យុវជនម្នាក់ត្រូវបានសមត្ថកិច្ចឃាត់ជាប់ខណៈរួបគេបានធ្វើសកម្មភាពដេញគុបកញ្ចក់រថយន្តម៉ាកព្រូសមួយគ្រឿងដែលចតស្ងាម កាលពីវេលាម៉ោង២និង១០នាទីយប់ ថ្ងៃទីឈានចូលថ្ងៃទី១១ ខែធ្នូ ឆ្នាំ២០១៤ នៅចំណុចខាងក្រោយហាងខាងរ៉ាអូខេគីរីរម្យ ស្ថិតក្នុងសង្កាត់បឹងកេងកងទី២ ខណ្ឌចំការមន ហើយបានជិះម៉ូតូរត់រហូតមកខាងជើងវត្តសំពៅមាសត្រូវបានឃាត់ជាប់ម្នាក់និង២នាក់ទៀតរត់គេចខ្លួនបាត់ស្រមោលតែម្តង។
តាមសាក្សីនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញរថយន្តមួយគ្រឿងម៉ាកព្រូសពណ៌ស ពាក់ស្លាលលេខភ្នំពេញ2K4035 បានចតស្ងាមនៅខាងក្រោយហាងខារ៉ាអូខេគីរីរម្យ ភ្លាមនៅស្រាប់តែមានក្រុមក្មេងស្ទាវមួយក្រុមមានគ្នា៣នាក់ជិះម៉ូតូ២គ្រឿងមួយគ្រឿងម៉ាកឌុក មិនចាំស្លាកលេខជិះគ្នា២នាក់ និងមួយគ្រឿងទៀតម៉ាកសេ១២៥ ពណ៌ខ្មៅពាក់ស្លាកលេខភ្នំពេញ1AR-6998 ជិះម្នាក់ឯង បាននាំ គ្នាយកដំថ្ម មកគុបកញ្ចាក់រថយន្តម៉ាកព្រូសដែលកំពុងចងស្ងាម បណ្តាលឲ្យធ្លុះកញ្ជក់ខាងក្រោយរងការខូចខាត។បន្ទាប់ពីក្រុមក្មេងស្ទាវបានធ្វើសកម្មភាពគុបកញ្ជក់រថយន្តរូចពួកគេបាននាំគ្នាជិះម៉ូតូរត់គេចរហូតមកដល់ចំណុចមុខវត្តសំពៅមាស តាមបណ្តោយផ្លូវ១៦១ ស្ថិតក្នុងសង្កាត់បឹងព្រលិត ខណ្ឌ៧មករា ត្រូវបានសមត្ថកិច្ចដេញឃាត់ជាប់ម្នាក់និង២នាក់ទៀតបានរត់គេចខ្លួនបាត់ស្រមោលតែម្តង។
ក្រោយពេលកើតហេតុសមត្ថកិច្ចខណ្ឌ៧មករាបានហៅសមត្ថកិច្ចខណ្ឌចំការមនមកទទួលយកទៅសូនាំបន្តនៅអធិការដ្ឋានខណ្ឌនិងតាមចាប់ជនសង្ស័យ២នាក់ទៀតយកមកដាក់ទោសតាមច្បាប់ផងដែ៕
