បុរសម្នាក់បានបែកក្បាល ធ្លាយខួរស្លាប់ភ្លាមៗ នៅនឹងកន្លែងកើតហេតុ ដោយសារតែបើកម៉ូតូលឿនដល់ផ្លូវកោង បត់អត់ទាន់ ក៍ជ្រុលទៅបុកបង្គោលភ្លើងពេញមួយទំហឹង នៅលើកំណាត់ផ្លូវជាតិលេខ៥ ក្នុងភូមិទី២ សង្កាត់ខ្សាម ក្រុងកំពង់ឆ្នាំងខេត្តកំពង់ឆ្នាំង កាលពីវេលាម៉ោង៤និង៣០នាទីរសៀល ថ្ងៃទី១២ ខែធ្នូ ឆ្នាំ២០១៤។
សមត្ថកិច្ចនៅកន្លែងកើតហេតុ បានអោយដឹងថា ជនរងគ្រោះមានឈ្មោះ ចាន់ សារិទ្ធ ភេទប្រុសអាយុ៤៧ឆ្នាំ រស់នៅក្នុងភូមិស្វាយជ្រុំ ថ្មីឃុំស្វាយជ្រុំ ស្រុករលាប្អៀរ ខេត្តកំពង់ឆ្នាំង ជនរងគ្រោះជិះម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខ កំពង់ឆ្នាំ1B-9123 នៅមុនពេលកើតហេតុ ជនរងគ្រោះជិះម៉ូតូម្នាក់ឯង និងមានដឹកឥវ៉ាន់ពីមុខផង បានបើកយ៉ាង
លឿន ក្នុងទិសដៅពីកើតទៅលិច នៅពេលមកដល់ចំណុចកើតហេតុ ដែលជាចំណុចផ្លូវកោង ពេលនោះជនរងគ្រោះបត់អត់ទាន់ ក៏ជ្រុលទៅបុកបង្គោលភ្លើងពេញមួយទំហឹង បែកក្បាលធ្លាយខួរ ស្លាប់ភ្លាមៗនៅកន្លែងកើតហេតុតែម្តងទៅ ៕
