ភ្នំពេញ ៖ បុរសម្នាក់ចេញពីជប់លាងវិញស្រវឹងស្រាបើកម៉ូតូទៅបុកពីក្រោយរថយន្តហ្វរេនន័រពេញទំហឹងបណ្តាលឱ្យបែកក្បាលហូរឈាមរងរបួសធ្ងន់ ។ ហេតុការណ៍នេះកើតឡើងកាលពីវេលាម៉ោង ៩ និង ៥០នាទីយប់ ថ្ងៃទី៩ ធ្នូ ២០១៤ នៅចំណុចមុខសាលាសង្គមសាស្ត្រ និង មនុស្សសាស្ត្រ តាមបណ្តោយមហាវិថីសហព័ន្ធរុស្ស៊ី ស្ថិតក្នុងភូមិប៉ប្រ៉កខាងជើង សង្កាត់កាកាប ខណ្ឌពោធិ៍សែនជ័យ ។ បុរសរងគ្រោះឈ្មោះ អ៊ុំ សុភា អាយុ២៧ឆ្នាំ ស្នាក់នៅផ្ទះជួលភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ បុរសរងគ្រោះបានទៅចូលរួមកម្មវិធីជប់លាងជារបស់ក្រុមហ៊ុន ដែលរៀបចំធ្វើនៅភោជនីដ្ឋានសេវែនឡាក់គីប្រាយ ហើយបុរសរងគ្រោះបានចាប់ឆ្នោតត្រូវចង្ក្រានហ្គាសមួយគ្រឿង ។ បន្ទាប់ពីចប់កម្មវិធីជប់លាងបុរសរងគ្រោះក៏បានជិះម៉ូតូមួយគ្រឿងម៉ាកហុងដាសេ១១០ ពណ៌ខ្មៅ ពាក់ស្លាកលេខភ្នំពេញ1BC-9642 ធ្វើដំណើរត្រឡប់ទៅផ្ទះតែម្នាក់ឯងទាំងស្ថានភាពស្រវឹង ដោយបើកម៉ូតូតាមមហាវិថីសហព័ន្ធរុស្ស៊ី ក្នុងទិសដៅពីកើតទៅលិច ខណៈមកដល់ចំណុចកើតហេតុក៏បានបើកទៅបុកពីក្រោយរថយន្តហ្វរេនន័រ ពណ៌ស មួយគ្រឿង ពាក់ស្លាកលេខភ្នំពេញ2L-4765 បើកដោយបុរសជនជាតិកូរ៉េស្របទិសគ្នា ពេញទំហឹងបណ្តាល បុរសជិះម៉ូតូបែកក្បាលហូរឈាមរងរបួសធ្ងន់។
ក្រោយពេលកើតហេតុបុរសរងគ្រោះត្រូវបានគេបញ្ជូនទៅសង្គ្រោះនៅមន្ទីរពេទ្យ ចំណែករថយន្ត និង ម៉ូតូត្រូវដោយសារតែភាគីទាំងពីរសម្រួលគ្នាមិនត្រូវ សមត្ថកិច្ចក៏បានធ្វើការវាស់វែងយកទៅរក្សាទុកនៅការិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញ ដើម្បីដោះស្រាយគ្នាតាមនិតិវិធីច្បាប់ ។
M11
បុរសម្នាក់ចេញពីជប់លាងជិះម៉ូតូទៅបុកពីក្រោយរថយន្តពេញទំហឹងរងរបួសធ្ងន់
ភ្នំពេញ ៖ បុរសម្នាក់ចេញពីជប់លាងវិញស្រវឹងស្រាបើកម៉ូតូទៅបុកពីក្រោយរថយន្តហ្វរេនន័រពេញទំហឹងបណ្តាលឱ្យបែកក្បាលហូរឈាមរងរបួសធ្ងន់ ។ ហេតុការណ៍នេះកើតឡើងកាលពីវេលាម៉ោង ៩ និង ៥០នាទីយប់ ថ្ងៃទី៩ ធ្នូ ២០១៤ នៅចំណុចមុខសាលាសង្គមសាស្ត្រ និង មនុស្សសាស្ត្រ តាមបណ្តោយមហាវិថីសហព័ន្ធរុស្ស៊ី ស្ថិតក្នុងភូមិប៉ប្រ៉កខាងជើង សង្កាត់កាកាប ខណ្ឌពោធិ៍សែនជ័យ ។ បុរសរងគ្រោះឈ្មោះ អ៊ុំ សុភា អាយុ២៧ឆ្នាំ ស្នាក់នៅផ្ទះជួលភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ បុរសរងគ្រោះបានទៅចូលរួមកម្មវិធីជប់លាងជារបស់ក្រុមហ៊ុន ដែលរៀបចំធ្វើនៅភោជនីដ្ឋានសេវែនឡាក់គីប្រាយ ហើយបុរសរងគ្រោះបានចាប់ឆ្នោតត្រូវចង្ក្រានហ្គាសមួយគ្រឿង ។ បន្ទាប់ពីចប់កម្មវិធីជប់លាងបុរសរងគ្រោះក៏បានជិះម៉ូតូមួយគ្រឿងម៉ាកហុងដាសេ១១០ ពណ៌ខ្មៅ ពាក់ស្លាកលេខភ្នំពេញ1BC-9642 ធ្វើដំណើរត្រឡប់ទៅផ្ទះតែម្នាក់ឯងទាំងស្ថានភាពស្រវឹង ដោយបើកម៉ូតូតាមមហាវិថីសហព័ន្ធរុស្ស៊ី ក្នុងទិសដៅពីកើតទៅលិច ខណៈមកដល់ចំណុចកើតហេតុក៏បានបើកទៅបុកពីក្រោយរថយន្តហ្វរេនន័រ ពណ៌ស មួយគ្រឿង ពាក់ស្លាកលេខភ្នំពេញ2L-4765 បើកដោយបុរសជនជាតិកូរ៉េស្របទិសគ្នា ពេញទំហឹងបណ្តាល បុរសជិះម៉ូតូបែកក្បាលហូរឈាមរងរបួសធ្ងន់។
ក្រោយពេលកើតហេតុបុរសរងគ្រោះត្រូវបានគេបញ្ជូនទៅសង្គ្រោះនៅមន្ទីរពេទ្យ ចំណែករថយន្ត និង ម៉ូតូត្រូវដោយសារតែភាគីទាំងពីរសម្រួលគ្នាមិនត្រូវ សមត្ថកិច្ចក៏បានធ្វើការវាស់វែងយកទៅរក្សាទុកនៅការិយាល័យចរាចរផ្លូវគោកនៃស្នងការដ្ឋាននគរបាលរាជធានីភ្នំពេញ ដើម្បីដោះស្រាយគ្នាតាមនិតិវិធីច្បាប់ ។
