បុរស២នាក់ទំនងជាស្រវឹងស្រាបានបើករថយន្តកូរ៉ួលាមួយគ្រឿងក្នុងល្បឿនលឿន ជ្រុលបុកចូលរបងផ្ទះប្រជាពលរដ្ឋមួយកន្លែង បណ្តាលធ្លុះទៅម្ខាងទៀត និងរថយន្តក្រាប់ផ្ងារ ជើងច្រងាង សំណាងល្អមិនបង្កឲ្យមនុស្សរងរបួស ។ហេតុការណ៍នេះបានកើតឡើងកាលពីវេលាម៉ោង១២និង៥០នាទីរំលងអាធ្រាតឈានចូលថ្ងៃទី៤ ខែធ្នូ ឆ្នាំ២០១៤ នៅចំណុចមុខ ស្ថានីយ៍ប្រេងឥន្ទៈសូគីមិច តាមបណ្តោយផ្លូវនរោត្តមន៍ កែងផ្លូវលេខ៣២២ ស្ថិតក្នុងសង្កាត់ បឹងកេងកងទី៣ ខណ្ឌចំការមន។
តាមសាក្សីនៅកន្លែងកើតហេតុបានឲ្យដឹងថាមុនពេលកើតហេតុគេបានឃើញ រថយន្ត មួយគ្រឿងម៉ាកកូរ៉ូលា ពណ៌ខ្មៅ ពាក់សា្លកលេខភ្នំពេញ2P-6481 បើកបរដោយបុរស២នាក់ ធ្វើដំណើរតាមបណ្តោយផ្លូវនរោត្តមន៍ ក្នុងទិសដៅពីត្បូងទៅជើង ក្នុងល្បឿនលឿន និងរ៉េ ពេញ ផ្លូវ ខណៈមកដល់ចំណុចផ្លូវលេខ៣២២ បានបត់ទៅលិច ដោយបួងចង្កូតមិនទាន់បាន ជ្រុល បុករបង់ផ្ទះប្រជាពលរដ្ឋដែលកំពុងសាងសង បណ្តាលឲ្យបាក់រៀបស្មើដល់ដី ហើយរថយន្តបង្ក បានក្រឡាប់ផ្ងារជើងច្រងាង ។
សាក្សីដដែលបានបន្តថា ក្នុងហេតុការណ៍គ្រឿងថ្នាក់ចរាចរណ៍នោះមិនបង្កឲ្យមាននរណាម្នាក់រងរបួសនោះទេ ចំណែកម្ចាស់រថយន្តគ្រាន់តែរបួសបន្តិចបន្ទូចតែប៉ុណ្ណោះ ។
ក្រោយពេលកើតហេតុម្ចាស់រថយន្តបានគេចខ្លួនបាត់ស្រមោលបន្សល់ទុករថយន្តនៅកន្លែងកើតហេតុ ត្រូវបានសមត្ថកិច្ចស្ទូចយកទៅរក្សាទុកធអិការដ្ឋាននគបាលខណ្ឌចំការមនដើម្បីរងចាំដោះស្រាយនៅពេលក្រោយ៕
Ads
