បាត់ដំបង: កំណាត់ផ្លូវមួយកន្លែងដែលចាប់ពីក្បាលស្ពានសម្តេច ហ៊ុន សែន ត្រើយខាងលិចរហូតដល់កាច់ជ្រុងផ្លូវលេខ3 ដោយមានការឆ្លងកាត់ក្បែរបងសាលាខេត្ត សាលាដំបូងខេត្ត និងមន្ទីរសេដ្ឋកិច្ចនិងហិរញ្ញវត្ថុផងនោះគឺមានការកកស្ទះចរាចរទាំងយប់ ទាំងថ្ងៃ ដោយសារតែនៅក្បែ
អង្គភាព និងមន្ទីរទាំងនេះមានភោជនីយដ្ឋាន និងក្លឹបរាត្រីយ៉ាងគគ្រឹកគគ្រេង ហើយការចតរថយន្តក៏គ្មានសណ្តាប់ធ្នាប់ និងរបៀបរៀបរយដែរ ដោយគេបានយកទ្រូងផ្លូវមកធ្វើជាចំណតរថយន្តទៅហើយ. ។
គួរបញ្ជាក់ដែរថាបច្ចុប្បន្នការរៀបចំសណ្តាប់ធ្នាប់ក្រុងគឺសាលាខេត្តបានបញ្ចេញនូវស្នាដៃ
យ៉ាងសស្រាក់សស្រាំរួមទាំងអង្គភាពនានានៅជុំវិញខេត្តបានធ្វើការសហការគ្នាយ៉ាងស្អិតរមួត
ដើម្បីរៀបចំនូវសោភ័ណភាពក្រុងបាត់ដំបងអោយកាន់តែមានភាពល្អប្រសើរ ក្នុងន័យអោយស្របទៅនឹងចំណាត់ថ្នាក់លេខមួយលើផ្នែកទីក្រុងស្អាតដែលខេត្តបាត់ដំបងទទួលបាននាពេលកន្លងមក.និងអោយកាន់តែមានការទាក់ទាញដល់ក្រសែភ្នែកភ្ញៀវទេសចរណ៍ជាតិ និងអន្តរជាតិក្នុងការចូលមកកំសាន្តតាមតំបន់រមណីយដ្ឋាននានា ពិសេសក្នុងក្រុងបាត់ដំបងផ្ទាល់តែម្តង. ។
ផ្ទុយទៅវិញទន្ទឹមនិងការខិតខំប្រឹងប្រែងរបស់អាជ្ញាធរខេត្ត ក្រុងក៏ដូចជាមន្ទីរនានានោះ
ក៏ស្រាប់តែមានភោជនីយដ្ឋាន និងក្លឹបកំសាន្តមួយកន្លែងបានផុសឡើងនៅកណ្តាលក្រុងតែម្តងដែលធ្វើអោយមានការកកស្ទះចរាចរស្ទើរតែគ្រប់ពេលវេលា មិនថាពេលព្រឹកឬក៏ពេលយប់នោះឡើយ.ដោយទីតាំងទាំងពីរនោះមានឈ្មោះ ភោជនីយដ្ឋាន រាត្រីបាត់ដំបង និងក្លឹបកំសាន្ត វិមានដាយមិនគឺចំនុចពីរកន្លែងនេះបានយកទីតាំងផ្លូវសាធារណ:ធ្វើជាចំណតរថយន្តគឺឈប់ពាសវាលពាសកាលដោយធ្វើអោយបាត់បង់អស់នូវសណ្តាប់ធ្នាប់សាធារណ: ពិសេសនៅក្នុងពេលរាត្រីគឺមានកំលាំងសន្តិសុខរត់ឆ្វេចឆ្វាចពេញផ្លូវដើម្បីបង្ហាញដល់ទីកន្លែងអោយរថយន្តចូលចត. ។
ពាក់ព័ន្ធទៅនឹងអ្នកមានយស មានទ្រព្យសម្បត្តិ និងមានអំណាច គឺពុំមានអង្គភាព. ជំនាញណា ឬក៏កំលាំងសណ្តាប់ធ្នាប់ចុះមកណែនាំ និងធ្វើការកែប្រែត្រង់ចំនុចនេះឡើយដែលគេបាន
ទុកបណ្តោយទៅតាមទង្វើរបស់អស់លោកថៅកែទាំងនោះតែម្តង. ។
ត្រង់ចំនុចខាងលើនេះគឺកំពុងតែរងការរិះគន់យ៉ាងខ្លាំងពីសំណាក់មជ្ឈដ្ឋានជាច្រើនដែល
គេបានធ្វើដំណើរឆ្លងកាត់ទីតាំងនេះ ព្រោះវាមានសភាពរញ៉េរញ៉ៃពេញទ្រូងផ្លូវនិងបង្កនូវភាពកកស្ទះចរាចរញឹកញាប់ខ្លាំងពេក ដូច្នេះគួរតែអាជ្ញាធរ ក៏ដូចជាកំលាំងសមត្ថកិច្ចជំនាញមេត្តាសំលឹងមើលអោយបានច្បាស់ផងនៅត្រង់ចំនុចខាងលើនេះ ព្រោះជៀសវាងនូវការប្រកបអាជីវកម្មផ្ទាល់ខ្លួនតែធ្វើអោយប៉ះពាល់ដល់ទីសាធារណ: នោះវាមិនសមរម្យឡើយ. ៕
