កំពង់ធំ=កាលពីព្រឹកថ្ងៃទី១២ខែធ្នូឆ្នាំ២០១៤ អង្គការទ្រទ្រង់ស្ដ្រីខ្មែរ (cows) និង អង្គការវិទ្យាស្ថានតស៊ូមតិនិងគោលនយោបាយ ( API)បានរៀបចំ សិក្ខាសាលា នៅសាលប្រជុំក្នុងភោជនីយដ្ឋាន គឹមសេង ក្រោមអធិតីភាពឯឧត្តម ឈុន ឈន់ ប្រធានក្រុមប្រឹក្សាខេត្ត អ្នកស្រី ជុំច័ន្ទពុទ្ធាវី ប្រធានអង្គការទ្រទ្រង់ស្ដ្រីខ្មែរ លោក គៀង សេងគី ប្រធានសហគមន៍ក្រុង ស្រុក ខ័ណ្ឌ ឃុំ សង្កាត់ ព្រមទាំងមានការចូលរួមពីក្រុមប្រឹក្សាស្រុក តំណាង មន្ទីរពាក់ព័ន្ធ ឃុំ ស្រុក ខេត្ត និងបុគ្គលិកអង្គការសរុប១១៥នាក់ ហើយសិក្ខាសាលានេះបានបញ្ចប់ ទៅវិញនៅល្ងាចថ្ងៃដដែល ។
អ្នកស្រី ស សុធី បានអានរបាយការណ៍សង្ខេបស្តីទស្សនះទាននៃកម្មវិធីសាលា ស្ដីពីសិទ្ធទទួលពត៍មាន សេរីភាពក្នុងការបញ្ចេញមតិ បើកចំហរពត៍មាន បើប្រជាពលរដ្នពុំមានសិទ្ធគ្រប់គ្រាន់ក្នុងការទទួលពត៍មានទេនោះអាចប៉ះពាលដល់ ការការពារសិទ្ធមនុស្ស លទ្ធិប្រជាធិតេយ្យ ពេញលេញត្រូវលើក កំពស់សិទ្ធនយោបាយ សិទ្ធិពលរដ្ន សិទ្ធសេដ្ឋកិច្ច សិទ្ធិសង្គម សិទ្ធិក្នុងការទទួលពត៍មាន សិទ្ធិវប្បធម៍ សិទ្ធបញ្ចេញពត៍មានជាសារធាណះ របស់ពួកគាត់ និងមានតំលាភាព ប្រជាពលរដ្នមានសិទ្ធទទួលពត៍មានស្ដីពីការអភិវឌ្ឍន៍ តំលៃសេវ៉ានានានិងការប្រតិបត្តិរបស់រាជរដ្ឋាភិបាល។
លោក ឡុង ផានិត តំណាង វិទ្យាស្ថាន API បានមានប្រសាសន៍ទាក់ទិនទៅនិងសិទ្ធទទួលពត៍មាន ជាសារធារណះ ការបើកចំហរពត៍មាន ,ការផ្សព្វផ្សាយពត៍មានជាសាធារណះតាម វិទ្យុ ទូទស្សន៍ របាយការណ៍ ,ការអភិវឌ្ឍន៍នៅតាមភូមិឃុំ ស្រុក ការប្រឈមមុខនូវបញ្ហាផ្សេងៗរបស់ប្រជាពលរដ្ន ។
លោក គៀង សេងគី ប្រធាន សហគមន៍ បានមានប្រសាសន៍កោតសរសើរដល់អង្គការទ្រទ្រង់ស្ដ្រីខ្មែរនិង វិទ្យាស្ថានតស៊ូមតិនិងគោលនយោបាយ ក្រោមជំនួយឧបត្ថមគាំទ្ររបស់សហភាព អ៊ីរ៉ុបដែលបានផ្ដួចផ្ដើមរៀបចំសិក្ខាសាលាប្រចាំឆ្នាំស្ដីពីភាពជាដៃគូរក្នុងការបង្កើន ការផ្សព្វផ្សាយពត៍មានជាចំហរ ជាសាធារណះ និងការដោះស្រាយបញ្ហាសហគមន៍លើវិស័យធនធានធម្មជាតិ ឆ្ពោះទៅរកអភិបាលកិច្ចល្អនៅខេត្តកំពង់ធំ ដែលបានអនុវត្តន៍នៅក្នុងស្រុក២គឺ ស្រុកប្រាសាទបល្ល័ង និងស្រុកសន្ទុក ។
ឯកឧត្តម ឈុនឈន់ ប្រធានក្រុមប្រឹក្សា ខេត្តកំពង់ធំបានមានប្រសាសន៍ទាក់ទិន ទៅនិង បើក ចំហរសារពត៍មាន ជាសាធារណះដែលបានធ្វើអោយប្រជាពលរដ្ន បានយល់ដឹងពីសិទ្ធទទួលពត៍មាន សិទ្ធិបញ្ចេញមតិ និងស្វែងរកការងារធ្វើ សិទ្ធទទួលពត៍មានពីប្រជាពលរដ្ន ផ្ទាល់ខ្លួនទាំងពត៍មាន ក្នុងការងារស្របច្បាប់និងការងារដែលមិនស្របច្បាប់ ដែលធ្វើអោយមានគ្រោះថ្នាក់ ជាពិសេសពត៍មានទាក់ទិនទៅនិងជីវភាពរបស់ពួកគាត់ ទទឹមនិងនោះឯកឧត្តម
ក៏បានណែនាំ និងផ្ដាំផ្ញើរថា សុំអោយ ប្រជាពលរដ្នទទួលពត៍មានពិត ត្រឹមត្រូវ និងស្របច្បាប់ កុំទទួលពត៍មានណាដែលមិនពិត ហើយមានគ្រោះថ្នាក់ដល់អាយុជីវិត ក្នុងនោះដែរក្នុងជួររាជរដ្ឋាភិបាលក៏កំពុងតែដោះស្រាយបញ្ហានៃភាពក្រីក្រ ដោយ ក្នុងឆ្នាំ២០១៥នេះនិងឈានចូល ទីផ្សារអាស៊ាន ដូច្នេះត្រូវតែត្រៀម ទី១ ផ្លូវ ពីរភូមិ ទៅឃុំ ស្រុក ខេត្ត ត្រូវ អោយបានស្អាតល្អចរាចណ៍បានស្រួល ,ទី២ ភ្លើងអគ្គិសនីប្រើប្រាស់គ្រប់គ្រាន់ ទី៣ ទឹកស្អាត ទាំងទឹកប្រើប្រាស់ បង្កបង្កើនផល ទឹកសំរាប់ប្រជាពលរដ្នប្រើប្រាស់តាមជនបទ ,ទី៤ ធនធាន មនុស្ស មានការបណ្ដុះបណ្ដាលចំណេះដឹង។
អ្នកស្រី ជុំ ច័ន្ទពុទ្ធាវីប្រធានអង្គការ ទ្រទ្រង់ ស្ដ្រីខ្មែរបានអានរបាយណ៍ការសរុបស្ដីពីការងារ ដែលបានអនុវត្តកន្លងមក នៅក្នុងភូមិ ឃុំ ស្រុក ខេត្ត រួមមានទាំងការខិតខំដោះស្រាយ បញ្ហាប្រឈមមុខរបស់សហគមន៍ និងការផ្សព្វផ្សាយពត៍មានជាសារធារណះអោយប្រជាពលរដ្ន កាន់តែយល់ដឹងពីសិទ្ធទទួលពត៍មាន សិទ្ធបញ្ចេញមតិ ការពារភូមិឃុំមានសុវត្ថិភាពទាំង៩ចំនុច និងការងារមួយចំនួនដែលកំពុងតែដោះស្រាយ បន្ដ ។ ប៊ុនរិទ្ធី
