កំពង់ឆ្នាំង៖ជនសង្ស័យជាអ្នកសកម្មចែកចាយនិងប្រើប្រាស់គ្រឿង២នាក់ត្រូវបានសមត្ថកិច្ចចំរុះ
សហការគ្នាព័ទ្ធចាប់ចាប់ខ្លួនបាននៅក្នុងលំនៅដ្ឋាន ខណៈប្រជាពលរដ្ឋរាយការណ៍អោយពេលឃើញពួកគេប្រើប្រាស់គ្រឿងញៀន។ កិច្ចបង្ក្រាបនិងចាប់ខ្លួនជនសង្ស័យខាងលើនេះបានធ្វើឡើងនៅម៉ោង៣និង១៥នាទីល្ងាចថ្ងៃទី០៤ ខែធ្នូ ឆ្នាំ២០១៤ នៅក្នុងភូមិក្រាំងស្គារជើង ឃុំក្រាំងស្គារ ស្រុកទឹកផុស។
លោកនាយការិយាល័យស្តីទីនគរបាលប្រឆាំងគ្រឿងញៀនខេត្តបាននិយាយអោយដឹថា៖
ជនសង្ស័យទាំង២នាក់ខាងលើនេះ ១ឈ្មោះ មុត នីម អាយុ៣៨ឆ្នាំ រស់នៅភូមិក្រាំងស្គារជើង
ឃុំក្រាំងស្គារ ស្រុកទឹកផុស ២ឈ្មោះ កឹម សាកល អាយុ២១ឆ្នាំ រស់នៅភូមិក្រាំងស្គារត្បូង ឃុំ
ស្រុកជាមួយគ្នា គេទាំង២នាក់ជាមុខសញ្ញាចែកចាយគ្រឿងញៀនដែលសមត្ថកិច្ចគ្រប់គ្រង។
មុនពេលចាប់ខ្លួនសមត្ថកិច្ចមូលដ្នានទទួលបានការរាយការណ៍ពីប្រជាពលរដ្ឋ និងដោ
យបានតាមដានជាយូរមកផង សមត្ថកិច្ចនគរបាលប្រឆាំងគ្រឿងញៀនខេត្ត សហការជាមួយ
នគរបាលស្រុកទឹកផុស នគរបាលប៉ុស្តិមូលដ្ឋាន បានធ្វើការឡោមពទ្ធ័ផ្ទះឈ្មោះ មុត នីម ចាប់
ខ្លួនពួកគេបានទាំង២នាក់ ដកហូតបានឧបករណ៍ជក់គ្រឿងញៀនមួយចំនួន ស្នាប់ដៃ១ គ្រាប់
កាំភ្លើង១គ្រាប់ ស្លាកលេខម៉ូតូ ខ.ម មួយ និងម៉ូតូ២គ្រឿង ១ម៉ាកឌុក និង១ទៀតម៉ាកវេវពាក់ស្លាកលេខភ្នំពេញ1BP-0468 ដោយឡែកគ្រឿងញៀនត្រូវបានគេបោះចោលអស់មុនពេលសមត្ថកិច្ចមកដល់ ឆែកឆេរមិនឃើញ។
ជនសង្ស័យទាំង២នាក់រួមនិងវត្ថុតាងត្រូវបានសមត្ថកិច្ចជំនាញកសាងសំណុំរឿងតាមផ្លូវ
ច្បាប់ បញ្ញូនទៅកាន់សាលាដំបូងខេត្តនៅរសៀលថ្ងៃទី០៥ ខែធ្នូនេះ ដើម្បីអោយតុលាការខេត្ត
ធ្វើការចោទប្រកាន់ផ្តន្ទាទោសតាមបញ្ញត្តិច្បាប់៕
