទល្មើសឈើគ្រញូង ចូលមកយ៉ាងគំហុកបែបនេះ ហើយក្រៅពីនោះ ក៏មានមន្ត្រីរដ្ឋបាលព្រៃឈើ មន្ត្រីប៉ូលិសសេដ្ឋកិច្ច ខេត្ត និងក្រសួង រួមជាមួយនិងអ្នកសារព័ត៏មានក្នុងស្រុកមូយចំនួនទៀត
ក៏បានទទួលសំណែន ពីម្ចាស់ឈើនោះផងដែរ ប៉ុន្តែសំណែនទាំងនោះមិនបានស្មើគ្នាទេ ត្រង់ថា អង្គភាពខ្លះ បានតិច ខ្លះបានច្រើន តែប៉ុណ្ណោះ តាមលិទ្ធិភាពរថយន្ត តូចឬធំ ដែលថៅកែឈើជានាក់កំណត់អោយ រាល់ថ្ងៃ ប្រភពពីប្រជាពលរដ្ឋដ៏ដែលបានបន្តទៀតថា មានពេលខ្លះ ឈើគ្រញូងត្រូវបានគេដឹក ចេញពីតំបន់ខាងលើ មកតាមផ្លូវជាតិលេខ៥៦ ពីស្រុកស្វាយចេក មកខេត្តបន្ទាយមានជ័យ ហើយក៏មានពេលខ្លះ គេដឹកតាមផ្លូវគ្រួសក្រហម ក្នុងតំបន់៥ ចាក់មកផ្លូវអូរបីជាន់ និងបង្ហួសមកក្នុងខេត្តខាងលើនោះដ៏ដែល ចំពោះស្រុកម៉ាឡៃ ក៏មានហេតុការខាងលើនោះ ផងដែរ ដោយឈ្មួញដឹកចេញពីច្រករបៀងមកតាមផ្លូវជាតិលេខ៥៩ មកក្រុង
ប៉ោយប៉ែត ដាក់តាមរថយន្តធំ ដោយបង្កប់ជាមួយនិងស៊ីម៉ងន៏ បង្ហួសមកតាមខេត្តមួយចំនួនទៀតផង ចំពោះមន្ត្រីរដ្ឋបាលព្រៃឈើក្នុងខេត្តបន្ទាយមានជ័យ បានបង្ហើបអោយដឹងថា ក្រុមរបស់ខ្លួនបានខិតខំព្យាយាមតាមចាប់បទល្មើសទាំងនេះដែរ ភាគច្រើនឈ្មួញមានល្បិចខ្លាំងជាងមន្ត្រីជំនាញទៅទៀត មន្ត្រីដ៏ដែលនោះបានបន្តទៀតថា ការបង្គ្រាបបទល្មើសព្រៃឈើខាងលើនោះ គឺពិតជាធ្វើអោយមន្ត្រី ជំនាញមានការលំបាក ក្នុងការបង្គ្រាបខ្លាំងណាស់ តែមុននិងក្រោយ មន្ត្រីរបស់យើង មុខជាចាប់ជនបង្កយកមកកាត់ទោសអោយទាល់តែបាននាពេលខាងមុខនេះ ៕
