ខណ្ឌឬស្សីកែវនារីវ័យក្មេងម្នាក់ត្រូវរងរបួសធ្ងន់ធ្ងរបញ្ចូនទៅសង្គ្រោះនៅមន្ទីរពេទ្យភ្លាមៗបន្ទាប់ពីរូបនាងជិះម៉ូតូមួយគ្រឿងម៉ាកឃ្លីកហើយជ្រុលល្បឿបបុកជាមួយម៉ូតូមួយគ្រឿងផ្សេងទៀតម៉ាកកាមរីបាឡែនចំពីមុខពេញទំហឹងនៅចំណុចឃ្លាំងសាំងស៊ូគីមិចស្ថិត
តាមបណ្តោយផ្លូវជាតិលេខ៥ក្នុងសង្កាត់ឬស្សីកែវខណ្ឌឬស្សីកែវហើយរថយន្តព្យាយាមបើករត់ត្រូវសមត្ថកិច្ចស្ទាកចាប់បាន។ដែលហេតុការណ៍ខាងលើនេះកើតឡើងកាលពីវេលាម៉ោង១និង០០នាទីយប់ឈានចូលថ្ងៃទី០៩ខែធ្នូឆ្នាំ២០១៤។
យោងតាមប្រភព័ត៌មានពីសាក្សីដែលបានឃើញហេតុការណ៍បានរៀបរាប់អោយដឹងថានៅមុនពេលកើតហេតុគេសង្គេតឃើញនារីរងគ្រោះខាងលើជិះម៉ូតូមួយគ្រឿងម៉ាកឃ្លីកពណ៌ខ្មៅលាយឈាមជ្រូកពាក់ស្លាកលេខភ្នំពេញ1BP-9309 បើកបរធ្វើដំណើរតាមបណ្តោយផ្លូវជាតិលេខ៥ទិសដៅពីកើតទៅលិចក្នុងល្បឿនធម្មតាលុះមកដល់ចំណុចកើតហេតុស្រាប់ម៉ូតូនារីងគ្រោះជ្រុលចង្កូតបើកចូលទៅពាក់កណ្តាលទ្រូងផ្លូវក៏ត្រូវរថយន្តមួយគ្រឿងផ្សេងទៀត
ម៉ាកកាមរីបាឡែនពណ៌ទឹកប្រាក់ពាក់ស្លាកលេខភ្នំពេញ 2V-6983 បើកបរធ្វើដំណើរដោយបុរសម្នាក់ក្នុងទិសដៅបញ្ច្រាសក៏ជ្រុលបុកគ្នាចំពីមុខពេញទំហឹងបណ្តាលអោយនារីជាម្ចាស់ម៉ូតូដួលបោកផ្ទប់ទៅនឹងថ្នល់រងរបួសធ្ងន់ធ្ងរត្រូវបានរថយន្តសាមុយមកដឹកយកទៅសង្គ្រោះភ្លាមៗរីឯរថយន្តបង្កនៅមិនទាន់អស់ល្បឿនក៏បានព្យាយាមបើករត់គេចខ្លួនរហូតដល់ចំណុចផ្លូវភ្លោះគីឡូម៉ែត្រលេខ៦ស្ថិតក្នុងសង្កាត់គីឡូម៉ែត្រលេខ៦ទើបត្រូវសមត្ថកិច្ចស្ទាក់ចាប់បានភ្លាមៗតែម្តងទៅ។ចំណែកឯរថយន្តនិងម៉ូតូត្រូវរងការខូចខាតដូចគ្នា។
ក្រោយកើតហេតុសមត្ថកិច្ចមូលដ្ឋានបានសហការជាមួយជំនាញចុះធ្វើការអន្តរាគមន៍វាស់វែងស្ទូចយករថយន្តបង្កនិងម៉ូតូជនរងគ្រោះទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញរងចាំដោះស្រាយនាពេលក្រោយ៕
