ភ្នំពេញ: បុរសម្នាក់បានរងរបួសធ្ងន់បន្ទាប់ពីរូបគេនោះទើបតែចេញពីផឹកស៊ី រួចក៏ត្រឡប់ទៅផ្ទះវិញ ដោយក្នុងស្ថានភាពស្រវឹងស្រាជោកជាំ ហើយជិះក្នុងល្បឿន លុះមកដល់ចំណុចកើតហេតុ ក៏របូតដៃ ពីចង្កូតម៉ូតូរអិលដួលបោកក្បាលទៅលើដី បណ្តាលឱ្យរងរបួសធ្ងន់បែកមុខបែកមាត់ ដេកសន្លប់ ស្តូកស្តឹងនៅកន្លែង។ ហេតុការណ៏នេះបានកើតឡើងកាលពីវេលាម៉ោង១២និង១០នាទីរំលងអាធ្រាត ឈានចូលថ្ងៃទី៦ ខែធ្នូ ឆ្នាំ២០១៤ នៅចំណុចក្រោយរបងវិទ្យាល័យជាស៊ីមសាមគ្គី ស្ថិតក្នុង សង្កាត់បឹងសាឡាង ខណ្ឌទួលគោក។
ប្រភពពត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេបានឃើញបុរសម្នាក់ ជិះម៉ូតូហ្វីណូ ពណ៌ផ្កាឈូក ពាក់ស្លាកលេខភ្នំពេញ1AM-4949 ជិះក្នុងទិសដៅពីជើងទៅត្បូង តាមផ្លូវលំក្រោយរបងវិទ្យាល័យជាស៊ីមសាមគ្គី ក្នុងស្ថានភាពស្រវឹងស្រាជោកជាំ លុះមកដល់ ចំណុចកើតហេតុក៏របូតដៃពីចង្កូតម៉ូតូរអិលដួលបោលក្បាលទៅលើដី បណ្តាលឱ្យរងរងរបួសធ្ងន់ បែកមុខបែកមាត់ដេកសន្លប់ស្តូកស្តឹងនៅកន្លែង។
ក្រោយពេលកើតហេតុបុរសស្រវឹងស្រាជោកជាំនោះត្រូវបានរថយន្តសាមុយដឹកយកទៅសង្គ្រោះ នៅមន្ទីរពេទ្យ ឯុម៉ូតូត្រូវបានក្រុមគ្រួសារមកយកទៅជួសជុលដោយខ្លួនឯង។
M13
Ads
