រដ្ឋាភិបាលហ្វីលីពីនបានប្រកាស អាសន្នលកំរិតក្រហមដែលជាកំរិតខ្ពស់ បំផុតដល់ប្រជាពលរដ្ឋសម្រាប់ទប់ទល់ នឹងខ្យល់ព្យុះទ្រង់ទ្រាយធំបំផុតមានឈ្មោះ ថា Hagupit ដែលនឹងបក់បោកចូលដី គោកប្រទេសនេះ នាថ្ងៃទី៦ ខែធ្នូ ។
គណៈកម្មការទប់ស្កាត់និងកាត់បន្ថយ ការខូចខាតបណ្ដាលមកពីគ្រោះធម្មជាតិ ហ្វីលីពីនបានប្រកាសឱ្យដឹងថា បណ្ដា ស្ថាប័ននៅតាមតំបន់នីមួយៗ បានត្រៀម លក្ខណៈរួចរាល់
សម្រាប់ជម្លៀសពលរដ្ឋ ហើយតំបន់ប្រឈមគ្រោះថ្នាក់បំផុត ដែលត្រូវបានជម្លៀសពលរដ្ឋទៅកាន់ តំបន់សុវត្ថិភាពរួចរាល់ ។ សាលារៀន នៅតំបន់ភាគកណ្ដាលហ្វីលីពីនបាន ប្រកាសឱ្យសិស្សឈប់សម្រាក ចាប់ពី ថ្ងៃទី៥ ខែធ្នូ ខ្លាចរងផលប៉ះពាល់ ។ 
ខ្យល់ ព្យុះ Hagupit មានល្បឿនខ្យល់រហូតដល់ ១៩៥គីឡូម៉ែត្រក្នុង១ម៉ោង ដោយធ្វើ ដំណើរ២០គីឡូម៉ែត្រក្នុង១ម៉ោង ។ រដ្ឋ ចំនួន៤៤ អាចប្រឈមនឹងផលបះ៉ពាល់ ដោយខ្យល់ព្យុះនេះ អាចជួបនឹងភ្លៀងធ្លាក់ ខ្លាំង រលកសមុទ្រធំៗ បាក់ដី និងទឹក ជំនន់ ។ 
តំបន់ភាគកណ្ដាលប្រទេសហ្វីលីពីន នៅតែមិនទាន់អាចស្ដារឡើងវិញរួច រាល់ក្រោយដោយព្យុះសង្ឃរា Haiyan កាលពីខែវិច្ឆិកា ឆ្នាំ២០១៣ ។ ក្រសួង ព្យាករណ៍អាកាសធាតុហ្វីលីពីនបញ្ជាក់ ថា ដោយសារតែព្យុះ Hagupit បានចូល មកកៀកដីគោក ទើបធ្វើឱ្យព្យុះនេះមិន អាចបង្កើនល្បឿនខ្យល់ស្មើព្យុះ Haiyan បាន 9
