ភ្នំពេញ ៖ ផ្ទះប្រជាពលរដ្ឋជាន់ទី១ដែលមានទីតាំងស្ថិតនៅក្រោយមជ្ឈមណ្ឌល ម៉ុងឌីយ៉ាល់ ក្បែរសាលាបឋមសិក្សាមិត្ដភាព ផ្លូវលេខ២២៣ សង្កាត់ ផ្សារដេប៉ូទី១ ខណ្ឌទួលគោកកាលពីវេលាម៉ោង៣រសៀល ថ្ងៃទី១៣ ខែមីនា ឆ្នាំ២០១៤ត្រូវបានអគ្គិភ័យឆាបឆេះ ដោយសារតែម្ចាស់ផ្ទះបានអុជធូបចោល ហើយដើរចេញទៅក្រៅ ។
ពាក់ព័ន្ធនឹងហេតុការណ៍គ្រឿងគ្រោះអគ្គិភ័យខាងលើនេះសមត្ថកិច្ចមូលដ្ឋានបានសហការជាមួយបងប្អូនប្រជាពលរដ្ឋនឹងកងកម្លាំងពន្លត់នឹងបង្ការអគ្គិភ័យនៃស្នងការដ្ឋាននគរបាលរាជធានីភ្នំពេញបានអន្តរាគមន៍យ៉ាងយកចិត្តទុកថែមទាំងបញ្ជារថយន្តពន្លត់អគ្គិភ័យបាញ់ទឹកពន្លត់អណ្តាតភ្លើងឲ្យរលត់សូន្យសុងទៅវិញក្នុងរយះពេលជាង ២០ នាទីដោយមិនមានការរាលដាលធំដុំឆាបឆេះរាលដាលដល់លំនៅឋានប្រជាពលរដ្ឋនៅជិតនោះឡើយ ។
សមត្ថកិច្ចបានឲ្យដឹងថាចំពោះហេតុការណ៍គ្រោះអគ្គិភ័យបំផ្លាញអស់ទ្រព្យសម្បត្តិនឹងសម្ភារមួយចំនួនធំ នៅក្នុងផ្ទះកើតហេតុ។ ហើយសមត្ថកិច្ចសន្និដ្ឋានថាអគី្គភ័យនេះបង្កឡើងដោយសារម្ចាស់ ផ្ទះអុបធូបចោលនៅលើជំនាងផ្ទះរួចដើរចេញពីផ្ទះបាត់ ៕
