ខេត្តរតនគិរីៈ មេព្រៃប៉ូលិសប្រឆាំងបទល្មើសសេដ្ឋកិច្ច ព្រមទាំងកងកម្លាំងដ៏ទៃទៀតដែលមានសិទ្ធដាក់កុងត្រូលជជុះតាមដងវិថីជាតិលេខ៧៨ កំពុងបង្កលក្ខណៈងាយស្រួលអោយស្រីម៉ីមេឈ្មួញរត់ព័ន្ធឈើប្រណិតពីខេត្តរតនគិរី ទៅកាន់ប្រទេសវៀតណាមតាមច្រកទ្វារអន្តរជាតិអូរយ៉ាដាវ នៅពេល
ថ្មីៗនេះសង្ស័យអាងខ្នងបង្អែកជាមន្ត្រីតុលាការដំបូងខេត្តថ្នាក់ចោទប្រកាន់។
មានសេចក្តីរាយការណ៍ពីមន្ត្រីរដ្ឋបាលព្រៃឈើសង្កាត់បរកែវមួយរូបដែលមិនបានទទួលផលរត់ព័ន្ធឈើប្រណិតថារថយន្តរបស់ស្រីម៉ី ដែលគេសង្ស័យថាមានខ្នងបង្អែកជាមន្ត្រីតុលាការដំបូងខេត្តថ្នាក់ ព្រះរាជ្ញានោះបាននិងកំពុងរត់ព័ន្ធឈើប្រណិតចេញពីភូមិភាគឥសាន្តក្នុងខេត្តរតនគិរី ក្រុងបានលុងតាមបណ្តោយផ្លូវជាតិលេខ៧៨ឆ្លងកាត់ច្រកទ្វារអន្តរជាតិអូរយ៉ាដាវឆ្ពោះទៅលក់អោយឈ្មួញនៅប្រទេសវៀត ណាម។
មន្ត្រីរដ្ឋបាលព្រៃឈើបរកែវរូបនោះបន្តទៀតថា នៅពេលថ្មីៗនេះលើដងវិថីជាតិលេខ៧៨មានមនុស្សម្នាមេព្រៃ នគរបាលប្រឆាំងបទល្មើសសេដ្ឋកិច្ច ព្រមទាំងកងកម្លាំងដ៏ទៃទៀតដែលមានសិទ្ធដាក់កុងត្រូលជជុះចាំរាប់ក្បាលឡានដឹកឈើប្រណិតទៅលក់អោយឈ្មួញនៅប្រទេសវៀតណាមនោះគេបានសង្កេតឃើញស្រីម៉ី ជានារីមេការនៅភោជនីដ្ឋានK.C បានបញ្ជូនរថយន្តរបស់ខ្លួនម៉ាកលុច្សស៊ីសកូនកាត់ ពណ៌ស ពាក់ស្លាកលេខភ្នំពេញ2L- 2522 ដោយ
ស្ទាត់ជំនាញបិតទៅដោយស្កត់ខ្មៅ គេមើលពី ក្រៅ ទៅឃើញមិនសូវច្បាស់ ស្រីម៉ីបានកាន់ ចង្កូតដៃម្ខាង និងដៃម្ខាងទៀតនិយាយទូរស័ព្ទដើម្បីសុំអោយ សមត្ថកិច្ចតាមផ្លូវបើកភ្លើងខៀវ អោយរថយន្តរបស់គេដឹកឈើប្រណិតទៅលក់នៅប្រទេសវៀតណាម យ៉ាងរលូន។ហើយមានប្រភពពត៌មានមួយទៀតថាស្រីម៉ីគ្រាន់តែជាអ្នកបើកបររថយន្តដឹកឈើប្រណិត ប៉ុណ្ណោះប៉ុន្តែអ្នកនៅពីក្រោយខ្នងជាអ្នកមើលការខុសត្រូវ ហើយជំនួញឈើប្រណិតរបស់ស្រី ម៉ីក្នុង១រថយន្តចំណេញពី៧០០ដុល្លា ទៅ១០០០ដុល្លា ក្នុង១ថ្ងៃរត់ពីទៅ៣ជើង។
ជុំវិញការរត់ពន្ធឈើប្រណិតរបស់ស្រីម៉ីលោក វង្ស សុក្រសិរី នាយខណ្ឌរដ្ឋបាលព្រៃឈើមិនអាចសុំការពន្យលណាមួយបានទេ នៅរសៀលថ្ងៃទី១០ ខែធ្នូ នេះ។
គួរបញ្ជាក់ផងដែរការរត់ពន្ធឈើប្រណិតរបស់ស្រីម៉ីទៅកាន់ប្រទេសវៀតណាម តាមច្រកអន្តរជាតិអូរយ៉ាដាវ ឯកឧត្តមថង សាវុន អភិបាលខេត្ត និងជាប្រធានគណៈបញ្ជាការឯកភាពខេត្តទទួលបន្ទុកបង្ក្រាបបទល្មើសក្នុងខេត្តមិនដឹងជាលោកបានជ្រាប ឫមិនបានជ្រាបនោះទេ៕
តាជួង
