ខេត្តបន្ទាយមានជ័យប្រជាពលរដ្ឋតាជីនិងយាយជីមានប្រតិកម្មយ៉ាងខ្លាំងចំពោះកសិដ្ថានកិនថ្មមួយកន្លែងដែលកំពុងបង្កភាពគ្រោះថ្នាក់ដល់ប្រជាពលរដ្ឋនិងភ្ញៀវទេសចរណ៍ដែលបានចូលទៅទស្សនានិងគោរពពិធីសាការះបូជាផ្សេងៗនៅក្នុងល្អាងកីដែលគេជឿថាមានបារមីតាមថែរក្សា
ប្រជាពលរដ្ឋដែលបានចូលមកបន់ស្រន់បួងសួងសុំសេចក្តីសុខ។ល្អាងកីដែលមានបារមីដែលប្រជាពលរដ្ឋកំពុងតែមានជុំនឿថាមានបារមីនោះស្ថិតនៅភូមិភ្នំធំ ឃុំអូប្រាសាទ ស្រុកមង្គលបូរី ខេត្តបន្ទាយមានជ័យ។
លោកតាណម ដែលជាគណះកម្មាធិការអាចារ្យវត្តភ្នំធំបាននិយាយថាគាត់បានស្នើសុំឲ្យអាជ្ញាធរនិងធម្មាការខេត្តសាងសង់អាស្រមនិងផ្លូវសំរាប់ធ្វើដំណើរទៅកាន់ទីសាការះនោះដែលគេជឿថាជាល្អាងដែលមានប្រវត្តដែលហៅឈ្មោះថាល្អាងកីនេះផងដែរតែមិនដឹងថាគណកម្មាខេត្តទាំនោះគិតយ៉ាងណា។ប្រជាពលរដ្ឋម្នាក់ឈ្មោះ ឆុនចំរើន អាយុ៥៦ឆ្នាំមានទីលំនៅភូមិ ភ្នំធំ ឃុំអូប្រាសាទ ស្រុកមង្គលបូរី ខេត្តបន្ទាយមានជ័យបានឲ្យដឹងដែរថានៅក្នុងល្អាងនោះគឺមានគុហារ ព្រះឥន្ទ កោស្សី ហៅល្អាងកី ដែលជាល្អាងមួយស្ថិតនៅលើកំពូលភ្នំធំដែលប្រជាពលរដ្ឋមានជំនឿថានិងមានបារមី មានម្ចាស់ស្រុកថែរក្សាពួកគាត់តែងតែយកដង្វាយមកថ្វាយនិងគោរពបូជានិងនាំគ្នាទៅលេងកំសាន្តក្នុងពិធីបុណ្យធំៗជាដើម ហេតុដូច្នេះហើយគាត់សុំឲ្យអាជ្ញាធរនិងក្រុមហ៊ុនកិនថ្មភ្នំធំជួយបើកផ្លូវដែលនៅជាប់និងការដ្ឋានរបស់លោក ណុបទូច នេះផង។
ការកន្លងមកម្ចាស់ការដ្ឋានមិនព្រមឲ្យពួកគាត់ដើរឆ្លងកាត់ចូលទៅល្អាងនេះឡើយ ដោយលើកឡើងថាខ្លាចគួកគាត់លួចសំភារះក្នុងការដ្ឋានកិនថ្មហើយមានពេលខ្លះត្រូវបានកូនប្រុសម្ចាស់ការដ្ឋានប្រលែងឆ្កែឲ្យមកខាំតាជីនិងយាយជីនិងប្រជាពលរដ្ឋដែលបានធ្វើដំណើរឆ្លងកាត់ផ្លូវនេះទៀតផងដោយនិយាយថាខាំអ្នកណាខាំទៅអញមិនខ្វល់ឡើយ។ឆ្លើយតបនិងការស្នើរសុំធ្វើផ្លូវឡើងទៅល្អាងរបស់ប្រជាពលរយាយជីនិងតាជីនោះលោកណុបទូចដែលជាម្ចាស់ការដ្ឋានបាននិយាយឲ្យដឹងថាប្រជាពលរដ្ឋគួរតែធ្វើដំណើរឡើងតាមផ្លូវខាងជើងទៅមិនគួរឡើងតាមផ្លូវខាងជើងនោះទេព្រោះផ្លូវនេះនៅក្បែរនិងការដ្ឋានកិនថ្មដែលមានទាំង
រថយន្តដឹកថ្មធំៗនិងគ្រឿងចក្រផ្សេងកំពុងដំណើរការវាអាចធ្វើឲ្យពួកគាត់មានគ្រោះថ្នាក់ជាយថាហេតុម្យ៉ាងវិញទៀតខ្លាចបាត់សំភារះក្នុងការដ្ឋាននេះទៀតផង។គួបញ្ជាក់ផងដែរថាថ្មភ្នំតូចនិងភ្នំធំក្នុងរយះពេលជាង៣ទស្សវត្តន៍កន្លងមកនេះត្រូវបានក្រុមហ៊ុនកិនថ្មបានដាក់រំសេវបំផ្ទុះយកថ្មយកកិនលក់ស្ទើរតែរលាយអស់ថ្មពីភ្នំរហូតមកដល់សព្វថ្ងៃនេះជាក់ស្តែងដូចក្រុមហ៊ុនណុបទូនេះជាដើមសព្វថ្ងៃក្រុមហ៊ុននេះកំពុងកិនថ្មលក់យ៉ាងអាណាធិបតេយ្យប្រជាពលរដ្ឋបាននាំគ្នានិយាយថាទៅថ្ងៃអនាគតភ្នំទាំង២នេះប្រាកដជារាបដល់ដីបាត់ក្នុងផែនទីជាមិនខានឡើយក្មេងជំនាន់ក្រោយពុំដឹងថាក្នុងខេត្តបន្ទាយមានជ័យយើងនេះមានភ្នំប៉ុន្មាននោះឡើយក្នុងផែនទីនោះឡើយ៕
