កាលពីថ្ងៃទី៤ខែធ្នូ គណៈកម្មាធិការ សហគមន៍អឺរ៉ុបបានប្រកាសចំណាយ ប្រាក់១៨០លានអឺរ៉ូដល់ជំនួយដល់វិស័យ អប់រំនិងបណ្ដុះបណ្ដាលការងារដល់ពល រដ្ឋ ១,៧លាននាក់នៅស៊ីរី ។
ប្រភពព័ត៌មានបានឱ្យដឹងថា ទឹកប្រាក់ ខាងលើនឹងចំណាយសម្រាប់ពលរដ្ឋដែល បានបោះបង់ទីលំនៅស៊ីរី ភៀសខ្លួនទៅ កាន់លីបង់, ហ្សកដង់ ដោយសារតែ វិបត្ដិនយោបាយសង្គ្រាមស៊ីវិលនៅក្នុង ប្រទេស ។ ប្រាក់ចំណាយសម្រាប់កម្ម វិធីនេះ មាន ៤១លានអឺរ៉ូ ។ ក្នុងនោះ មានទាំងការអប់រំ សុខាភិបាល ដោយ មានកិច្ចសហប្រតិបត្ដិការជាមួយមូល និធិកុមារអន្ដរជាតិនិងកម្មវិធីស្បៀង អាហារពិភពលោក ។
ពលរដ្ឋស៊ីរីដែលរស់នៅក្នុងប្រទេស ហ្សកដង់ នឹងទទួលបានប្រាក់ជំនួយ៦៦ លានអឺរ៉ូ ក្នុងនោះ៤៥លាននឹងផ្ដល់ឱ្យ ក្រសួងអប់រំហ្សកដង់ ដើម្បីជួយកុមារ ស៊ីរីបានទៅកាន់សាលារៀន ។ ទឹកប្រាក់ ដែលនៅសេសសល់ ប្រគល់ឱ្យផ្នែក សុខាភិបាល ។
គណៈកម្មាធិការសហគមន៍អឺរ៉ុបទទួល បន្ទុកនយោបាយជាមួយប្រទេសជិតខាង បានប្រកាសឱ្យដឹងថា អឺរ៉ុបបានជួយដល់ កុមារជាង២,៥លាននាក់ក្នុងតំបន់ទទួល បានការបណ្ដុះបណ្ដាល ។ ក្នុងពេលជា មួយគ្នានោះដែរ តំណាងជាន់ខ្ពស់ទទួល បន្ទុកនយោបាយការបរទេសនិងសន្ដិសុខ របស់អឺរ៉ុប បានប្រកាសថា អឺរ៉ុបមិន អាចមើលឃើញពលរដ្ឋស៊ីរីរស់នៅទុក្ខ លំបាក ហើយពិភពលោកនៅស្ងៀមនោះ។
កន្លងមកអឺរ៉ុបក៏បានផ្ដល់ជំនួយមនុស្ស ធម៌ ១៥០លានអឺរ៉ូ ដល់ស៊ីរីផងដែរ ។ កាលពីចុងខែតុលា អង្គការសហប្រជា ជាតិ ក៏បានប្រកាសអំពាវនាវដោយសហ គមន៍អន្ដរជាតិរួមដៃជួយដល់ពលរដ្ឋស៊ីរី ដែលបានភៀសខ្លួនទៅកាន់ប្រទេសជិត ខាងដោយសង្គ្រាម ។
កាលពីថ្ងៃទី៣ ធ្នូ កន្លងមក កម្មវិធី ស្បៀងអាហារពិភពលោកបានប្រកាស ផ្អាកជំនួយដល់ពលរដ្ឋស៊ីរីដោយមិនមានសមត្ថភាពគ្រប់គ្រាន់បំពេញកញ្ចប់ ជំនួយ៦៤លានដុល្លារសម្រាប់ជនភៀសខ្លួនស៊ីរីទេ ។ កម្មវិធីស្បៀងអាហារនឹង ត្រូវផ្អាកកម្មវិធីផ្ដល់ជំនួយរបស់ខ្លួននៅ ក្នុងខែធ្នូនេះ ។
កម្មវិធីស្បៀងអាហារពិភពលោក WFP បានអនុម័តផ្ដល់ជំនួយតាមរយៈ កាតដល់ពលរដ្ឋស៊ីរី ដែលអាចទិញស្បៀង អាហារនៅតាមហាងលក់ទំនិញនានា ដែលខ្លួនបានភៀសខ្លួនទៅរស់នៅ ដែល មានតម្លៃ៨០០លានដុល្លារ ។ ចាប់តាំង ពីសង្គ្រាមស៊ីវិលកើតឡើងរយៈពេលជាង ៣ឆ្នាំកន្លងមក WFP បានផ្ដល់ជំនួយដល់ ពលរដ្ឋស៊ីរីរាប់លាននាក់ ។
