ស្វាយរៀង ជនសង្ស័យ២នាក់ ត្រូវបានកម្លាំងកងរាជអាវុធហត្ថ ក្រុងស្វាយរៀង សហការជាមួយកម្លាំងកងរាជអាវុធហត្ថខេត្ត បានចុះធ្វើការឃាត់ខ្លួន ពាក់ព័ន្ធនិងករណីរក្សាទុក ដឹកជញ្ជួន និងជួញដូរគ្រឿងញៀន ស្ថិតក្នុងភូមិរោងបន្លែ សង្កាត់-ក្រុងស្វាយរៀង ។
នាយការិយាល័យប្រឆាំងគ្រឿង នៃទីបញ្ជាការដ្ឋានកងរាជអាវុធហត្ថ ខេត្តស្វាយរៀង បានឲ្យដឹងថា ជនសង្ស័យដែលឃាត់ខ្លួនមានឈ្មោះ មាស ស៊ីគីយ៉ា ភេទប្រុស អាយុ២៨ឆ្នាំ មុខរបរ រត់ម៉ូតូឌុប នឹងឈ្មោះ សោម សារិទ្ធិ ភេទប្រុស អាយុ១៦ឆ្នាំ មុខរបរ ព្រូរថយន្ត ទាំង២នាក់នេះ មានទីលំនៅក្នុងភូមិរោងបន្លែ សង្កាត់-ក្រុងស្វាយរៀង និងវត្ថុតាំងមួយចំនួនផងដែរ ។
ប្រភពបានបន្តថា ដោយមានបទបញ្ជាពីមេបញ្ជាការ កាងរាជអាវុធហត្ថខេត្ត លោកឧត្តមសេនីយ៍ត្រី សាន្ត ប៊ុនថាន បានឲ្យរូបលោក ព្រមទាំងកម្លាំងកងរាជអាវុធហត្ថក្រុងស្វាយរៀង សហការគ្នា ធ្វើការចុះបង្ក្រានិងឃាត់ខ្លួន បានជនសង្ស័យទាំង២នាក់តែម្តង ព្រមទាំងបានបញ្ជូនមកសាក់សួរនៅទីបញ្ជាការដ្ឋាន កងរាជអាវុធហត្ថខេត្ត ។
យោងតាមចម្លើយសារភាព របស់ជនសង្ស័យទាំង២នាក់ សមត្ថកិច្ចបានកសាងសំនុំរឿង បញ្ជូនមកសាលាដំបូងខេត្តស្វាយរៀង ដើម្បីផ្តន្ទាទោសតាមផ្លូវច្បាប់ ៕
