ខេត្តកំពង់ឆ្នាំងអ្នកប្រើប្រាស់គ្រឿង២នាក់ ត្រូវបាននគរបាលស្រុកទឹកផុស និងនគរបាលការិយាល័យ ប្រឆាំងគ្រឿងញៀន នៃស្នងការដ្ឋាននគរបាល ខេត្តកំពង់ឆ្នាំង ព័ទ្ធចាប់បាននៅក្នុងផ្ទះ និងភូមិក្រាងស្គារខាងត្បូង ឃុំក្រាំងស្គារ ស្រុកទឹកផុស ខេត្តកំពង់ឆ្នាំង ខណៈកំពុងប្រើប្រាស់គ្រឿងញៀន
កាលពីថ្ងៃទី០៤ ខែធ្នូ ឆ្នាំ២០១៤ ។ នគរបាលការិយាល័យប្រឆាំងគ្រឿងញៀន នៃស្នងការដ្ឋាននគរបាល ខេត្តកំពង់ឆ្នាំង បានអោយដឹងថា ជនសង្ស័យដែលឃាត់ខ្លួនមានឈ្មោះ ១ មុត នឹម ភេទប្រុស អាយុ៣៨ឆ្នាំ រស់នៅភូមិក្រាំងស្គារខាងជើង ២-ឈ្មោះ កឹម កុសល ភេទប្រុស អាយុ២១ឆ្នាំ រស់នៅភូមិក្រាំងស្គារខាងត្បូង ។
វត្ថុតាងជាក់ស្តែង ដែលសមត្ថកិច្ចរឹបអូសបាន មានឧបករណ៍សេពគ្រឿងញៀន ទូរស័ព្ទដៃ១គ្រឿង ម៉ូតូចំនួន២គ្រឿង ស្នាប់ដៃ១ គ្រាប់កំភ្លើងខ្យល់១គ្រាប់ និងស្លាកលេខម៉ូតូ ខម ចំនួន១ ។
សូមបញ្ជាក់ថា ជនសង្ស័យទាំងពីរនាក់ខាងលើ ត្រូវបានបញ្ជូនទៅកាន់ស្នងការដ្ឋាន នគរបាលខេត្តកំពង់ឆ្នាំង ដើម្បីកសាងសំណុំរឿង បញ្ជូនទៅសាលាដំបូងខេត្ត ចាត់ការតាមផ្លូវច្បាប់ហើយ នៅព្រឹកថ្ងៃទី០៥ ខែធ្នូ ឆ្នាំ២០១៤នេះ ៕
