ខេត្តកំពង់ឆ្នាំងជនសង្ស័យពីរនាក់ ពាក់ព័ន្ធនឹងករណីប្រើប្រាស់គ្រឿងញៀន ត្រូវបានកម្លាំងសមត្ថកិច្ច នគរបាល នៃអធិការដ្ឋាន នគរបាលស្រុកកំពង់ត្រឡាច ធ្វើការចាប់ឃាត់ខ្លួនបាន ខណៈកំពុងពួន សម្ងំសេពថ្នាំញៀនក្នុងផ្ទះ ស្ថិតក្នុងភូមិសាលា ឃុំអូរឬ
ស្សី ស្រុកកំពង់ត្រទ្បាច ខេត្តកំពង់ឆ្នាំង កាលពីថ្ងៃទី៨ ខែធ្នូ ឆ្នាំ២០១៤ ។
លោក ហ៊ុល វាសនា អធិការនគរបាល ស្រុកកំពង់ត្រឡាច បានអោយដឹងថា មុនឈានដល់ការចុះបង្ក្រាប និងឃាត់ខ្លួនជនសង្ស័យបាន ដោយមានសេចក្តីរាយការណ៍ ពីប្រជាពលរដ្ឋ ដល់សមត្ថកិច្ចនគរបាល ស្រុកកំពង់ត្រឡាច លោកក៍បញ្ជាកម្លាំងចុះបង្ក្រាប និងឃាត់ខ្លួនជនសង្ស័យបានចំនួន២នាក់ ។
លោកអធិការ បានអោយដឹងទៀតថា ជនសង្ស័យទាំងពីរនាក់ ដែលសមត្ថកិច្ចនគរបាល ឃាត់ខ្លួនបាន ១-ឈ្មោះ អៀម សុខឡេង ភេទប្រុស អាយុ២៨ឆ្នាំ ២-ឈ្មោះ យឿន សុធារ៉ា (ហៅម៉ៅ) អាយុ១៧ឆ្នាំ មានទីលំនៅភូមិសាលា ឃុំអូរឬស្សី ស្រុកកំពង់ត្រឡាច ខេត្តកំពង់ឆ្នាំង ។ វត្ថុតាំងដែលសមត្ថកិច្ចរឹបអូសបាន មានទូរស័ព្ទដៃ១គ្រឿង កាំបិត១ ឧបករណ៍ជក់ថ្នាំញៀន និងកន្ត្រៃ១ ។
បច្ចុប្បន្ន ជនសង្ស័យទាំងពីរនាក់ខាងលើ ត្រូវបាននគរបាលស្រុកកំពង់ត្រឡាច បញ្ជូនមកស្នងការដ្ឋាន នគរបាលខេត្តកំពង់ឆ្នាំង ដើម្បីកសាងសំណុំរឿង បញ្ជូនទៅសាលាដំបូងខេត្តកំពង់ឆ្នាំង ចាត់ការតាមផ្លូវច្បាប់ហើយ នៅព្រឹកថ្ងៃទី៩ ខែធ្នូនេះ ៕
