កំពង់ឆ្នាំង៖បុរសម្នាក់បានស្លាប់ដោយសារខ្សែភ្លើងឆក់ នៅពេលគេតចរន្តភ្លើងចេញពីផ្ទះអូសខ្សែភ្លើងយកទៅឆក់ត្រីនៅក្នុងស្រះក្រោយផ្ទះ ហេតុការណ៍នេះបានកើតឡើងនៅវេលាម៉ោង៦និង៤០នាទីយប់ថ្ងៃទី០៨ ខែធ្នូ ឆ្នាំ២០១៤ ចំណុចបឹងធំស្ថិតនៅ
ក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង។
លោក ម៉ា យន្ត ប្រធានផ្នែកព្រហ្មទណ្ឌ័នៃអធិការដ្ឋាននគរបាលក្រុងកំពង់ឆ្នាំងបានអោយដឹងថា៖បុរសឈ្មោះ ស៊ូ ឡុង អាយុ៣៣ឆ្នាំ ជាអ្នកស្រុកមានផ្ទះជាប់និងកន្លែងកើតហេតុបានបំភ្លឺអោយសមត្ថកិច្ចដឹងថា មុនពេលកើតហេតុបុរសឈ្មោះ វ៉ាន់ រក្សា អាយុ២៨ឆ្នាំ ដោយសារតែភាពក្រីក្រគ្មានម្ហូបហូបបាយ ក៏បានយកខ្សែភ្លើងមួយសំណុំប្រមាណ២៥ម៉ែត្រ មកតភ្ជាប់ចរន្តភ្លើងចេញពីផ្ទះខ្លួនឯងអូសបន្លាយខ្សែភ្លើងទៅខាងក្រោយផ្ទះ ប្រមាណ៦ម៉ែត្រ ដោយបានយកចុងខ្សែភ្លើងម៉ាស់និងភ្លើងទាំង២ចងគួបគ្នាជាមួយចុងពីងពុងជាដងឆក់១ដើមមានប្រវែង៣,៥០ម៉ែត្រ ដើម្បីឆក់យកត្រីក្នុងស្រះមួយ។
នៅពេលរូបគេឆក់បានត្រីប្រមាណកន្លះគីឡូហើយនោះ គេបានគងដងឆក់លើបង្គងឈើមួយដើរយកត្រីមកទុកក្រោមផ្ទះរួចក៏ដើរទៅកាន់ដងឆក់វិញ ខណៈនោះប្រហែលជាគេបានដើរជាន់មុខតំណរខ្សែភ្លើងលើដីសើម ឬកាន់ដងឆក់សើមក៏ត្រូវចរន្តភ្លើង ឆក់ដួលស្លាប់តែម្តងនៅកន្លែងកើតហេតុតែម្តង។
ក្រោយពេលកើតហេតុរូបគាត់(អ្នកបំភ្លឺសមត្ថកិច្ច)បានរត់ទៅដកដុយភ្លើងចេញពីផ្ទះហើយដោយមិនអស់ចិត្តបងប្អូនក្នុងភូមិក៏បានដឹកបញ្ជូនបុរសរងគ្រោះទៅកាន់មន្ទីរពេទ្យខេត្ត ដើម្បីអោយគ្រូពេទ្យជួយសង្គ្រោះ ប៉ុន្តែពេលគ្រូពេទ្យពិនិត្យមើលបានប្រាប់ថាជនរង
គ្រោះបានស្លាប់បាត់ទៅហើយ។សពជនរងគ្រោះត្រូវបានអ្នកស្រុកក្នុងភូមិដឹកយកមកតំក
ល់ទុកក្នុងសាលាបុណ្យភូមិកណ្តាល ដើម្បីធ្វើបុណ្យទានតាមប្រពៃណី ព្រោះថាផ្ទះជនរងគ្រោះតូចពេកមានសសរប៉ុនៗកំភួនដៃ មិនអាចតំកល់សពធ្វើបុណ្យបាន។
នៅក្នុងសាលាបុណ្យកន្លែងតំកល់សព គេឃើញប្រពន្ធជនរងគ្រោះឈ្មោះ ថូ ផល
អាយុ២៥ឆ្នាំនាងបានប្តីពុំទាន់មានកូនទេ បានដេកសន្លប់ស្តូកស្តឹងក្រោយពីយំសោកបោកខ្លួនស្តាយស្រណោះប្តី។ចំណែកម្តាយបង្កើតជនរងគ្រោះនិងសាច់ញាតិក៏យំសោកស្តាយស្រណោះកូនប្រុសខ្លាំងណាស់ដែរ ព្រោះនេះគឺជាការព្រាត់ស្លាប់មិនវិលជួបវិញឡើយ។
អ្នកស្រុកក្នុងភូមិបាននិយាយអោយដឹងថា៖គ្រួសារប្តីប្រពន្ធនេះគឺក្រីក្រខ្លាំងណាស់
ព្រោះតែភាពក្រីក្រនិងភាពស្រេកឃ្លានគ្មានការយល់ដឹង ទើបគេប្រថុយនិងគ្រោះថ្នាក់រហូ
ត់ភ្លាត់ស្នៀតស្លាប់ទាំងខ្លួនបែបនេះ ដែលនេះគឺជាមេរៀនមួយត្រូវចៀសអោយឆ្ងាយ៕
