បាត់ដំបង: យុវជនម្នាក់ដែលស្ថិតក្នុងភាគីបង្កត្រូវបានឃាត់ខ្លួនភ្លាមៗកាលពីវេលាម៉ោង7,15នាទីយប់ថ្ងៃទី5-12-14 ត្រង់ចំនុចក្បែផ្សារណាត់កណ្តាលក្រុងបាត់ដំបង ខេត្តបាត់ដំបង បន្ទាប់ពីជនរូបនេះព្រមទាំងបក្ខពួកជិះម៉ូតូដេញកាប់ភាគីម្ខាងទៀតបណ្តាលអោយរយះក្បាលឈាមហូរស្រោចប្រាណ. ។
បើតាមប្រភពមួយចំនួនដែលនៅក្បែកន្លែងកើតហេតុបាននិយាយថា នៅមុនពេលកើតហេតុគេឃើញមានម៉ូតូចំនួនពីរគ្រឿងបានជិះប្រដេញគ្នាតាមបណ្តោយផ្លូវលេខ3 ក្នុងទិសដៅពីត្បូងទៅជើងលុះមកដល់ចំនុចកើតហេតុដែលទន្ទឹមនឹងផ្សារណាត់ហើយក៏មានមនុស្សអ៊ូរអរផងនោះធ្វើអោយភាគីបង្កតាមទាន់ រួចក៏បានលើកកាំបិតដ៏មុតស្រួចកាប់ទៅលើក្បាលភាគីម្ខាងទៀតដែលបណ្តាលអោយរយះយ៉ាងជ្រៅនិងមានឈាមហូរស្រោចជោកប្រាណ ដោយឡែកម៉ូតូទាំងពីរគ្រឿងក៏ត្រូវបានដួលនៅទីនោះទាំងអស់គ្នាដែរ ទើបធ្វើអោយមានការភ្ញាក់ផ្អើលយ៉ាងខ្លាំង និងធ្វើអោយមានការកកស្ទះចរាចរថែមទៀតផង. ។
ភ្លាមៗនោះដែរកំលាំងនគរបាលក្រុងដែលកំពុងឈរយាមប្រចាំការនៅទីនោះបានស្ទុះ. ចូលទៅក្របួចយកជនសង្ស័យដែរប៉ុន្តែដោយសារតែចំនុចនោះក្បែទីផ្សារទើបជនដៃដល់បានរត់គេចខ្លួនបាត់ស្រមោលដោយឃាត់បានតែបក្ខពួកដែលជាអ្នកបើកបរម៉ូតូតែប៉ុណ្ណោះដើម្បីនាំយកទៅកាន់អធិការដ្ឋាននិងធ្វើការសាកសួរ. ។ ចំណែកជនរងគ្រោះដែលកំពុងតែមានឈាមហូរឥតឈប់នោះក៏ត្រូវបានគ្នាគេដឹកម៉ូតូបញ្ជូនទៅកាន់មន្ទីរពេទ្យដើម្បីសង្គ្រោះផងដែរ. ។
ទាក់ទងនឹងហេតុការយ៉ាងណានោះយើងមិនទាន់បានរបាយការពីសមត្ថកិច្ចក្រុងនៅឡើយទេដោយគេបានប្រាប់ថាកំពុងតាមរកជនដែដល់សិន ដូច្នេះទាំងឈ្មោះ ទាំងមូលហេតុដែលផ្តើមចេញរហូតឈានដល់ដេញកាប់គ្នានេះយើងមិនទាន់បានទទួលនោះឡើយទេ. ។
