សៀមរាបៈ បច្ចុប្បន្នខេត្តសៀមរាបគេសង្កេតឃើញមានការ កំណើនភ្ញៀវទេសចរណ៍ កំពុងតែសំរុកចូលមក ទស្សនាប្រាសាទអង្គរវត្ត និងសិក្សាទំនាមទំលាប់ វប្បធម៌ប្រពៃណីខ្មែរដែល បុព្វបុរសខ្មែរតាំងពីបុរាណកាលមក ក្នុងនោះដែរក៏លោក សត ណាឌី ស្នងការនគបាលខេត្តសៀមរាប ក៏ពុំមានវិធានការលុបបំបាត់ បនល្បែងស៊ីសងដុះស្លែរ របស់លោកភា និងលោក វ៉ាន់ ដែលមានទីតាំងក្រាញនៅចុងកៅស៊ូ សង្ស័យលោកស្នងការ និងលោក ចៅហ្វាយខេត្តទុកគ្រាន់ឲ្យភ្ញៀវទេសចរណ៍ សិក្សាដែលក៏មិនដឹងបានជា មិនព្រមលុប បំបាត់ចោល។
ទីតាំងបនល្បែងដុះស្លែរ មួយកន្លែងត្រូវបានគេបង្កើតជិត១០ឆ្នាំមកហើយ ស្ថិតនៅក្នុងភូមិចុងកៅស៊ូ ក្រុងសៀមរាប ខេត្តសៀមរាប និងត្រូវបានគេស្គាល់ឈ្មោះ ភា និងមាន គូរកនឈ្មោះ វ៉ាន់ មេល្បែងស៊ីសងដុះស្លែររាប់សិបឆ្នាំមកហើយ តែពុំត្រូវបានគេបង្ក្រាបម្តងណាឡើយ ជាហេតុធ្វើឲ្យមានការសង្ស័យថា លោក អធិការក្រុងសៀមរាប រួមទាំងលោក សត ណាឌី ស្នងការនគរបាលខេត្តសៀមរាប មានបំណងចង់រក្សាទីតាំងនេះជាបេតិក្ខភ័ណសម្រាប់បង្អួតភ្ញៀវទេសចរណ៍ ដូចទីក្រុងម៉ាហ្វៀរ ឬក៏មិនអាចលុបបំបាត់ចោលបាន ដោយសារតែ លោក ភា និងលោក វ៉ាន់ ជូនកាដូរគាប់ចិត្តបានជាមិនហ៊ានបង្ក្រាប។
ពាក់ព័ន្ឋនឹងទីតាំងបនល្បែងដុះស្លែរនេះ លោក ភា ជាថៅកែទីតាំង បានបង្កើតឲ្យមានទាំងបៀរ អាប៉ោង និងល្បែងកន្ទុយលេខ មានទាំងឡាន ម៉ូតូ រាប់សិបគ្រឿង ព្រមទាំងមនុស្សជាច្រើននាក់ ទៅលេងល្បែងនៅទីនេះ ក្នុងមួយថ្ងៃឈ្នះចាញ់លុយរាប់ម៉ឺនដុល្លា ខ្លះលក់ឡាន លក់ស្រែ លក់ទ្រព្យសម្បត្តិ មិនតែប៉ុណ្ណោះមាន មនុស្សជាច្រើន បានចាញ់ល្បែងបង្ករភាពព្រួយបារម្ភណ៍ដល់ ក្រុមគ្រូសារ ខ្លះអស់ផ្លូវលក់ទ្រព្យសម្បត្តិ បានក្លាយខ្លួនជាចោរកម្ម រហូតឈានដល់ប្លន់ និងបានធ្វើឲ្យទីក្រុងសៀមរាប ដែលជាទីក្រុងទេសចរណ៍ បានក្លាយទៅជាទីក្រុងដែលអសន្តិសុខ ។
ក្នុងនោះដែរប្រជាពលរដ្ឋ បានសំណូមពរឲ្យលោក ឃឹម ប៊ុនសុង ចៅហ្វាយខេត្តសៀមរាប និងលោក សត ណាឌី ស្នងការនគរបាល ខេត្តសៀមរាប មេត្តាអាណិត ប្រពន្ឋកូន គ្រួសារ របស់អ្នកលេងល្បែងផង ដោយ សារតែការបើកបនល្បែងស៊ីសង ដោយអាជ្ញាធរ មិនមានចេតនាបង្ក្រាបនេះ បានធ្វើឲ្យក្រុមគ្រួសារបែកបាក់ ឈ្លោះទាស់ទែងគ្នា ដោយសារតែព្រាយល្បែងចូលខ្លួន និងសូមឲ្យជួយលុបបំបាត់ចោលឲ្យបាន ប្រជាពលរដ្ឋ សង្ឃឹមជឿជាក់ថា ថ្នាក់ដឹកនាំខេត្តសៀមរាប មិនព្រងើយកន្តើយនិងបនល្បែងនេះ។
ដោយ ខេមរា ដេលី
