ប្រធានាធិបតីពូទីន បានប្រកាសទៅ កាន់ពលរដ្ឋរុស្ស៊ីកាលពីថ្ងៃទី៤ ខែធ្នូថា វាពិតជារឿងអយុត្ដិធម៌សម្រាប់ពលរដ្ឋ រុស្ស៊ីដែលត្រូវប្រឈមមុខនឹងវិបត្ដិ សេដ្ឋកិច្ចដែលកំពុងតែរីករាលដាល ហើយលោកបានស្បថថា នឹងដាក់ទោស អ្នកដែលធ្វើឱ្យរូបិយវត្ថុរុស្ស៊ីធ្លាក់ថ្លៃ ។ លោកក៏បានថ្កោលទោសចំៗដល់បណ្ដា ប្រទេសលោកខាងលិចដែលជាដើមចម ធ្វើឱ្យសេដ្ឋកិច្ចរុស្ស៊ីច្របូកច្របល់ ។
សារព័ត៌មានប្លូមប៊ើតបានដកស្រង់ សម្ដីលោកពូទីនថា រដ្ឋាភិបាលរុស្ស៊ីបាន ដឹងយ៉ាងច្បាស់ថា អ្នកណាជាមេខ្លោង អ្នកណាជាឧបករណ៍ធ្វើឱ្យរុស្ស៊ីរងផលប៉ះ ពាល់ ហើយរុស្ស៊ីនឹងត្រូវតបតវិញឱ្យ បានស័ក្ដិសមបំផុត ។ បច្ចុប្បន្នតម្លៃ រូបិយវត្ថុរុស្ស៊ីធ្លាក់ថ្លៃយ៉ាងខ្លាំងប្រើប្រៀប ធៀបនឹងប្រាក់ដុល្លារ ។
នៅក្នុងសុន្ទរកថាមានរយៈពេល៧០ នាទី លោកពូទីន មិនបានវិភាគអ្វីជុំវិញ តម្លៃប្រេងធ្លាក់ចុះនោះឡើយ ប៉ុន្ដែ លោកបានប្រកាសពីគម្រោងបង្កលក្ខណៈ ងាយស្រួលដល់ក្រុមវិនិយោគដែល ចំណាយប្រាក់មកដាក់ទុនរកស៊ីនៅក្នុង ប្រទេសរុស្ស៊ី ។ គិតចាប់តាំងពីដើមឆ្នាំ ២០១៤មកទល់ពេលនេះ ដើមទុនដែល មកវិនិយោគនៅក្នុងប្រទេសរុស្ស៊ីមាន រហូតដល់១០០ពាន់លានដុល្លារ ។
ការប្រកាសខាងលើរបស់ប្រធានាធិ បតីពូទីន ក្នុងគោលដៅធ្វើឱ្យប្រជាពល រដ្ឋរុស្ស៊ីទាំងមូលមានស្មារតីរឹងមាំឡើង វិញ ក្នុងពេលដែលប្រទេសកំពុងប្រឈម វិបត្ដិសេដ្ឋកិច្ចរាលដាលដោយសារតែ ការដាក់ទណ្ឌកម្មរបស់លោកខាងលិច ។ តម្លៃប្រេងធ្លាក់ថ្លៃរហូតដល់១ភាគ៣ ចាប់តាំងពីដើមឆ្នាំមកទល់ពេលនេះ ។ ក្រសួងសេដ្ឋកិច្ចរុស្ស៊ី កន្លងមកថ្មីៗបាន ប្រកាសថា រុស្ស៊ីបានខាតបង់ទឹកប្រាក់ ជាង១០០ពាន់លានដុល្លារដោយសារតែ តម្លៃប្រេងធ្លាក់ចុះ ។ ក្រសួងសេដ្ឋកិច្ច រុស្ស៊ីទទួលស្គាល់ថា នៅឆ្នាំ២០១៥ រុស្ស៊ី នឹងប្រឈមវិបត្ដិសេដ្ឋកិច្ចពិតប្រាកដ មិនធ្លាប់មានចាប់តាំងពីឆ្នាំ២០០៩ ។
កាលពីថ្ងៃទី៤ ខែធ្នូ ធនាគារជាតិរុស្ស៊ី បានសម្រេចកាត់បន្ថយប្រាក់ការ ដើម្បី ឱ្យធនាគារពាណិជ្ជកម្មខ្ចីប្រាក់បន្ដអាជីវ កម្ម ក៏ដូចជាផ្ដល់ប្រាក់កម្ចីការទាបក្នុង ការទប់ស្កាត់រូបិយវត្ថុរុស្ស៊ីធ្លាក់ថ្លៃជា បន្ដបន្ទាប់ ។
ការប្រកាសរបស់មេដឹកនាំរុស្ស៊ីជា លើកទីមួយហើយចាប់តាំងពីអាមេរិក និងសហគមន៍អឺរ៉ុបបានសម្រេចអនុម័ត ដាក់ទណ្ឌកម្មសេដ្ឋកិច្ចរុស្ស៊ី ក្រោយពី ប្រទេសនេះដាក់បញ្ចូលតំបន់ស្វយ័តគ្រី មៀរចូលក្នុងការគ្រប់គ្រងរបស់ទីក្រុង មូស្គូ និងវិបត្ដិនៅភាគខាងកើតអ៊ុយ ក្រែនដែលរុស្ស៊ីចេះតែជ្រៀតជ្រែកបញ្ជូន ទាហាន និងសព្វាវុធជួយដល់ក្រុមបះ បោរឥតឈប់ឈរ ។
នៅពេលដែលទណ្ឌកម្មរបស់លោក ខាងលិចបានអនុម័ត ប្រធានាធិបតីរុស្ស៊ី បានបញ្ជាក់ថា ការដាក់ទណ្ឌកម្មនោះ មិនមានប្រសិទ្ធភាពឡើយសម្រាប់រុស្ស៊ី ផ្ទុយទៅវិញធ្វើឱ្យលោកខាងលិចឯណោះ ដែលជាអ្នករងផលប៉ះពាល់ពីការដាក់ ទណ្ឌកម្មនេះ ។ ប៉ុន្ដែអ្វីដែលលោកពូទីន បានអះអាងពីដំបូងនោះគឺផ្ទុយស្រឡះពី បច្ចុប្បន្នដែលរុស្ស៊ីកំពុងប្រឈមនឹង វិបត្ដិយ៉ាងពិតប្រាកដ ទោះបីខិតខំពង្រឹង ទំនាក់ទំនងប្រទេសក្នុងតំបន់អាស៊ីក៏ ដោយ 9
