កំពង់ឆ្នាំង៖កុមារា៣នាក់ក្នុងចំណោមបងប្អូន៤នាក់នៅក្នុងគ្រួសារក្រីក្រមួយ មានជម្ងឺស្វិតដៃជើងពិការដើរមិនរួចតាំងពីអាយុ៤ឆ្នាំដូចៗគ្នា ដោយសារភាពក្រីក្រឪពុកម្តាយគេសុំអំពាវនាវដល់លោកវេជ្ជបណ្ឌិត គ្រូពេទ្យដែលមានចិត្តសប្បុរសនៅក្នុងប្រទេស ក៏ដូចនៅក្រៅប្រទេសមេត្តាជួយសង្គ្រោះព្យាលជម្ងឺជូនកូនគាត់ដោយក្តីអនុគ្រោះផង។
នៅល្ងាចថ្ងៃទី០៥ ខែធ្នូ ឆ្នាំ២០ ១៤ ដោយមានក្តីអាណិតអាសូរ សប្បុរសជន ក្នុងខេត្តកំពង់ឆ្នាំងមួយក្រុម បាននាំគ្នាយកអំ ណោយជាសម្ភារៈនិងថវិកាមួយចំនួន ទៅផ្តល់ជូនឪពុកម្តាយកុមារាពិការខាងលើដោយផ្ទាល់ដៃ ដល់លំនៅដ្ឋាននៅក្នុងភូមិព្រៃខ្មែរ ឃុំរលាប្អៀរ ស្រុករលាប្អៀរ។
លោក ឈាង វណ្ណះ ប្រធានរដ្ឋបាលមន្ទីរព័ត៌មានខេត្តដែលបានចូលក្នុងការផ្តល់អំណោ យជូនគ្រួសារក្រីក្រខាងលើនេះបានអោយដឹងថា៖អំណោយមនុស្សធម៌ដែលផ្តល់ជូននៅពេលនេះរួមមាន៖ អង្ករ៥០គីឡូ មី៣កេះ ទឹកត្រីទឹស្អីវ៤យួរ និងថវិកាចំនួន៧០ម៉ឺនរៀល។សប្បុរសជនដែលជាម្ចាស់អំណោយមនុស្សធម៌នេះមាន៖ ឯកឧត្តម លាង សេង ប្រធានមន្ទីរអភិវឌ្ឍន៍ជនបទខេត្ត ឯកឧត្តម អ៊ុក ពញា ប្រធានសហភាពសហពន្ធ័យុវជនស្រុករលាប្អៀរ លោក ជុំសុបិន្ត អនុប្រធានសហភាសហពន្ធ័យុវជនកម្ពុជាខេត្តកំពង់ឆ្នាំង និងលោកគ្រូអ្នកគ្រូ សិស្សានុសិស្ស វិទ្យាល័យប៊ុនរានី ហ៊ុនសែន រលាប្អៀរត្បូង។
លោក ព្រឿង ហ៊ន អាយុ៤៤ឆ្នាំ និងស្ត្រី ទិត្យ ច្រឹប អាយុ៣២ឆ្នាំ ជាឪពុកម្តាយកុមារាពិកា
រទាំង៣នាក់ រស់នៅក្នុងភូមិឃុំខាងលើបាននិយាយអោយដឹងថា៖ពួកគាត់មានកូនទាំងអស់៦នាក់ ប្រុស៥នាក់ ស្រីម្នាក់។កូនគាត់២នាក់បានស្លាប់ក្នុងនោះកូនប្រុសម្នាក់បានស្លាប់ដោយសារជម្ងឺពិការស្វិតដៃជើងនេះ សព្វថ្ងៃកូនប្រុស៣នាក់ទៀតកំពុងពិការដើរមិនរួចដោយសារជម្ងឺស្វិតដៃជើងនេះតាំងពីអាយុ៤ឆ្នាំដូចៗគ្នា ហើយពួកគាត់កំពុងព្រួយបារម្ភខ្លាំងណាស់ចំពោះកូនតូចអាយុជាង១ឆ្នាំ ដោយខ្លាចគេឆ្លងជម្ងឺនេះដូចបងៗគេទៀត។ពួកគាត់បានអោយដឹងទៀតថាពេលកូនៗគាត់មានជម្ងឺនេះគាត់បានយកពួកគេទៅព្យាបាលនៅមន្ទីរពេទ្យកុមារជាតិ មន្ទីរពេ ទ្យគន្ធបុប្ផានិងមន្ទីរពេទ្យគៀនឃ្លាំងរួចហើយដែរ តែក្រុមគ្រូពេទ្យប្រាប់ថាពេទ្យរបស់គាត់អត់មានថ្នាំព្យាបាលជម្ងឺនេះទេ មកដល់ពេលនេះពួកគាត់អស់លទ្ធភាពព្យាបាលជម្ងឺកូនហើយ។
គាត់ទាំង២នាក់ប្តីប្រពន្ធបានលោកសំពះអំពាវនាវដល់សប្បុរសជន និងលោកវេជ្ជបណ្ឌិត
លោកគ្រូពេទ្យជាតិអន្តរជាតិ ក្នុងប្រទេស ឬក្រៅប្រទេសមេត្តាជួយសង្គ្រោះព្យាបាលដល់កូនៗរបស់ពួកគាត់ ដោយសេចក្តីករុណាមេត្តាផងចុះ។ទន្ទឹមនេះដែរពួកគាត់ សូមថ្លែងអំណរគុណគុណយ៉ាងជ្រាលជ្រៅដល់ឯកឧត្តម លោក លោកស្រីទាំងអស់ជាសប្បុរសជនខាងលើដែរបានប្រោសប្រណីផ្តល់អំណោយមនុស្សធម៌ខាងលើជូនគ្រួសារគាត់ និងសូមបួងសួងដល់វត្ថុសក្ក័សិទ្ធក្នុងលោកតាមបីបាច់ថែរក្សាឯឧត្តម និងអស់លោក លោកស្រី សូមជួបប្រទះនិងសេចក្តីសុខគ្រប់ពេលវេលារហូតតទៅ៕
