ខេត្តបន្ទាយមានជ័យ៖និស្សិតឆ្នាំទី១ទី២ទី៣និងទី៤នៃសាកលវិទ្យាមានជ័យចំនួន៦០០នាក់បានមករៀននូវបទពិសោធន៍ចំណេះដឹងនិងចំណេះធ្វើក៏ដូចជាការស្វែងយល់នៃសារៈសំខាន់លើវិស័យកសិកម្មនៅក្នុងប្រទេសកម្ពុជានិងសាកលលោកនិសិត្សចូលមករៀនយកបទពិសោធន៍អំពីកសិកម្ម
នោះនៅសាកលវិទ្យាល័យមានជ័យនៅថ្ងៃទី១១ខែធ្នូឆ្នាំ២០១៤នេះ។
លោកបណ្ឌិតសានវឌ្ឍនា អគ្គលេខាធិការរងក្រុមប្រឹក្សាស្តារនិងអភិវឌ្ឍន៍វិស័យកសិកម្ម និងជនបទ និងជាប្រធានសហភាពសហ័ពន្ធយុវជនកម្ពុជាខេត្តបន្ទាយមានជ័យដែលលោកមានឯកទេសជំនាញគ្រប់គ្រងកសិកម្មអន្តជាតិជាវាគ្មិនឡើងធ្វើបទបញ្ហាញនូវ ប្រធានបទស្តីពីការរៀបចំគោលនយោបាយនិងផែនការយុទ្ធសាស្ត្រសម្រាប់ការអភិវឌ្ឍន៍វិស័យកសិកម្ម ជូនដល់និស្សិត ចំនួន ៦០០នាក់ដែលបានចូលមកសិក្សា។លោកបណ្ឌិត សានវឌ្ឍនាបានមានប្រសាសន៍ថា៖វិស័យកសិកម្មគឺជាមូលដ្ឋានគ្រឹះទៅលើវិស័យសេដ្ឋកិច្ចហើយវិស័យកសិកម្មនេះវាមានសារៈសំខាន់បំផុតនៅក្នុងប្រទេសកម្ពុជានិងនៅលើពិភពលោកដែលជាផ្នែកមួយក្នុងការជម្រុញកំណើនសេដ្ឋកិច្ចនិងទ្រទ្រង់តម្រូវការចាំបាច់របស់ជាប្រជាជន។
លោកសាន្តវឌ្ឈនាបានឡើងធ្វើបទបង្ហាញដល់និសិត្តទាំង៦០០នាក់អំពីបញ្ហាប្រឈមនិងបញ្ហាចំបងនៃបរិបថរបស់កម្ពុជាក៏ដូចជាសាកលលោក កត្តាទាំងនេះធ្វើឱ្យរងផលប៉ះពាល់ទៅលើវិស័យកសិកម្មមាន៣បញ្ហាធំៗរួមាន១,កំណើនប្រជាជនពិភពលោកនិងការផ្លាស់ប្តូររបៀបរស់នៅរបស់ប្រជាជន២,កំណើន តម្រូវការស្បៀង ៣,ផលប៉ះពាល់ទៅលើបរិស្ថាននិងប្រែប្រួលអាកាសធាតុ។
លោកលើកឡើងបន្តទៀតថា៖ក្នុងចំណោមបញ្ហាទាំង៣ខាងលើ ដោយកំណើនតម្រូវ ការស្បៀងគឺគេមានយុទ្ធសាស្ត្រចំនួន៤ចំណុចសម្រាប់ដោះស្រាយរួមមាន ១,ការវិនិយោគ វិទ្យាសាស្ត្រនិងបច្ចេកវិទ្យា ២,ការធានាសមធម៌ក្នុងការទទួលស្បៀង ៣,ការបង្កើនឱ្យកាន់តែជិតអ្នកផលិតនិងអ្នកប្រើប្រាស់និង៤,អន្តរាគមន៍ទៅលើក្របខណ្ឌច្បាប់គតិយុទ្ធជាដើម៕
