ខេត្តប៉ៃលិន៖ នៅរសៀលថ្ងៃទី១០ ខែធ្នូ ឆ្នាំ២០១៤ លោក កើត សុធា អភិបាលនៃគណៈអភិបាលខេត្តប៉ៃលិន បានចុះពិនិត្យមើលស្ថានភាពធ្វើផ្លួវលំមួយខ្សែមានប្រវែង ៥៥០ម៉ែត្រ ដែលជាការសំណូមពររបស់ប្រជាពលរដ្ឋ ក្នុងវេទិកាសាធារណៈកាលពីថ្ងៃទី១៨ ខែវិចិ្ឆកា ឆ្នាំ២០១៤ ។ ការចុះ
ពិនិត្យមើលស្ថានភាពធ្វើផ្លួវលំនេះរួមដំណើរដោយ លោកឌឹន គឹម ប្រធានមន្ទីរសាធារណៈការខេត្ត លោកមេភូមិ លោកចៅសង្កាត់ទូលល្វា ព្រមទាំងមន្ត្រីនៃមន្ទីរសាធារណៈការខេត្តជាច្រើននាក់ ។ ផ្លួវមួយខ្សែនេះស្ថិតក្នុងភូមិចំការកាហ្វេ សង្កាត់ទូលល្វា ក្រុង-ខេត្តប៉ៃលិន ។
ប្រភពពីប្រជាពលរដ្ឋបានឲ្យដឹងថា៖ ដោយសារផ្លួវមួយខ្សែខាងលើនេះ ជាផ្លួវចាស់តាំងពីយូរយារណាស់មកហើយ ទើបនៅថ្ងៃទី១៨ ខែវិច្ឆិកា ឆ្នាំ២០១៤ ក្នុងវេទិកាសាសធារណៈថ្នាក់ជាតិ ពួកគាត់បានលើកសំណើរជួនឯកឧត្តមគណៈអធិបតី មេត្តាជួយធ្វើផ្លួវមួយខ្សែនេះ ព្រោះវាមានសារសំខាន់ណាស់សំរាប់ការធ្វើដំណើររបស់ពួកគាត់ ហើយផ្លួវនេះដែរ ជាផ្លួវតភ្ជាប់មកផ្លួវជាតិលេខ៥៧ ផងដែរ ។
ប្រភពបន្តថា៖ ហើយនៅថ្ងៃនេះពួកគាត់មានការពេញចិត្តយ៉ាងខ្លាំង ដែលអាជ្ញាធរខេត្ត ពិសេសឯកឧត្តម កើត សុធា អភិបាលនៃគណៈអភិបាលខេត្ត និងមន្ទីរសាធារណៈការ និងដឹកជញ្ជូនខេត្ត បានធ្វើផ្លួវលំនេះតាមសំណូមពររបស់ពួកគាត់ ធ្វើឲ្យពួកគាត់ ស្រួលក្នុងធ្វើដំណើរទៅមក ពិសេសការដឹកកសិផលផ្សេងៗ ហើយពួកគាត់បានថ្លែងអំណរគុណ ចំពោះថ្នាក់ដឹកនាំខេត្តប៉ៃលិន ពិសេសឯកឧត្តម កើត សុធា អភិបាលនៃគណៈអភិបាលខេត្ត ដែលបានយកចិត្តទុកដាក់រាល់ការលំបាក់របស់ប្រជាពលរដ្ឋក្នុងខេត្តទាំងមូល ។
លោក សំ ភួង ចៅសង្កាត់ទូលល្វា បានឲ្យដឹងថា៖ ផ្លួវនេះមានប្រវែង៥៥០ម៉ែត្រ ដែលមានប្រជាពលរដ្ឋចំនួន២ភូមិឆ្លងកាត់ គឺភូមិចំការកាហេ្វ និងភូមិទូលល្វា ក្នុងសង្កាត់ទូលល្វា។ ហើយផ្លួវមួយខ្សែនេះ មានទទឹង១២ម៉ែត្រ ដែលជាផ្លួវចាស់ វាសំខាន់ណាស់សំរាប់ការធ្វើដំណើរ និងដឹកកសិផល ណាមួយជាផ្លួវភ្ជាប់ផ្លួវជាតិលេខ៥៧ទៀតផង ។
ឯកឧត្តម កើត សុធា បានមានប្រសាសន៏ឲ្យដឹងថា៖ ឥឡូវនេះអាជ្ញាធរខេត្ត ពិសេសមន្ទីរសាធារណៈការខេត្ត បានធ្វើការដោះស្រាយ តាមការសន្យា ដែលបងប្អួនបានស្នើរសុំហើយ ដូច្នេះ សូមបងប្អួនមេត្តាជួយថែរក្សាផ្លួវនេះ ឲ្យគង់វង្សស្ថិតថេរ ហើយផ្លួវមានសារៈសំខាន់ណាស់ សម្រាប់ដឹកទំនិញកសិផលផ្សេងៗ ណាមួយផ្លួវនេះជាផ្លួវតភ្ជាប់ផ្លួវជាតិលេខ៥៧ទៀត ដូចនេះហើយយើងត្រួវថែរក្សាវាឲ្យបានល្អ ៕
