ពោធិសាត់ ឃាត់ខ្លួនបុរស៣នាក់ ពាក់ព័ន្ធករណីប្រើប្រាស់សេពនូវសារធាតុគ្រឿងញៀនខុសច្បាប់ កាលពីថ្ងៃទី២ ខែធ្នូ ឆ្នាំ២០១៤ នៅចំណុចភូមិថ្នល់ជប៉ុន សង្កាត់រលាប ក្រុងពោធិ៍សាត់ ខេត្តពោធិ៍សាត់ តាមអំណាចរបស់តុលាកា បន្ទាប់ពីធ្វើកាកោះហៅឲ្យចូលខ្លួនមិនមក៕
លោកវរសេនីយ៍ទោ ស៊ី សាវិន ប្រធានការិយាល័យប្រឆាំងគ្រឿងញៀនខេត្ត បានឲ្យដឹងកាលពីព្រឹកថ្ងៃទី៣ ខែធ្នូនោះថា មុខសញ្ញាប្រើប្រាស់សារធាតុញៀនខុសច្បាប់ ដែលសមត្ថកិច្ចចាប់ខ្លួនទី១.ឈ្មោះ ណុប ភក្តី ភេទប្រុស អាយុ៣៣ឆ្នាំ, ទី២.ឈ្មោះ សេង ចិត្រា ភេទប្រុស អាយុ២៦ឆ្នាំ និងទី៣.ឈ្មោះ តាំង ស៊ុនហេង ភេទប្រុស អាយុ៣១ឆ្នាំ អ្នកទាំងបីរស់នៅសង្កាត់រលាប ក្រុងពោធិ៍សាត់ ខេត្តពោធិ៍សាត់ ។
លោកបន្តឱ្យដឹងទៀតថាជនសង្ស័យទាំងបីនេះគឺជាមុខសញ្ញសេពគ្រឿងញៀនកន្លងមក ដោយតុលាកាបានកោះហៅពួកគេ ចូលខ្លួន តែពួកគេមិនបានចូលខ្លួនរបស់តុលាកាទេ។ ហើយពួកគេក៍បានបន្តសេពសារធាតុញៀននេះតទៅទៀត ទើបតុលាការ ឱ្យសមត្ថកិច្ចជំនាញខេត្ត សហការណ៍ជាមួយក្រុងនិងនគរបាលសង្កាត់ ខាងលើចាប់ខ្លួនពួកគេទាំងបី រូចហើយយកឱប្បរណ៍ពិនិត្យទឹកនោមទាំងនាក់នោះ ឃើញមានសុតតែផ្ទុកសារធាតុញៀន។
ក្រោយពីសមត្ថកិច្ចចាប់ខ្លួនបុរសទាំង៣នាក់ និងពិនិត្យឃើញមានផ្ទុកសារធាតុញៀនហើយ ជនសង្ស័ទាំងបីក៍បានសារភាពថា កន្លងមករូបគេធ្លាប់ប្រព្រិត្តនូវអំពើមិនគួគប្បីនូវអំពើសេពគ្រឿងញៀននេះមែន ។
បច្ចុបន្នមុខសញ្ញាទាំង៣នាក់ ត្រូវបានសមត្ថកិច្ចនគរបាលប្រឆាំងគ្រឿងញៀនកំពុងកសាងសំណុំរឿងចាត់ការតាមច្បាប់ ៕
