បន្ទាយមានជ័យ៖សង្ស័យ៤នាក់ ត្រូវកម្លា្ំងនគរបាលស្រុកមង្គលបូរី ដឹកនាំដោយអធិការលោក ស៊ី ឌី នៅវេលាម៉ោង៥និង៣១នាទីល្ងាច ថ្ងៃទី១១ ខែធ្នូ ឆ្នាំ២០១៤ បានធ្វើការឃាត់ខ្លួនជាបន្តបន្ទាប់យកមកសួរនាំ ពាក់ពន្ធ័ករណីលក់និងជក់គ្រឿងញៀន នៅចំនុចភូមិប្រឡាយលួង ក្រោមឃុំឫស្សីក្រោក ស្រុកមង្គលបូរី ខេត្តបន្ទាយមានជ័យ។
អធិការនគរបាលស្រុកមង្គលបូរី លោក ស៊ី ឌី បានឲ្យអង្គរថែមស៍ដឹងនៅថ្ងៃទី១២ ខែធ្នូ ឆ្នាំ២០១៤នេះថា ជនសង្ស័យទាំង៤នាក់ ទី១,ឈ្មោះ គន្ធ ចំណាប់ ភេទប្រុស អាយុ ២២ឆ្នាំ ទី២,ឈ្មោះសេង ប្រិយ ភេទប្រុស អាយុ៣៥ឆ្នាំ អ្នកទាំង២នាក់ រស់នៅភូមិប្រឡាយលួងក្រោមឃុំឫស្សីក្រោក ទី៣,ឈ្មោះចាន់ ចាន់ឡា ភេទប្រុសអាយុ ២៨ឆ្នាំ រស់នៅភូមិ-ឃុំស្រះរាំង,និងទី៤, ឈ្មោះធូ ថារី ភេទប្រុស អាយុ ៣៤ឆ្នាំរស់នៅភូមិ-ឃុំឫស្សីក្រោកនិងដកហូត ដែកកេស១ ទូរស័ព្ទ១គ្រឿង និងសំភារ:សម្រាប់ ជក់មួយចំនួនផងដែរ ជនសង្ស័យទាំងអស់ខាងលើនេះជាអ្នកប្រើប្រាស់។
លោកបានបន្តថា ក្រោយសួរនាំជនសង្ស័យនិងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅស្នងការដ្ឋាននគរបាលខេត្តដើម្បី ឲ្យការិយាល័យជំនាញ ចាត់ការបន្តតាមនិតិវិធីច្បាប់៕
