ពិព័រណ៍ បង្ហាញអំពីសព្វាវុធ ដែលបម្រើដល់វិស័យការពារជាតិ ត្រូវបានតាំងបង្ហាញជាលក្ខណៈអន្តរជាតិ នៅក្នុងប្រទេសប៉ាគីស្ថាន ។ទីភ្នាក់ងារព័ត៌មានចិន ស៊ិនហួ ចុះផ្សាយ នៅថ្ងៃទី០៣ ខែធ្នូ ឆ្នាំ២០១៤ថា ការដាក់តាំងបង្ហាញនូវសព្វាវុធ ឧទ្ធម្ភាគ ចក្រ និងផលិតផលថ្មី ដែល
បម្រើដល់វិស័យយោធា និងការពារជាតិ ត្រូវបានប្រារព្វធ្វើឡើង នៅទីក្រុងការ៉ាជី ភាគ ខាងត្បូងកំពង់ផែ ប្រទេសប៉ាគីស្ថាន កាលពីថ្ងៃអង្គារ ម្សិលមិញនេះ ។
ប្រភពព័ត៌មាន បានចុះផ្សាយថា នៅក្នុងពិធីតាំងពិព័រណ៍ជាលក្ខណៈអន្តរជាតិនោះ គេឃើញមានរថយន្តទំនើបៗ ឧបករណ៍ជាច្រើនប្រភេទ យន្តហោះសម្រាប់បម្រើដល់វិស័យយោធា និងមានរថពាសដែកដ៏ទំនើបៗ ដាក់តាំងបង្ហាញ ដល់អ្នកទស្សនាទាំងឡាយ ។
នៅក្នុងពិធីតាំងពិព័រណ៍នោះដែរ ក៏មានបើកជាសិក្ខាសាលា ស្តីអំពីអាវុធយុទ្ធភ័ណ្ឌ ដែលរៀបរាប់អំពីផលិតផលថ្មីៗ សម្រាប់វិស័យការពារជាតិ របស់ប្រទេសនីមួយៗ ក្នុងនោះគេ ឃើញមានក្រុមហ៊ុនចំនួន ៧៧ក្រុមហ៊ុន បាននាំយក ផលិតផលបម្រើវិស័យយោធារៀងៗខ្លួន មកដាក់តាំងបង្ហាញ ដែលមានរហូតដល់ជាង៣០០ស្តង់ឯណោះ ៕
