ប្រជុំ​បិទ​ផ្សាយ​ទិន្នន័យ ជា​សាធារណៈ​នូវ​ឯកសារ នៃ​ការវិនិច្ឆ័យ សំរាប់​ភូមិ​ទួល ភូមិ​ព្រៃ​ក​ផ្តៅ និង ភូមិ​កំពង់​ស្មាច់​តូច ឃុំ​ទឹកល្អក់ ស្រុក​ព្រៃនប់ ខេត្ត​ព្រះសីហនុ​

​ខេត្ត​ព្រះសីហនុ​
​ ​ព្រឹក​ថ្ងៃទី ០៤ ខែ ធ្នូ ឆ្នាំ ២០១៤ នៅ​សាលាឃុំ​ទឹកល្អក់ ស្រុក​ព្រៃនប់ ខេត្ត​ព្រះសីហនុ មាន រៀបចំ​កិច្ចប្រជុំ ស្តីពី​ការបិទ​ផ្សាយ​ទិន្នន័យ ជា​សាធារណៈ​នូវ​ឯកសារ នៃ​ការវិនិច្ឆ័យ​ក្បាលដី​ចំនួន​៣​ភូមិ គឺ​ភូមិ​ទួល ភូមិ​ព្រែក​ផ្តៅ និង​ភូមិ​កំពង់​ស្មាច់​តូច ក្នុង​ឃុំ​ទឹកល្អក់ ស្រុក​ព្រៃនប់ ខេត្ត​ព្រះសីហនុ ក្រោម​អធិបតីភាព​ឯកឧត្តម ស្រ៊ុន ស្រ៊ន់ អភិបាលរង​ខេត្ត​ព្រះសីហនុ និង​ជា​ប្រធាន​គណៈកម្មការ​រដ្ឋបាល ។​
​ ​លោក ហ៊ុន ភី ប្រធាន​មន្ទីរ​រៀបចំ​ដែនដី នគររូបនីយកម្ម​សំណង់ និង សុរិយោដី និង​ជា​នាយក​ចាត់ការ​កម្មវិធី អនុវិស័យ​រដ្ឋបាល​ដីធ្លី​ខេត្ត​ព្រះសីហនុ បានអោយដឹងថា គណៈកម្មការ​គ្រប់គ្រង​ដី រដ្ឋ ថ្នាក់​ខេត្ត ស្នើសុំ​ឆ្វៀល​ដី​ចេញ​មាន​ទំហំ​សរុប​មាន ៨៨៨.៥០​ហិច​តា ក្នុងនោះ​ឆ្វៀល​ចេញពី​គម្រប​ព្រៃឈើ​ឆ្នាំ​២០០២ ចំនួន ៤៦២.៩០​ហិច​តា និង​ឆ្វៀល​ចេញពី​ក្រុមហ៊ុន អ៊ី សេង ខូ​រអិល​ធី​ឌី ចំនួន ៤២៥.៥៩​ហិច​តា ទិន្នន័យ​ក្បាលដី​វាស់វែង​កំណាត់​ព្រំ​បាន​ចំនួន ៤០០​ក្បាលដី បញ្ចូល​ទិន្នន័យ​បាន​ចំនួន ៣៨៤​ក្បាលដី ស្មើនឹង ២៧៤​គ្រួសារ ក្បាលដី​គ្មាន​ទិន្នន័យ​ចំនួន ១៦​ក្បាលដី បំពេញ​សាលា​ក​ប័ត្រ​ព័ត៌មាន​ចំនួន ៤០០​ក្បាលដី បញ្ចូល​សម្រង់​បញ្ជី​ឈ្មោះ​អ្នកកាន់កាប់​ដី​ចំនួន ៣៨៤​ក្បាលដី ទំហំ​ដី​ពី​០​ហិច​តា ដល់ ៥​ហិច​តា មាន​ចំនួន ៣៤៦​ក្បាលដី ដី​ទំហំ ១០​ហិច​តា​មាន​ចំនួន ៥៤​ក្បាលដី ចំពោះ​ក្បាលដី​មាន​ទិន្នន័យ មិន​ប្រកាស​នេះ​ជា​ដី​កសិកម្ម ។​
​លោក ហ៊ុន ភី​បាន​ឪ្យ​ដឹង​បន្តថា ក្នុង​យុ​ទ្ឋ​នា​ការចុះវាស់វែង​ដីធ្លី ចេញ​ប័ណ្ណ​កម្ម​សិទ្ឋិ​ជូន​ប្រជាពលរដ្ឋ​តាម​គោលនយោបាយ​ចាស់ សកម្មភាព​ថ្មី​លើ​វិស័យ​ដីធ្លី​របស់​រាជរដ្ឋាភិបាល និង​តាម​បទបញ្ជា​លេខ ០/​ម​ម របស់​រាជរដ្ឋាភិបាល​កម្ពុជា ។​
​ ឯកឧត្តម ស្រ៊ុន ស្រ៊ន់ អភិបាលរង​ខេត្ត​ព្រះសីហនុ បាន​គូសបញ្ជាក់ថា ដើម្បី​សំរេច​អោយបាន​នូវ​គោលបំណង​ចុងក្រោយ ការកសាង​ប្លង់​សុរិយោដី សៀវភៅ​គោល​បញ្ជី​ដីធ្លី និង​ការចេញ​ប័ណ្ណ​កម្ម​សិទ្ឋិ​ឪ្យ​បាន​ត្រឹមត្រូវ សូម​បងប្អូន និង​តំណាង​អង្គភាព ជា​ម្ចាស់​ដី​រដ្ឋ នៅក្នុង​ភូមិ​ទួល ភូមិ​ព្រែក​ផ្តៅ និង ភូមិ​កំពង់​ស្មាច់​តូច ឃុំ​ទឹកល្អក់ សូម​អញ្ជើញ​មក​ពិនិត្យ​ទិន្នន័យ​ក្បាលដី​របស់ខ្លួន ឬ​ក្បាលដី​ពាក់​ព័​ន្ឋ ក្នុងពេល​បិទ​ផ្សាយ​នេះ មាន​រយៈពេល​៣០​ថ្ងៃ កុះ​បី​អាក់ខាន ដែលមាន​មន្ត្រី​ជំនាញ ក្រុមយុវជន​ស្ម័គ្រចិត្ត​សម្តេច​តេ​ជោ ហ៊ុន សែន និង​តំណាង​គណៈកម្មការ​រដ្ឋ​បាល​នៅ​ប្រចាំការ បំពេញការងារ​ជូន​បងប្អូន ទាំង​ថ្ងៃ​សៅ​រិ៏ អាទិត្យ ឬ​ថ្ងៃបុណ្យ រយៈពេល​៣០​ថ្ងៃ ទើប​ផុតកំណត់ ។ រាល់​បញ្ហា​ដែល​កើតមាន គណៈកម្មការ​រដ្ឋបាល និង​ព្យាយាម​ដោះស្រាយ​រវាង​ភាគី​ទំនាស់ ។ ក្នុងករណី​ទំនាស់ ឬ វិវាទ​ណាមួយ ដែល​មិនបាន​ដោះស្រាយ ក្នុង​រយៈពេល​៣០​ថ្ងៃ គណៈកម្មការ​រដ្ឋបាល និង​បញ្ជូន​សំណុំរឿង​ទំនាស់​នោះ ទៅ​គណៈកម្មការ​សុរិយោដី​ថ្នាក់ជាតិ ។
​ឯកឧត្តម​បញ្ជាក់ថា ក្រោយពី​ការបិទ​ផ្សាយ​នាពេលនេះ រាល់​ក្បាលដី​ដែល​ពុំមាន​ទំនាស់ និង ត្រូវ​ផ្តល់​ការយល់ព្រម​ពី​គណៈកម្មការ​រដ្ឋបាល​អ​ភិ​បាល​ខេត្ត និង​ត្រូវធ្វើ​ការចុះបញ្ជី រួច​ចេញ​ប័ណ្ណ​កម្ម​សិទ្ឋិ​ជូន​ដល់​បងប្អូន​ម្ចាស់​ដី នៅពេល​ឯកសារ​នៃ​ការវិនិច្ឆ័យ​នេះ បាន​ពិនិត្យ កែ​តំរូវ និង​យល់ព្រម​រួចរាល់​ជា​ស្ថាពរ ។​ ​ ​ ​ ​ ​ ​