ខេត្តបន្ទាយមានជ័យមានករណីគ្រោះថ្នាក់ចរាចរមួយបានកើតឡើងរវាងម៉ូតូបើកទៅបុកនិងត្រាក់ទ័រឈបុស្ងៀមបណ្តាលឲ្យអ្នកជិះម៉ូតូបាក់កស្លាប់នៅកន្លែងកើតហេតុតែម្តង។គ្រោះថ្នាក់ចរាចរនេះកើតឡើងនៅវេលាម៉ោង៩យប់ថ្ងៃទី៦ខែធ្នូឆ្នាំ២០១៤នៅត្រង់ចំណុចមុខសាលាបឋមសិក្សាតាបែនលើផ្លូវ
ជាតិលេខ៥៦A ក្នុងភូមិគោករការ ឃុំតាបែន ស្រុកស្វាយចេក ខេត្តបន្ទាយមានជយ័។
សមិត្តកិច្ចនៅស្រុកស្វាយចេកបានឲ្យដឹងថា មុនពេលកើតហេតុគេបានឃើញម៉ូតូមួយគ្រឿងម៉ាកហុងដាឌ្រីមC១២៥ពណ៏ខ្មៅសេរីឆ្នាំ២០១១ពាក់ស្លាកលេខបន្ទាយមានជយ័១E៩០៧៦បើកបរដោយឈ្មោះម៉ន.ឆានីភេទប្រុសអាយុ២៣ឆ្នាំមានទីលំនៅភូមិប្រិយ៍ ឃុំទ្រាស ស្រុកស្វាយចេក ខេត្តបន្ទាយមានជយ័ បើកបរក្នុងទិសដៅពីជើងទៅត្បូងលុះបើកមកដល់ចំណុចកើតហេតុក៏បានបុកត្រាក់ទរ័ម៉ាកអឺរ៉ូ៩0ពណ៏ខៀវសណ្ដោងរឺម៉កដឹកស្រូវពេញដែលបានឈប់លើទ្រូងផ្លូវក្នុងទិសដៅពីជើងទៅត្បូវដូចគ្នាចំពីក្រោយបណ្ដាលអោយអ្នកបើកបរម៉ូតូបានបាក់កស្លាប់ភ្លាមនៅនឹងកន្លែងកើតហេតុតែម្ដង។
ចំណែកអ្នកបើកត្រាកទរ័បានចុះរត់គេចខ្លួនបាត់តែម្តង.ម៉ូតូខូចខាតធ្ងន់ជាដំណំ.វត្ថុតាងទាំង0២គ្រឿងត្រូវបាននគបាលស្រុកស្វាយចេកយកមករក្សាទុកនៅអធិការដ្ឋាននគរបាលស្រុករង់ចាំការដោះស្រាយនៅពេលក្រោយ។ចំណែកសពបានប្រគល់ជូនក្រុមគ្រូសាយកទៅធ្វើបុណ្យតាមប្រពៃណីក្នុងថ្ងៃនោះផងដែរ៕
