ក្រចេះ៖ កាលពីរំលងអាត្រាធ ថ្ងៃទី៨ ឈានចូលថ្ងៃទី៩ នៅលើកំណាត់ផ្លូវជាតិលេខ៧ ត្រង់ចំណុចដីសម្បទាន ឃុំសំបុក
ស្រុកចិត្របិរី ខេត្តក្រចេះ ។
ក្បួនរថយន្តយីឌុបប្រាំភ្លៅដឹកឈើជាច្រើនគ្រឿងបើកបន្តរកន្ទុយគ្នាកាលពីយប់ ថ្ងៃទី៨ឈានចូលថ្ងៃទី៩ បានចរាចរណ៍ចាប់តាំងពីក្បាលព្រលប់រហូតដល់ពាក់កណ្តាលអាត្រាធ នោះត្រូវបានគេដឹងថាជារបស់ឧកញ្ញាថៃ ដឹកចេញពីចំណុចឃុំអូរគ្រៀង ស្រុកសំបូរ ឆ្លងកាត់ទីរួមខេត្ត ឆ្ពោះទៅស្រុកមេម៉ត់ខេត្តត្បូងឃ្មុំ ដែលមានមេការឈ្មោះ ធី ជាអ្នករត់ការសមត្ថកិច្ចតាមផ្លូវ ។នៅក្នុងក្បួនរថយន្តដឹកឈើជាច្រើនគ្រឿង របស់ឈ្មួញខាងនេះមានរថយន្ត មួយគ្រឿងបានក្រឡាប់ខ្ចាក់ឈើចេញរាយ ក្នុងនោះគេឃើញមេការបស់ឧកញ្ញារ ឈ្មោះ ធី បានឆ្លេរឆ្លាររត់ជួបសមត្ថកិច្ចពាក់ពន្ឋ័ ដើម្បីសម្រួលនិងស្ទួចរថយន្ត និងឈើសាងដាក់រថយន្តមួយផ្សេងទៀត ។
បើតាមប្រជាពលរដ្ឋនៅកោះខ្ញែរ បានប្រាប់បណ្តាញកម្ពុជាថ្មីថា ក្រុមហ៊ុនរបស់
ឧកញ្ញាថៃ បានប្រមូលទីញឈើប្រណិតពីដំបន់នានាដឹកតាមទូកមកចតនៅចំណុចត្បូងខ្លារ ក្នុងចន្លោះព្រំប្រទល់ខេត្តក្រចេះ ស្ទឹងត្រែង រួចដឹកជញ្ញូនបន្តរតាមគោយន្ត កែរឆ្នៃជញ្ជូនចូលក្រុមហ៊ុន ក្នុងចំការកៅស៊ូរ រួចដឹកបង្គាប់ឈើគ្រឿង ឬដឹកសុទ្ឋដោយរត់បន្លំជាមួយរថយន្តដែលមាន(PC )ត្រឹមត្រូវ ឃុបឃិតជាមួយមន្ត្រីជំនាញ ។
នៅក្នុងកាប្រមូលទីញឈើក្នុងតំបន់ខាងលើនោះគឺមានមេកាម្នាក់ទៀតឈ្មោះ ផា គឺជាអ្នករត់កាជួបជាមួយសមត្ថកិច្ចជំនាញពាក់ពន្ឋ័ធំៗក្នុងខេត្តស្ទឹងត្រែងនិងខេត្តក្រចេះ មិនតែបណ្ណោះដោយសារមេការទាំងពីអ្នកនេះមានទំនាក់ទំនងល្អជាមួយ សមត្ថកិច្ចតាមផ្លូវនោះ ពួកគេក៍បានចេញមុខកាងឬស៊ីឈ្នួលដឹកឈើអោយឈ្មួញ តូចតាចផ្សេងទៀត ពីខេត្តស្ទឹងត្រែង ក្រចេះ ឆ្ពោះទៅខេត្តត្បូងឃ្មុំបានដោយរលូន បើទោះបីជាគ្មាន(PC)ក៍ដោយ ។គួរបញ្ជាក់ថាកាលពីថ្ងៃទី២៤ ខែតុលា ឆ្នាំ២០១៤ មេកាឈ្មោះ ធី បានប្រើប្រាស់រថយន្តរបស់ឧកញ្ញាថៃស៊ីឈ្នួលដឹក ឈើប្រណិតអោយក្រុមឈ្មួញមួយក្រុមនៅខេត្តក្រចេះ តែចៃដន្យ រថយន្តយីឌុបមួយគ្រឿងមានផ្ទុកឈើប្រណិតពេញប្រៀបនោះ ធ្លាក់ផ្លូវក្រឡាប់ខ្ជាក់ចេញសុទ្ឋសឹងជាឈើធ្នង់ រាប់ម៉ែត្រគូប នៅចំណុចទួលខ្សាច់ស្ថិតក្នុងឃុំឃ្សឹម ស្រុកស្នួល ខេត្តក្រចេះ ។
ដោយសារមេការឈ្មោះធី ត្រូវរ៉ូវ ជាមួយមេព្រៃនិងសមត្ថកិច្ចពាក់ពន្ឋ័ មន្ត្រីជំនាញក៍អើពើរ ដោយពន្យាពេលពេញមួយថ្ងៃ ដើម្បីឆ្ពិនភ្នែកអោយមេព្រៃធ្វើលិខិតច្បាប់ទំលាប់ រហូតទល់យប់ទើបស្ទួច ឈើសាងដាក់រថយន្ត ដោយមានទាំងកងកម្លាំង ការពារបិទផ្លូវផងដែរ ។
មជ្ឍដ្ឋានមួយចំនួនបានដាក់ចង្ងល់ថា បើទោះបីជារាជរដ្ឋាភិបាលបានរឹតបន្តឹងក្នុង ការបង្ក្រាបទប់ស្កាត់បទល្មើសព្រៃឈើយ៉ាងណាក្តី សកម្មភាពដឹកជញ្ជូនឈើ តាមរថយន្តធំ របស់ក្រុមឧកញ្ញារ មួយចំនួននៅតែបន្តរដឹកយ៉ាងគក្រឹកមួយៗយប់ សឹងទល់ភ្លឺ មិនឃើញមានមន្ត្រីជំនាញមិនហ៊ានក្បែរនោះទេ ទំនងជាដោយសារ ពួកគេទទួលបានប្រយោជន៍ប្រចាំខែពីក្រុមឈ្មួញទាំងនោះហើយមើលទៅ ។
