.ខេត្ដព្រះសីហនុ៖រថយន្ដ២គ្រឿងបើកបុកគ្នាយ៉ាងពេញទំហឹងបណ្តាលរថយន្តមួយគ្រឿងផ្ទុះឆេះអណ្តាតភ្លើងសន្ធោសន្ធៅហើយមនុស្ស៤នាក់បានទទូលរងរបួសធ្ងន់ស្រាលប៉ុន្តែរសំណាងល្អនៅក្នុងហេតុការដ៍គូរឲ្យភ្ញាក់ផ្អើលនេះមិនមានអ្នកណាម្នាក់រងគ្រោះថ្នាក់ដល់អាយុជីវិតនោះឡើយ។
.ហេតុការនេះបានកើតឡើងនៅវេលាម៉ោង ១២និង៣០នាទីរំលងអធ្រាត្រឈានចូលថ្ងៃទី៤ ខែធ្នូ ឆ្នាំ២០១៤ នៅតាមបណ្តោយផ្លូវជាតិលេខ៤ត្រង់ចំណុចចន្លោះគីឡូម៉ែត្រលេខ ១៤០-១៤១ ស្ថិតក្នុងភូមិ-ឃុំចម្ការ ហ្លួង ស្រុកកំពង់សិលា ខេត្ដព្រះសីហនុ។ជនរងគ្រោះភ្លាមៗត្រូវបានគេដឹកបញ្ជូនទៅការមន្ទីរពេទ្យដើម្បីធ្វើការជូយសង្គ្រោះ។ចំណែករថយន្តរងគ្រោះដែលត្រូវផ្ទុះឆេះគឺនៅសល់តែតែដែកតែប៉ុណ្ណុះ។
.សមត្ថកិច្ចប៉ូលីសស្រុកកំពង់សីលាបានប្រាប់ ឱ្យដឹងថា អ្នករងរបួសនៅក្នុងគ្រោះថ្នាក់ មាន៤នាក់ទី១-ឈ្មោះសេង វាសនា ភេទប្រុស អាយុ២៩ឆ្នាំ ជាអ្នក បើកបរ (របួសធ្ងន់) ទី២-ឈ្មោះដា ភេទប្រុស អាយុ៣៤ឆ្នាំ អ្នករួមដំណើរ របួសធ្ងន់ ទី៣-ឈ្មោះម៉ៅ ណាក់ ភេទ ប្រុស អាយុ២៨ឆ្នាំ របួសស្រាល និងទី៤ -ដារីយ៉ា ភេទប្រុស អាយុ២៩ឆ្នាំរងរបួសស្រាល ។ ជនរងគ្រោះទាំង៤នាក់នេះជា កម្មកររស់នៅក្នុងក្រុមហ៊ុនមុងឫទ្ធី(កំពង់ផែកែវផុស)។
.ចំណែករថយន្តដែលបុកគ្នាឆេះខាងលើរូមមានទី១ ម៉ាកមីតស៊ុយប៊ីស៊ីកូរ៉េ ពាក់ស្លាកលេខ រដ្ឋ០០១៦ ជារថយន្តរបស់ក្រុម មុង ឫទ្ធី បើកបរដោយបុរស ឈ្មោះសេងវាសនាអាយុ២៩ឆ្នាំស្នាក់នៅក្នុងក្រុមហ៊ុនមុងឫទ្ធី(នៅផែកែវផុស)។ទី២រថយន្ដ ម៉ាកហ៊ីយ៉ាន់ដាយចំណុះ៥តោនផ្ទុកគ្រឿងសង្ហារឹមពាក់ស្លាកលេខ៣ព៨៦៤៨ត្រូវភ្លើងឆាបឆេះសល់តែដែក។រថយន្តទាំងពីរនេះបើកបរក្នុងគោលដៅបញ្ចាស់ទឹសគ្នាដោយរថយន្តរបស់ក្រុមហ៊ុនម៉ុងរិទ្ធីបើកបរមកពីរក្រុងភ្នំពេញរីឯរថយន្តដឹកគ្រឿងសង្ហារឹមបើកបរមកពីរខេត្តព្រះសីហនុក្នុងគោលដៅទៅទីក្រុងភ្នំពេញ។
ជុំវិញបញ្ហារនេះបើតាមសាក្សីនៅកន្លែងកើតហេតុ និយាយថា មូលហេតុដែលបណ្ដាលឱ្យ រថយន្ដ២គ្រឿងខាងលើនេះបុកគ្នានិងបង្ក ឱ្យរបួសមនុស្ស រថយន្ដឆេះគឺបណ្ដាលមកពីអ្នកបើកបររថយន្ដក្រុមហ៊ុនមុងឫទ្ធីចាំងភ្លើងហ្វាខ្លាំងពេកជាហេតុធ្វើឲ្យ អ្នកបើកបររថយន្ដ កូរ៉េ៥តោនមើលផ្លូវមិនឃើញក៍បាន រេចង្កូតទៅបុកយ៉ាងពេញទំហឹងធ្វើឲ្យផ្ទុះឆេះរថយន្តនោះតែម្ដងរីឯរថយន្តរបស់ក្រុមហ៊ុនម៉ុងរីទ្ធីមិនបានឆេះនោះទេ។
បច្ចុប្បន្ន រថយន្ដ រថយន្ដទាំង២គ្រឿងដែលមួយឆេះអស់សល់តែដែកត្រូវបានរក្សាទុកនៅអធិការដ្ឋាននគរ បាលស្រុកកំពង់សិលាខេត្ដព្រះសីហនុ រង់ចាំការដោះស្រាយតាមផ្លូវច្បាប់ ៕កោះពស់(រូបភាពរថយន្តឆេះនៅកន្លែងកើតហេតុ)
