ខណ្ឌមានជ័យ៖ជនសង្ស័យមួយក្រុម ប្រដាប់ដោយកាំភ្លើង ធ្វើសកម្មភាពដេញបាញ់ប្រហារ ទៅលើយុវជនមួយក្រុមទៀត បណ្តាលឲ្យស្លាប់ម្នាក់ និងមនុស្សពីរនាក់ផ្សេងទៀត បានរងរបួស ។ករណីបាញ់បោះសេរីខាងលើនេះ បានកើតឡើងកាលពីវេលាម៉ោងជិត៧យប់ ថ្ងៃទី៧ ខែធ្នូ ឆ្នាំ២០១៤
នៅម្តុំផ្សារប៉េសេចាស់ ស្ថិតក្នុងសង្កាត់បឹងទំពុន ខណ្ឌមានជ័យ រាជធានីភ្នំពេញ ។
សមត្ថកិច្ចមូលដ្ឋាន បានឲ្យដឹងថា ករណីខាងលើនេះ នៅមិនទាន់ដឹងថា ជាករណីប្លន់ ឬក៏ជាករណីគំនុំនោះទេ ។ ប៉ុន្តែក្នុងករណីនេះ សមត្ថកិច្ចបានឃាត់ខ្លួនមនុស្សពីរនាក់ មកសាកសួរ ពាក់ព័ន្ធនិងករណី បាញ់បោះសេរីខាងលើនេះផងដែរ ។
សមត្ថកិច្ចមូលដ្ឋាន បានបញ្ជាក់បន្ថែមទៀតថា ករណីខាងលើនេះ កម្លាំងសមត្ថកិច្ច និងខិតខំស្រាវជ្រាវ តាមចាប់ក្រុមដែលមានកាំភ្លើងបាញ់បោះខាងលើនេះ មកផ្តន្ទាទោសទៅតាមផ្លូវច្បាប់ ដើម្បីស្របទៅតាមគោលនយោបាយ ភូមិឃុំមានសុវត្ថិភាព របស់រាជរដ្ឋាភិបាល ៕
