កំពង់ធំៈ ច្រាំងទឹកស្ទឹងសែនបន្តបាក់ច្រាំងជាបន្តបន្ទាប់ បង្ករការព្រួយបារមណ៍ដល់អាជ្ញាធរ និងប្រជាពលរដ្ឋ ដែលមានលំនៅដ្ឋានតាមបណ្តោយស្ទឹងសែន ដែលបានទទួលនូវការគំរាមគំហែងពីការបាក់ច្រាំងជាក់ស្តែង កន្លងទៅថ្មីៗនេះ ច្រាំងស្ទឹងសែន បានលេបត្របាក់ផ្ទះរបស់លោក ហេង មនោ មេឃុំផាត់សណ្តាយអស់មួយកំណាត់បង្ករការខូចខាតជាច្រើន ។
តែដល់ថ្ងៃទី ៥ខែធ្នូ ឆ្នាំ ២០១៤ វេលាម៉ោង៥ល្ងាចរហូតដល់ ម៉ោង៦.៣០នាទី ច្រាំងស្ទឹងសែនបានបន្តបាក់ នៅចំនុចភូមិ ទី១ សង្កាត់កំពង់ធំ ក្រុងស្ទឹងសែន ខេត្តកំពង់ធំ ថែមទាំងបានលេបត្រាបាក់ផ្ទះមួយខ្នងចូលទៅ ក្នុងស្ទឹងសែន និងផ្ទះមួយខ្នងទៀតកំពុងតែប្រឈមនិងការបាក់ចូលស្ទឹងផងដែរ នៅក្នុងហេតុការនេះ គេសង្កេតឃើញឯកឧត្តម គង់ វិមាន អភិបាលរងខេត្តកំពង់ធំ អមដំណើរដោយលោក ញ៉ែម ឈុនលី អធិការក្រុង
ស្ទឹងសែន និងលោក អៀ គឹមឡូន អភិបាលរងក្រុងស្ទឹងសែន បានចុះពីពិនិត្យកន្លែងកើតហេតុ និងបាន ណែនាំឲ្យកម្លាំងសមត្ថកិច្ច ប្រចាំការជួយដល់ប្រជាពលរដ្ឋរងគ្រោះ ចំនួន២គ្រួសារ ទី១ឈ្មោះ វីម៉ាលី ភេទ ស្រី អាយុ ២៧ឆ្នាំ ប្តីឈ្មោះ ឈិត រ៉េត មានកូន២នាក់ ទី២ឈ្មោះ វី ម៉ាឡា ភេទ ស្រី អាយុ ៥០ឆ្នាំ មានកូន៣ នាក់ជាស្ត្រីមេម៉ាយ ។
ឯកឧត្តម គង់ វិមាន អភិបាលរងខេត្តកំពង់ធំ បានសម្តែងនូវការសោកស្តាយ ចំពោះគ្រួសារដែលជួបនូវគ្រោះ ធម្មជាតិ នឹងអាចកើតឡើងគ្រប់ពេលវេលាចំពោះប្រជាពលរដ្ឋក្រីក្ររ អាស្រ័យដីចំណីស្ទឹងសែន សាងសង់លំនៅដ្ឋាន បន្ទាប់ពីស្ទឹងសែនមានការបាក់ច្រាំងបណ្តាលអោយមានផលប៉ះពាល់ដល់ការរស់នៅរបស់ តែទោះជាមានហេតុការណ៍បាក់ច្រាំងយ៉ាងនេះក្តី ក៏អាជ្ញាធរ និងកងកម្លាំងទាំងបីប្រភេទ ជាពិសេស ឯកឧត្តម អ៊ុត សំអន អភិបាលខេត្តកំពង់ធំ មានការយកចិត្តទុកដាក់បំផុតសម្រាប់ការចុះជួយ និងសម្រួលដល់ការទុក្ខ លំបាករបស់ប្រជាពលរដ្ឋ ។
ដោយ ប៊ុន រដ្ឋា
