បាត់ដំបង: ករណីជួញដូរគ្រឿងញៀនមួយដែលប្រព្រឹត្តឡើងដោយជនជាតិខ្មែរម្នាក់និងមានគ្រាប់ថ្នាំញៀនរហូតដល់2000គ្រាប់ត្រូវបានតម្រួតថៃចាប់ខ្លួនកាលពីថ្ងៃទី 7-12-14 វេលាម៉ោង11យប់ខណ:ដែលជនសង្ស័យចុះពីរថយន្តក្រុងនៅត្រង់ចំណតស្រុកក្លែង ខេត្តរ៉ាក់យ៉ង ប្រទេសថៃ. ។
គួររំលឹកដែរថាកាលពីអំឡុងប៉ន្មានខែមុននេះក៏មានករណីឃាត់ខ្លួនជនជាតិខ្មែរម្នាក់នៅត្រង់ចំនុចដដែលនេះដែរដែលកាលនោះមុខសញ្ញាគឺជាមន្ត្រីនគរបាលមាននាទីជាអនុប្រធានផ្នែកនៃអធិការដ្ឋាននគរបាលស្រុកកំរៀង ខេត្តបាត់ដំបង ដែលការឃាត់ខ្លួននេះគឺជាវិធីសាស្ត្រអូសទាញពីសំណាក់ជនជាតិថៃព្រមទាំងបានដកហូតគ្រឿងញៀនប្រភេទយ៉ាម៉ាចំនួនជិត2000គ្រាប់ដែរ. ។
លុះនៅពេលនេះក៏មិនខុសពីលើកមុនដែរព្រោះពេលដែលមុខសញ្ញាសង្ស័យបានចុះពីរថយន្តក្រុងភ្លាមគឺមានតម្រួតថៃនៅរង់ចាំស្វាគមន៍នៅទីនោះតែម្តងដោយនៅលើខ្លួនប្រាណមានជាប់ទៅជាមួយនូវគ្រឿងញៀនប្រភេទយ៉ាម៉ាចំនួន2000គ្រាប់. ។
បើតាមប្រភពជាផ្លូវការនៅក្នុងប្រទេសថៃបានអោយដឹងថា ជនសង្ស័យមានឈ្មោះ នួន វ៉ាន់ឌីភេទប្រុស អាយុ40ឆ្នាំ មានស្រុកកំណើតនៅស្រុកអង្គរជ័យ ខេត្តកំពត ដោយបច្ចុប្បន្នស្នាក់នៅជាបណ្តោះអាសន្ននៅចំនុចផ្សារឡែម ក្នុងស្រុកកំរៀង ខេត្តបាត់ដំបង និងមានមុខរបរជាអ្នកបើកបររថយន្តដឹកផ្លែឈើអោយគេ លុះក្រោយមកក៏បែកគំនិតរកសុីគ្រឿងញៀនតែម្តង ដោយមុខសញ្ញារូបនេះបាននាំគ្រឿងញៀនចេញតាមច្រកអន្តរជាតិដូង ក្នុងស្រុកកំរៀង. ។
ប្រភពដដែលបានអះអាងថា បច្ចុប្បន្នសមត្ថកិច្ចថៃកំពុងបំពេញសំណុំរឿងដោយដាក់ពន្ធនាគារនៅក្នុងប្រទេសថៃតែម្តងនេះបើយោងតាមនិតិវិធីរបស់ប្រទេសនីមួយៗគឺមិនអនុញ្ញាតិប្រគល់មកអោយ
កម្ពុជាវិញឡើយ. ៕
