បាត់ដំបង: គ្រូបង្រៀននៅវិទ្យាល័យស្រុកបវេលម្នាក់ត្រូវរថយន្តបុកយ៉ាងពេញទំហុឹងចំពីក្រោយបណ្តាលអោយស្លាប់ភ្លាមមួយរំពេចន៍កាលពីថ្ងៃទី 3-12-14 វេលាម៉ោង 4,15 នាទីល្ងាចខណ:ដែលគ្រូបង្រៀនរូបនោះកំពុងជិះម៉ូតូតាមបណ្តោយផ្លូវលេខ57B ក្នុងទិសដៅពីត្បូងទៅជើង លុះទៅដល់ចំនុចផ្លូវបំបែកទៅឃុំក្តុលតាហែន ស្ថិតក្នុងភូមិដាច់ព្រ័ត្រ ឃុំបវេល ស្រុកបវេល ខេត្តបាត់ដំបងក៏ស្រាប់តែមានរថយន្តមួយគ្រឿងដែលកំពុងបោះពួយយ៉ាងលឿនមកបុកពីក្រោយតែម្តង. ។
តាមប្រភពក្រៅផ្លូវការមួយបានបញ្ជាក់ថា នៅមុនពេលកើតហេតុគឺមានអ្នកគ្រូម្នាក់ឈ្មោះ
វ៉ាន់ ចាន់ថន អាយុ24ឆ្នាំ រស់នៅភូមិជ្រោយម្ទេស ឃុំតាមុឺន ស្រុកថ្មគោល ជាគ្រូបង្រៀនក្នុងវិទ្យាល័យស្រុកបវេល បានជិះម៉ូតូម៉ាកសង់ស៊ែរីចាស់ចេញពីលំនៅដ្ឋានឆ្ពោះទៅកាន់ស្រុកបវេលដើម្បីបង្រៀនកួភាសាអង់គ្លេស. ។
ប្រភពដដែលបានបន្តថា លុះទៅដល់ចំនុចកើតហេតុខាងលើស្រាប់តែមានរថយន្ត. មួយគ្រឿងម៉ាកកាមរីបានបើកបរយ៉ាងលឿនក្នុងទិសដៅស្របគ្នាដោយហាក់បីដូចជាអ្នកបើកបរ
មានសភាពស្រវុឹងផងបានទៅបុកម៉ូតូរបស់អ្នកគ្រូចំពីក្រោយបណ្តាលអោយនារីរងគ្រោះផ្លោងធ្លាក់ទៅលើចិញ្ចើមថ្នល់បាក់ កស្លាប់ភ្លាមៗតែម្តង ចំណែករថយន្តបង្កដែលមានទាំងអ្នកបើកបរនិងអ្នករួមដំណើរផងនោះបានរងរបួសរហូតដល់សន្លប់ដោយសារតែរថយន្តត្រូវក្រឡាប់រមូជាច្រើនត្រឡប់. ។
ប្រភពដដែលបានសង្ករ់ធ្ងន់ថាអ្នកបើកបររថយន្តនោះឈ្មោះ អាន បាន ភេទប្រុស
អាយុ50ឆ្នាំ មាននាទីជាPM លើផ្ទៃប្រទេស និងមានទីលំនៅនៅឃុំក្តុលតាហែន ស្រុកបវេល
ដោយអ្នកបើកបរ និងអ្នករួមដំណើរសុទ្ធតែស្រវុឹងឡើងដាបស្ទើរតែបាត់បង់ម្ចាស់ការទៅហើយបានជាធ្វើការបើកបរជាន់គ្មានសំចៃជើងបែបនេះ. ។
នៅក្នុងខណ:នោះដែរគេសង្គេតឃើញថាគូដណ្តឹងរបស់នារីរងគ្រោះក៏បានទៅទទួលសព
ដោយភាពសោកសង្រេងនិងទឹកភ្នែកផងដែរដោយយុវជនដែលត្រូវជាគូដណ្តឹងបានរៀបរាប់ថា ពួកគេទាំងពីរនាក់នឹងត្រូវចូលរោងការនាខែមករា ឆ្នាំ2015 ខាងមុខនេះហើយប៉ុន្តែជាអកុសលនាងត្រូវស្លាប់យ៉ាងវេទនាបែបនេះទៅវិញ. ។
ពាក់ព័ន្ធនឹងករណីនេះលោក លឹម ឆាយភារម្យ អធិការរងនគរបាលស្រុកបវេលទទួល
បន្ទុកការងារសណ្តាប់ធ្នាប់បានអះអាងថាចំពោះអ្នកបើកបររថយន្តបង្កលោកមិនបានដឹងថាជាPMលើផ្ទៃប្រទេសឬយ៉ាងណានោះទេដោយគ្រាន់តែដឹងថាបច្ចុប្បន្នក្រោយពេលកើតហេតុអ្នកបើកបរក៏បានរងរបួសបាក់ឆ្អឹងចង្កេះផងដែរដោយកំពុងសំរាកព្យាបាលនៅឯមន្ទីរពេទ្យ ចំណែកមធ្យោបាយធ្វើដំណើរទាំងពីរគ្រឿងកំលាំងបាននាំយកទៅរក្សាទុកនៅអធិការដ្ឋានហើយរង់ចាំធ្វើការសាកសួរជាក្រោយទៅលើភាគីបង្កនិងសាក្សីនានាជុំវិញកន្លែងកើតហេតុ. ៕
