ខេត្តបាត់ដំបង៖អ្នកគ្រូបង្រៀនវិទ្យាល័យអាយុ២៤ឆ្នាំម្នាក់ដែលត្រៀមចូលរោងការបានស្លាប់ដោយសាររថយន្តមួយគ្រឿងបានបុកពីក្រោយពេលអ្នកគ្រូកំពុងជិះម៉ូតូតែម្នាក់ឯងនៅលើផ្លូវមួយក្នុងស្រុកបវេលខេត្តបាត់ដំបង។ជនរងគ្រោះឈ្មោះ វ៉ាន់ ចាន់ថន បានស្លាប់ភ្លាមៗនៅកន្លែងកើតហេតុ។
សមត្ថកិច្ចនិយាយថាហេតុការណ៍ ខាងលើនេះបានកើតឡើងកាលពីម៉ោង៤និង១០នាទីល្ងាចថ្ងៃទី៣ធ្នូឆ្នាំ២០១៤ គ្រាដែលរថយន្តកាំមរីពាក់ស្លាកលេខភ្នំពេញ២A៤៤០៦ដែលបើកបរដោយមន្ត្រីកងរាជអាវុធហត្ថលើផ្ទៃប្រទេសឈ្មោះអាន បាន អាយុ៤៧ឆ្នាំ បានបុកម៉ូតូម៉ូតូហុងដារបស់អ្នកគ្រូពីក្រោយ នៅលើផ្លូវកែងទៅឃុំក្តុល ស្រុកតាហែន ស្រុកបវេល ខេត្តបាត់ដំបង។
តាមសមត្ថកិច្ចបានបញ្ជាក់ថាជនរងគ្រោះ បានខ្ទាតផ្លោងពីម៉ូតូ ជាច្រើនម៉ែត្របោកក្បាលនឹងថ្នល់បណ្តាលអោយស្លាប់មួយភ្លាមៗ តែម្តង។ បុរស២នាក់ដែលស្ថិតក្នុងរថយន្ត ក្នុងនោះរួមមានមន្ត្រីប៉េអឹមឈ្មោះ អាន បាន ផងដែរនោះបានរងរបួសនិងត្រូវបានគេបញ្ជូនទៅមន្ទីរ ពេទ្យ។ បុរសម្នាក់ទៀតដែលជាអ្នកបើករថយន្តក៏រងរបួសផងដែរ បុរសរងគ្រោះទាំង២គឺជាអ្នកស្រុកក្នុងឃុំក្តុលតាហែន ស្រុកបវេល ខេត្តបាត់ដំបង។
