ខេត្តព្រះសីហនុ
ជនសង្ស័យម្នាក់ ត្រូវបានកម្លាំងសមត្ថកិច្ចនការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តព្រះសីហនុ ធ្វើការឃាត់ខ្លួនភ្លាមៗខណះពេលដែលជនម្នាក់នេះកំពុងធ្វើសកម្មភាពជាក់ស្តែង ជួញដូរ និងរក្សាទុកនូវសារធាតុញៀន ។
លោកវរសេនីយ៌ត្រី តាក សារិទ្ធ នាយការិយាល័យនគរបាលប្រឆាំងគ្រឿងញៀននៃស្នងការដ្ឋាននគរបាលខេត្តព្រះសីហនុបានឪ្យដឹងថា ជនសង្ស័យម្នាក់នេះត្រូវបានធ្វើការឃាត់ខ្លួនកាលពីវេលាម៉ោង១៥ និង៣០នាទី ថ្ងៃទី១១ ខែធ្នូ ឆ្នាំ២០១៤ ដែលមានទីតាំងនៅ ភូមិជើងគោ ឃុំជើងគោ ស្រុកព្រៃនប់ ខេត្តព្រះសីហនុ ក្នុងករណីជួញដូរ និងរក្សាទុកនូវសារធាតុញឿន ។
លោក តាក សារិទ្ធ បានបន្តទៀតថា ជនសង្ស័យជួញដូរ និងរក្សាទុកនូវសារធាតុញៀនមានឈ្មោះ ហុង រិទ្ធ ភេទប្រុស អាយុ ២៩ឆ្នាំ មានមុខរបរជាកម្មករលីអុស មានទីតាំងនៅភូមិជើងគោ ឃុំជើងគោ ស្រុកព្រៃនប់ ខេត្តព្រះសីហនុ ។
វត្ថុតាងដែលដកហូតបានរួមមាន ថ្នាំញឿនប្រភេទមេតំហ្វេតាមីន ICE ទឹកកក ចំនួន ១៥កញ្ចប់តូច ស្មើនឹង ១.១ក្រាម ទូរសព្ទ័ដៃចំនួន០២គ្រឿង ម៉ូតូម៉ាក VIVA ០១គ្រឿង ប្រាក់រៀល ១៧៥.០០០រៀល ប្រាក់ដុល្លា ០១ដុល្លា កាបួបដៃមួយ ។
លោកវរសេនីយ៌ឯក សាន់ ប៊ុនថន ស្នងការរង ទទួលបន្ទុកប្រធានការិយាល័យកណ្តាលប្រឆាំងបទល្មើស នៃស្នងការដ្ឋាននគរបាលខេត្តព្រះសីហនុ បានមានប្រសាសន៌ឪ្យដឹងថា កម្លាំងជំនាញបានធ្វើការស្រាវជ្រាវមុខសញ្ញាប្រើប្រាស់ និងចែកចាយគ្រឿងញៀន រហូតឈាមទៅដល់ធ្វើការឃាត់ខ្លួន ព្រមទាំងវត្ថុតាងមួយចំនួន យកមកធ្វើការសាកសួរ កសាងសំណុំរឿងបញ្ជូនទៅសាលាដំបូងខេត្តព្រះសីហនុ ដើម្បីចាត់វិធានការទៅតាមផ្លូវច្បាប់ ៕
