ភ្នំពេញ ៖ សំណុំរេឿងឃាតកម្មបាញ់សម្លាប់ឧកញា៉ អឹុង មេ៉ងជឺ នៅចម្ងាយប្រមាណជិត១០០មែ៉ត្រ ពីរបងពហុកីឡាដ្ឋានជាតិអូរឡាំពិក ក្រុងភ្នំពេញ ពេលនេះត្រូវបានលាតត្រដាងការពិតហើយ បន្ទាប់ពីអង្គរក្ស៤នាក់បានឆ្លើយសារភាពថាមេខ្លោង គឺជាឧកញា៉ ថោង សារ៉ាត់ ដែលជាម្ចាស់បុរីផ្ទះល្វែង ៩៩៩ ។ 
ក្រោយការឡោមព័ទ្ធជាច្រើនមោ៉ងនៅ២គោលដៅ សំខាន់ៗក្នុងក្រុងភ្នំពេញ សមត្ថកិច្ចបានរឹបអូសកាំភ្លើងខ្លីមា៉កឡុកនិងរ៉ូឡូចំនួន៧ដើម ក្រៅពីនោះ សមត្ថកិច្ចបានចាប់ខ្លួនឪពុកម្តាយឧកញា៉ ថោង សារ៉ាត់រួមនិងអ្នកធ្វើការជាមួយ៥នាក់ផ្សេងទៀតផងដែរ បន្ទាប់ពីចាប់អង្គរក្សមុនដំបូងគេ ។
គិតត្រឹមមោ៉ង១២រំលងអាធ្រាតកម្លាំងសមត្ថកិច្ច ជាច្រើននាក់បានដកថយមកវិញ បន្ទាប់ពីចាប់ខ្លួន មនុស្ស៧នាក់ចុងក្រោយ ខណ:ឧកញា៉ ថោង សារា៉ត់ រត់គេចខ្លួន ។ ក្នុងបណ្តាញសង្គមហ្វេសប៊ុកជាច្រើនប្រូហ្វាល់ បានសាទរចំណាត់ការរបស់សមត្ថកិច្ចក្នុងក្រុងភ្នំពេញ និងក្រសួងមហាផ្ទៃក្រោយពីបើកប្រតិបត្តិការ ដ៍ក្តៅគគុកនៅក្រុងភ្នំពេញ ជាពិសេសមានការដឹកនាំ ដោយលោក ជូន សុវណ្ណ ស្នងការនិងលោក ជូន ណារិន ស្នងការរង ។ 
ជាថ្មីម្តងទៀតហើយអង្គរក្សឧកញា៉ ថោង សារ៉ាត់ ម្ចាស់បុរី ៩៩៩ ត្រូវចាប់ខ្លួននៅសង្កាត់ចាក់អង្រែក្រោម ខណ្ឌមានជ័យ ក្រុងភ្នំពេញ ដែលជាទីស្នាក់ការកណ្តាលរបស់លោកបន្ទាប់ពី៣នាក់ដែលចាប់មុនដំបូងគេនៅមុខមន្ទីពេទ្យរូស្សុីបានឆ្លើយសារភាពរេឿងបាញ់សម្លាប់ឧកញា៉ អឹុង មេ៉ងជឺ ។
លោក ឧកញា៉ ថោង សារា៉ត់ ពេលនេះប្រឈម និងការចាប់ខ្លួនពីសំណាក់តុលាការក្រុងភ្នំពេញខណ:សមត្ថកិច្ចរកឃើញថា នៅពីក្រោយខ្នង នៃការបាញ់សម្លាប់ឧកញា៉ អឹុង មេ៉ងជឺ ។ 
ប្រមាណជិត២មោ៉ងនៅរសៀលថ្ងៃទី៣ ខែធ្នូ ឆ្នាំ២០១៤ សន្និសិទ្ធកាសែតបានបញ្ចប់ទៅដោយរលូននៅទីស្នាក់ការកណ្តាលក្រុមហ៊ុនសំណង់ផ្ទះល្វែង ៩៩៩ បន្ទាប់ពីសាច់ញាតិឧកញា៉ ថោង សារា៉ត់ បានលាតត្រដាងការពិត ។
សូមជំរាបថា ក្នុងសន្និសីទកាសែតនេះ ឳពុកម្តាយ របស់លោក ថោង សារ៉ាត់ គឺលោកស្រី កែវ សារី និង លោកថោង ចំរើន បានអះអាងថា កូនរបស់គាត់ មិនមានការពាក់ព័ន្ធ នឹងករណីបាញ់សម្លាប់ឧកញ៉ា អ៉ឺង ម៉េងជឺ នោះទេ ហើយពេលនេះកូនរបស់គាត់ បានគេចខ្លួនមួយរយៈ ដើម្បីសុវត្ថិភាពខណៈសមត្ថកិច្ចឃាត់ខ្លួន អង្គរក្ស៤នាក់ ។ 
លោក ស្រី កែវ សារីបានបន្តរថា នៅថ្ងៃ៤ធ្នូ២០១៤ គ្រួសារអ្នកស្រី និងដាក់ពាក្យបណ្តឹងទៅរដ្ឋសភា ព្រឹទ្ធសភា ខុទ្ធកាល័យសម្តេចតេជោហ៊ុន សែន តុលាកាគ្រប់ជាន់ថ្នាក់ ក្រសួងការពារជាតិ និងក្រសួងមហាផ្ទៃជាដើម ។ ប៉ុន្តែពាក្យបណ្តឹងត្រូវបរាជ័យ ។
លោក ស្រី បានចាត់ទុកថា ការឃាត់ខ្លួនអង្គរក្ស និងយកកាំភ្លើងភ្ជង់ឧកញា៉ ថោង សារ៉ាត់ កូនប្រុស របស់គាត់ជាការបំពានច្បាប់ ពីព្រោះសមត្ថកិច្ច មិនមានដីការពីតុលាការនោះឡើយ ។ លោក ស្រីបានសង្កត់ធ្ងន់ថា ឧកញា៉ ថោង សារា៉ត់ មិនស្គាល់ឧកញា៉ អឹុង មេ៉ងជឺ នោះឡើយ ជនសង្ស័យ៤នាក់ដែលត្រូវចាប់ខ្លួនពាក់ពន្ធ័ករណីបាញ់សម្លាប់លោកឧកញ៉ាអ៊ឹង ម៉េងជឺ កាលពីពេលកន្លងមក ទី១/ ឈ្មោះគយ ចាន់ថុល ភេទប្រុស អាយុ២៩ឆ្នាំមុខរបរអង្គរក្ស ទី២/ ឈ្មោះមាស សម្បត្តិ ភេទប្រុស អាយុ២៧ឆ្នាំ មុខរបរអង្គរក្សស្នាក់នៅសង្កាត់មិត្តភាព(ផ្លូវកម្ពុជាក្រោម)ខណ្ឌ៧មករា ទី៣/ឈ្មោះសៀង វាសនា ភេទប្រុស អាយុ៤៤ឆ្នាំ និងទី៤ ឈ្មោះ លី សៅ ហៅវី ដែលជាសង្ស័យឃាត់ខ្លួនចុងក្រោយគេនៅព្រឹកថ្ងៃ៣ធ្នូ ។
យោងតាមកំណត់ហេតុរបស់សមត្ថកិច្ចបានឲ្យដឹងថា នៅក្នុងប្រតិបត្តិការចាប់ជនសង្ស័យសមត្ថកិច្ចដកហូតអាវុធខ្លី២ដើមម៉ាកC Z.75.Dលេខ4495និងម៉ាកXD 9 លេខ៦៨២១និងម៉ូតូមួយគ្រឿងម៉ាកCPXពាក់ស្លាកលេខភ្នំពេញ1CK-0999 រួមនិងសម្ភារះដែលពាក់ពន្ធ័មួយចំនួនទៀត ។
សូមបញ្ជាក់ថា លោកឧកញ៉ា អ៊ឹង ម៉េងជឺ ថៅកែក្រុមហ៊ុន ស៊ីម៉ង់តិ៍ពេជ្រ ត្រូវឃាតករបាញ់ សម្លាប់ភ្លាមៗ នៅពេលកំពុងចុះទិញផ្លែឈើ នៅហាងមួយកន្លែងក្បែរបងស្តាតអូរឡាំពិក ស្ថិតក្នុងសង្កាត់ទួលស្វាយព្រៃទី២ ខណ្ឌចំការមន រាជធានីភ្នំពេញ កាលពីម៉ោង ៧ និង១៨នាទីយប់ថ្ងៃទី២២ ខែវិច្ឆិកា ឆ្នាំ២០១៤ ។
ក្រោយកើតហេតុលោក ជួន ណារិន ស្នងការរងរាជធានីភ្នំពេញ បានបញ្ជាក់ថា នៅម៉ោងកើតហេតុបុរសជាជនរងគ្រោះ បានជិះរថយន្តលុច្សស៊ីស៥៧០ ពាក់ស្លាក់លេខ ភ្នំពេញ 2M-1683 មកទិញផ្លែឈើនៅហាងមួយកន្លែង ពេលបើកទ្វារដើរចេញពីរថយន្ត មិនទាន់ទាំងបានទិញផ្លែឈើផង ស្រាប់តែជនល្មើសមានគ្នាពីរនាក់ បានជិះម៉ូតូមកដល់ហើយក៍បាញ់ប្រហារភ្លាមៗតែម្តង។
សមត្ថកិច្ច បានបញ្ជាក់ថា ជនរងគ្រោះមានភរិយាឈ្មោះ តាំង គឹមឆេង ជាថៅកែហាងពេជ្រ ហុង កុង នៅជិតផ្សារធំថ្មី។ លោក ជួន ណារិន បានបញ្ជាក់ថា ករណីបាញ់សម្លាប់នេះ អាចផ្តើមចេញពីរឿងគំនុំ ។ ពាក់ព័ន្ធនិងការចោទប្រកាន់អង្គរក្សឧកញា៉ដ៍មានឥទ្ធិពលនៅក្នុងសង្គមនេះ ឧកញា៉ ថោង សារា៉ត់ មិនបានឆ្លើយតបនោះឡើយ ខណ:ទូរស័ព្ទចូលមិនមានអ្នកទទួល។ ប៉ុន្តែវត្តមានលោក ឧកញា៉ ថោង សារ៉ាត់ ត្រូវគេរាយការណ៍ថា បានមកបំភ្លឺចំពោះមុខ ស្នងការនគរបាលក្រុងភ្នំពេញ លោក ឧត្តមសេនីយ៍ ឯក ជូន សុវណ្ណ ម្តងរួចទៅហើយ ។ 
គួររំលឹកថា លោកឧកញ៉ា អឹុង ម៉េងជឺ ត្រូវបានតុលាការចោទប្រកាន់ចំនួន២បទល្មើស គឺ បទធ្វើឱ្យបាត់ជំនឿលើសេចក្តីសម្រេចរបស់តុលាការ និង បទ ការប្តឹងបរិហារដោយភូតភរដល់អាជ្ញាធរតុលាការ តាមមាត្រា ៥២៣ និង ៥២៤ នៃក្រមព្រហ្មទណ្ឌ ។
បច្ចុប្បន្នសំណុំរឿងរបស់លោក ស្ថិតក្នុងចំណាត់ការរបស់លោក កែវ មុនី ជាចៅក្រមស៊ើបសួរសាលាដំបូងរាជធានីភ្នំពេញ ហើយបានចេញដីកាបង្គាប់ឱ្យលោកឧកញ៉ា អឹុង ម៉េង ចូលបំភ្លឺនៅថ្ងៃទី៨ ខែធ្នូ ខាងមុខ ។ ប៉ុន្តែក្រោយការស្លាប់របស់លោកឧកញ៉ា អឹុង ម៉េងជឺ បណ្តឹងអាជ្ញាត្រូវបានរលត់ ដោយសារមូលហេតុមរណភាពនៃជនល្មើស តាមមាត្រា ៧ នៃក្រមនីតិវិធីព្រហ្មទណ្ឌ ។
