នៅព្រឹកថ្ងៃទី០៩ ខែធ្នូ ឆ្នាំ២០១៤ កម្មករកម្មការិនីរោងចក្រយីហោអ៊ីងថាយប្រហែល ៥០នាក់នាំគ្នាមកសាលាខេត្តតាកែវ ដើម្បីស្នើសុំឲលោកអភិបាលនៃគណៈអភិបាល ខេត្តតាកែវមេត្តាជួយអន្តរាគមទៅលើថៅកែរោងចក្រ។ បងស្រីម្នាក់គាត់បានប្រាប់
កម្ពុជា ថ្មីនាព្រឹកមិញនេះថា ពួកគាត់មកសាលាខេត្តនាពេលនេះមានគោលបំណងស្នើសុំឲ លោកអភិបាលនៃគណៈអភិបាលខេត្តតាកែវមេត្តាជួយដោះស្រាយឲពួកគាត់ផងអំពីបញ្ហាថៅកែបើកប្រាក់ឈ្នួលឲពួកគាត់មិនបានគ្រប់តាមកាលកំណត់នោះទេ ហើយបងស្រី
រូបនោះគាត់បាននិយាយបន្តឲដឹងទោតថា ពួកគាត់មានអ្នកខ្លះប្រាក់ឈ្នួល៨៥ដុល្លាក្នុងមួយខែ តែបើកបានតែ៧០ដុល្លាតែប៉ុណ្ណោះ ហើយលោកថៅកែធ្វើរបៀបនេះពិតជា អយុត្តិធម៏សម្រាប់ពួកគាត់ណាស់ ហេតុដូចច្នេះបានជាពួកគាត់នាំគ្នាមកសាលាខេត្តតាកែវ ដើម្បីស្នើសុំឲលោកអភិបាលខេត្តជួយដោះស្រាយនិងរកយុត្តិធម៏ឲពួកគាត់តាមរយៈអាជ្ញាធរខេត្ត។
តាមសម្តីកម្មករម្នាក់គាត់បានប្រាប់កម្ពុជាថ្មីនាថ្ងៃដដែលនេះថា នៅរសៀលនេះ លោកអភិបាលនៃគណៈអភិបាលខេត្តតាកែវឲតំណាងកម្មករ និងថៅកែមកសាលាខេត្ត ដើម្បីធ្វើការដោះស្រាយគ្នា និងសម្របសម្រួលគ្នាដើម្បីបញ្ចប់នាល្ងាចនេះ។
