ខេត្តតាកែវកងកម្លាំងអាវុធហត្ថខេត្តសហការជាមួយកម្លាំងបង្ក្រាបទីតាំងជល់មាន់១កន្លែងឃាត់ខ្លួនមនស្សបានចំនួន ៧នាក់ រួមនឹងវត្ថុតាងមួយចំនួនធំទៀតត្រូវបានបញ្ជូនទៅអោយសាលាដំបូងខេត្តតាកែវនៅរសៀលនេះ។ លោកចាន់ ធៀប នាយការិយាល័យស្រាវជ្រាវបទល្មើសព្រហ្មទ
ណ្ឌ័ខេត្តតាកែវបានអោយកម្ពុជាថ្មីដឹងផង ដែរថា ៖ ក្រុមអ្នកញៀនល្បែងជល់មាន់ដែលត្រូវឃាត់ខ្លួននោះ ១.ឈ្មោះព្រីង បោយ ភេទប្រុស អាយុ២៥ឆ្នាំ ជានិស្សិត មានទីលំនៅ ភូមិវាល ឃុំក្តាញ់ ស្រុកព្រៃកប្បាស ខេត្តតាកែវ ២.ឈ្មោះ មាន់ សារ៉េត ភេទប្រុស អាយុ ៤៥ឆ្នាំ មុខរបរ គ្រូបង្រៀន មានទីលំនៅ ភូមិចំណោម ឃុំកំពែង ស្រុកព្រៃកប្បាស ខេត្តតាកែវ ៣.ឈ្មោះ អ៊ូច សំអាត ភេទប្រុស អាយុ៤៦ឆ្នាំ ជានិស្សិត មានទីលំនៅ ភូមិដកព ឃុំរវៀង ស្រុកព្រៃកប្បាស
ខេត្តតាកែវ ៤.ឈ្មោះ តុល ប៊ុនធឿន ភេទប្រុស អាយុ៣៥ឆ្នាំ ជាកសិករ មានទីលំនៅ ភូមិរវៀង ឃុំរវៀង ស្រុកព្រៃកប្បាស ខេត្តតាកែវ ៥.ឈ្មោះ ប៊ុន ស៊ីម ភេទប្រុស អាយុ៣១ឆ្នាំ ជាអាជីវករ មានទីលំនៅ ភូមិរវៀង ឃុំរវៀង ស្រុកព្រៃ កប្បាស ខេត្តតាកែវ ៦.ឈ្មោះ វៀង យ៉ឹងជូ ភេទប្រុស អាយុ៤៥ឆ្នាំ ជាអ្នកទិញអេតចាយ មានទីលំនៅ ភូមិស្នោរ សង្កាត់រកាក្នុង ក្រុងដូនកែវ ខេត្តតាកែវ ៧.ឈ្មោះ អោ ធឿន ភេទប្រុស អាយុ៣៥ឆ្នាំ ជាកសិករ មានទីលំនៅ ភូមិគ្រាំងអំពិល ឃុំតាំងយ៉ាប ស្រុកព្រៃកប្បាស ខេត្តតាកែវ ។
ករណីល្បែងស៊ីសងជល់មាន់ខាងលើ នេះត្រូវបានបង្ក្រាបកាលពីថ្ងៃទី07-12-2014 នៅចំណុចភូមិរវៀង ឃុំរវៀង ស្រុកសំរោង ខេត្តតាកែវ យោងតាមប្រភពមួយ បានបង្ហើបប្រាប់កម្ពុជាថ្មីថា៖ អស់លោកអាជ្ញាធ័រមូលដ្ឋានមិនដែលចេញមុខទៅបង្ក្រាប ទីតាំងជល់មាន់នោះឡើយទើបតែកម្លាំងអាវុធហត្ថខេត្តតាកែវ បានសហការជាមួយកម្លាំងអាវុធហត្ថស្នាក់ការ២០១ ក្រោមការដឹកនាំរបស់លោកព្រះរាជអាជ្ញាអមសាលា ដំបូងខេត្តតាកែវក្នុងការបង្ក្រាបនោះឃាត់បាន
មនុស្ស នៅនឹងកន្លែងចំនួន ៧នាក់ រួមនឹងម៉ូតូ ៧គ្រឿង មាន់ជល់ ៥ក្បាល ហើយមន្ត្រីជំនាញអាវុធហត្ថខេត្តតាកែវ បានបន្តថា៖ ជនសង្ស័យនិងវត្ថុទាំងនេះ នឹងបញ្ជូនទៅអោយសាលាដំបូងខេត្តតាកែវ នៅរសៀលថ្ងៃនេះហើយ ដើម្បីចាត់ការបន្តទៅទៀត ៕
(វាសនាតាកែវ)
