ខេត្តបន្ទាយមានជ័យក្រុមវេជ្ជសាស្ត្រ Samdech Decho Medical Team ប្រទេសកម្ពុជា និងក្រុមវេជ្ជសាស្ត្រ Rotory Club of Damnsara-west (RCDW) ប្រទេសម៉ាឡេស៊ី សហការនឹងមន្ទីរសុខាភិបាល ខេត្តបន្ទាយមានជ័យ មន្ទីរពេទ្យបង្អែកមិត្តភាពកម្ពុជា-ជប៉ុនស្រុក មង្គលបូរី បានចុះមកពិនិត្យព្យាបាលជំងឺ ៣មុខ ដោយឥតគិតថ្លៃជូនពលរដ្ឋ នៅ
ខេត្តបន្ទាយមានជ័យ ពីថ្ងៃទី១២ ដល់ថ្ងៃទី១៥ ធ្នូ ឆ្នាំ២០១៤ នៅក្នុងមន្ទីរពេទ្យបង្អែកមិត្តភាពកម្ពុជា-ជប៉ុនស្រុកមង្គលបូរី ។វេជ្ជបណ្ឌិតក្នុងក្រុមការងារមនុស្សធម៌ទាំងនេះ បានប្រាប់ឲ្យដឹងថានៅថ្ងៃទី១៣ខែធ្នូតាមការណែនាំរបស់លោកស្រី ហ៊ុន ម៉ាណា អគ្គនាយិកាវិទ្យុ និងទូរទស្សន៍ និងជាប្រធានមូលនិធិបាយ័ន លោកស្រីបានបញ្ជូនក្រុមគ្រូពេទ្យវេជ្ជសាស្ត្រសម្តេចតេជោចំនួន៣២នាក់សហការនឹងពេទ្យមូលដ្ឋាន ដើម្បីចុះមកពិនិត្យនិងវះកាត់ព្យាបាលជំងឺក្លនលូន និងគីសក្នុងដៃស្បូនជូនប្រជាពលរដ្ឋដោយឥតគិតថ្លៃ។ 
ផ្នែកជំងឺនេះ តាមប៉ាន់ស្មាន ប្រតិបត្តិការលើកនេះ ត្រូវអនុវត្តអោយបានពី ៥០ទៅ ៦០នាក់ចែកវ៉ែនតាមានចំនួន១៥០០វ៉ែនតា។ប្រភពដដែលបន្តថា ឯក្រុមគ្រូពេទ្យម៉ាឡេស៊ី(RCDW) ក្នុងកម្មវិធីជំនួយគំហើញ លើកទី២ (2nd Rotary:Gift of Sight) សហការនឹងក្រុមវេជ្ជសាស្ត្រសម្តេចតេជោ និងពេទ្យមូលដ្ឋាន ទទួលពិនិត្យព្យាបាលអ្នកជំងឺភ្នែកឡើងបាយ និងសុខភាពគំហើញ ចំនួនរាប់រយនាក់។លោកវេជ្ជបណ្ឌិត ចម្រើន និងតំណាងភាគីម៉ឡេស៊ី នៃក្រុម
មនុស្សធម៌ លោក កែវ សុភ័ក្ត្រា ប្រធានមន្ទីរសុខាភិបាលខេត្ត លោក ឡុង ពុន អភិបាលស្តីទីស្រុកមង្គលបូរី លោកច័ន្ទវុឌ្ឍីណាវុធ ប្រធានមន្ទីរពេទ្យបង្អែកខេត្តមិត្តភាពកម្ពុជា-ជប៉ុន មង្គលបូរី និងបុគ្គលិកពេទ្យ ព្រមទាំងអ្នកជំងឺរាប់រយនាក់ បានចូលរួមបើកដំណើរការផ្លូវការពិនិត្យព្យាបាលជំងឺជូនពលរដ្ឋឥតគិតថ្លៃ នៅថ្ងៃទី១៣ ធ្នូ ឆ្នាំ២០១៤៕
