បន្ទាយមានជ័យ:អត្រាគ្រោះថ្នាក់ស្លាប់និងរបួសដោយគ្រាប់មីន គិតចាប់ពីឆ្នាំ២០១០ដល់ឆ្នាំ២០១៤ នៅក្នុងស្រុក-ក្រុងនៅទូទាំងខេត្តបន្ទាយមានជ័យ មានរហូតដល់៦៥ករណីស្លាប់១៦នាក់និងរបួស៨៤នាក់ នេះយោងតាម តារាងអត្រាគ្រោះថ្នាក់ដោយសារមីនស.ផ.សក្នុងសិក្ខាសាលាស្ដីពី
ការក៍សាងផែនការបោសសម្អាតមីនឆ្នាំ២០១៥កាលពីថ្ងៃទី១១ឆ្នូឆ្នាំ២០១៤នៅសាលាខេត្តបន្ទាយមានជ័យ។
លោកឡេង រ៉ានីន ប្រធានក្រុមការងារសកម្មភាពមីនខេត្តបានបង្ហាញថា: លទ្ធផលបោសសម្អាតមីន របស់CMAC UNDP ឆ្នាំ២០១៤ លើស្រុក ម៉ាឡៃ អូជ្រៅ ស្វាយចេក ថ្មពួក និងក្រុងប៉ោយប៉ែត សរុប១៥១ ចំការមីន លើផ្ទៃដីផែនការ ៩.០០៧.២៣៦ម៉ែតការរ៉េ ដែលអនុវត្តបាន១៣៣ចំការមីន ផ្ទៃដីបោសំអាត ៧.៩០៧.៨៤០ ម៉ែតការ៉េស្មើរ ៨៧.៧៩% CMAC អនុវត្តបាន៧ចំការមីន ផ្ទៃដីបោសសំអាត ៣០២.០៦៥ ស្មើរ ១១.២៨% HALO Trust អនុវត្តបាន ៨៨ចំការមីន លើផ្ទៃដីបោសសម្អាត ៤.៤៨៤.៧៥៣ម៉ែតការរ៉េ គិតជាភាគរយ៦៩.១១%។
លោកឡេង រ៉ានីន លទ្ធផលអនុម័តចំការមីនសំរាប់ផែនការរឆ្នាំ២០១៥និងអុវត្តលើ ស្រុក ម៉ាឡៃ អូជ្រៅ ស្វាយចេក ថ្មពួក និងក្រុងប៉ោយប៉ែត ២២៣ចំការមីន ផ្ទៃដី ១៤.៣១០.២១២ម៉ែតការ៉េ គ្រួសារទទួលផល ៥៩៥គ្រួសារ។ចំពោះអត្រាគ្រោះថ្នាក់ដោយសារមីន ពីឆ្នាំ២០១០ ដល់ ២០១៤សរុប ៦៥ករណី ស្លាប់១៦នាក់ របួស៨៤នាក់នៅក្នុងស្រុក-ក្រុងទូទាំងខេត្ត។
ឯកឧត្ដម គោស៊ុំ សារឿត អភិបាលនៃគណ:អភិបាលខេត្តបន្ទាយមានជ័យ មានប្រសាសន៍ថា:សកម្មភាពកំចាត់មីនគឺជាគោលដៅអភិវឌ្ឍន៍សហសវត្សទី៩របស់កម្ពុជាដែលរាជរដ្ឋាភិបាលបានកំណត់យកធ្វើជាអទិភាពចំបងមួយសំដៅរួមចំណែកនិងជំរុញការអភិវឌ្ឍន៍ប្រទេសជាតិ ពិសេសនៅក្នុងការសម្រេចយុទ្ធសាស្ត្រកាត់បន្ថយភាពក្រីក្រនិងជំរុញសេដ្ឋកិច្ច។
ឯកឧត្ដម គោស៊ុំ សារឿត បន្តថាគោលដៅរបស់រាជរដ្ឋាភិបាលគឺការរំដោះផ្ទៃដីនៃព្រះរាជាណាចក្រកម្ពុជាអោយរួចផុតពីការគំរាមគំហែងដោយមីននិងកាកសំណល់ជាតិផ្ទុះពីសង្គ្រាមតាមរយះការដាក់ចេញនូវផែនការយុទ្ធសាស្ត្រនិងកំណត់ពេល វេលាជាក់លាក់ ក្នុងការបោសសំអាតតំបន់សង្ស័យថាមានការគម្រាមនិងឈានទៅកាត់បន្ថយចំនួនរងគ្រោះរហូតដល់កម្រិតសូន្យនៅមុនឆ្នាំ២០២០។
ឯកឧត្ដម អភិបាលបានណែនាំដល់គ្រប់ស្ថាបន័ អាជ្ញាធរ អង្គភាពនិងភ្នាក់ងារពាក់ពន្ធ័ទាំងអស់ក្នុងខេត្តត្រូវបន្តកិច្ចសហការជិតស្និទ្ធជាមួយអាជ្ញាធរមីនកម្ពុជាដើម្បីជំរុញអោយការអនុវត្តផែនការបោសសំអាតគ្រាប់មីននិងសំណល់ជាតិផ្ទុះពីសង្គ្រាមនៅតាមតំបន់គោលដៅទាំងអស់អោយសម្រេចបានជោគជ័យតាមកាលវិភាគផែនការយុទ្ធសាស្ត្រជាតិ៕
