(ឧត្តរមានជ័យ)ស្ត្រីម្នាក់ត្រូវបានទាហ៊ានឈុតខ្មៅថៃបាញ់សម្លាប់ខណះពេលចូលព្រៃដើររកជីកដំឡូងជាមួយកូនស្រីនិងស្ត្រីម្នាក់ទៀតដែលមានផ្ទះនៅជាប់គ្នា តែសំណាងអាក្រក់ត្រូងបានក្រុមទាហ៊ានឈុតខ្មៅថៃដើរល្បាតឃើញក៏បាញ់រះតែម្តង៕ហេតុការនេះបានកើតឡើងកាលពីវេលាម៉ោង០១រសៀលថ្ងៃទី០៩ខែធ្នូឆ្នាំ២០១៤ លុះដល់ថ្ងៃទី១២ខែធ្នូឆ្នាំ២០១៤វេលាម៉ោង១១យប់ក្រុមទាហ៊ានថៃបានយកសាកសពមកប្រគល់អោយក្រុមគ្រួសាតាមព្រៃ យកមកធ្វើបុណ្យតាមប្រពៃណី។
បើតាមសំដីកូនស្រីសាកសពដែលបានចូលក្នុងព្រៃដើររកជីំដំឡូងជាមួយម្តាយបាននិយាយអោយដឹងថា នាងមានឈ្មោះចក់សុភៀតអាុ១៦ឆ្នាំមានឪពុកឈ្មោះជិនចក់ភេទប្រុសអាយុ៦៣ឆ្នាំនិងម្តាយដែលត្រូវទាហ៊ានថៃបាញ់ស្លាប់មានឈ្មោះចេមផនអាយុ៥៥ឆ្នាំមានកូន៨នាក់ស្រី៣ប្រុស៥ដោយឡែកនាងជាកូនទី៦រស់នៅភូមិអភិវឌ្ឍន៏សង្កាត់អូរស្មាច់ក្រុងសំរោង៕មុនពេលកើតហេតុនាងរួមជាមួយម្តាយនិងស្ត្រីអ្នកក្បែរខាងម្នាក់ទៀតបានចូលទៅក្នុងព្រៃដើររកជីកដំឡូង ការដើរក្នុងព្រៃមិនដឹងថាខាងណាដីខ្មែរខាងណាដីថៃនោះទេ ចេះតែដើរជីកទៅ គាប់ជួនពេលនោះក៏បានឮសំលេងគ្រាប់កាំភ្លើងប្រាវ ធ្វើអោយពួកគេទាំងអស់គ្នា៣នាក់រត់ចែកផ្លូវចែកជើងគ្នាយកតែ ប្រាសអាយុតែរៀងៗខ្លួន ស្រាប់តែមកដល់ផ្ទះមិនឃើញម្តាយសោះ ក៏បាននាំគ្នាចូលដើររកម្តងទៀតនៅតែមិនឃើញ ស្រាប់តែចៃដន្យបានឃើញសក់ និងខួរក្បាលក្នុងព្រៃ ទើបសង្ស័យថាម្តាយរបស់ខ្លួនត្រូវទាហ៊ានថៃបាញ់សម្លាប់ហើយក៏នាំគ្នាមកផ្ទះធ្វើរោងបុណ្យដើម្បីធ្វើបុណ្យជូនគាត់។
ស្រាប់តែនៅយប់ថ្ងៃទី១២ ខែធ្នូ ឆ្នាំ២០១៤វលាម៉ោង១១យប់ក្រុមទាហ៊ានឈុតខ្មៅថៃដែលឈរជើងចំណុចអូរថ្មដាប្រឈមនិងចំណុចឈរជើងកម្ពុជា២៧៨ចំងាយប្រហែល៥០០ម៉ែត្របានបញ្ជូនសាកសពមកអោយក្រុមគ្រួសារតាមព្រៃដើម្បីយកមកធ្វើបុណ្យ។បើតាមសំដីប្រជាពលរដ្ឋម្នាក់ដែលបានឈរពិនិត្យមើលសាកសពបាននិយាយអោយដឹងថា សាកសពស្ត្រីដែលត្រូវទាហ៊ានថៃបាញ់ស្លាប់នោះគឺបាញ់ត្រូវក្បាល ហើយសពត្រូវបានយកខ្សែរវល្លិ៏យកមកចងរុំនិងនៅលើខ្លួនសាកសពឃើញប្រឡាក់សុទ្ធតែដីដែលត្រូវគេសង្សយ័ថាសាកសពអាចត្រូវគេកប់ម្តងរួចមកហើយៗពេលនេះទើបតែកាយកមកប្រគល់អោយក្រុមគ្រួសារ៕ហើយចំពោះការប្រគល់សាកសពមកអោយក្រុមគ្រួសារតាមព្រៃដោយមិនប្រគល់តាមច្រកគឺខាងភាគីថៃខ្លាចខាងខ្មែរយើងថ្កោលទោសទើបគមាបំណងលាក់លៀមបែបនេះ ប៉ុន្តែទោះបីជាយ៉ាងណាប្រជាពលរដ្ឋខ្មែរបានសំដែងនូវការខឹងសំបារចំពោះក្រុមទាហ៊ានថៃដែលសូម្បីតែមនុស្សស្រីក៏មិនអត់អោនអោយដែរ ដែលទង្វើរនេះគួរតែនាយករដ្ឋមន្ត្រីថៃពិនិត្យមើលផងកុំចាប់ដៃបន្លំជាន់ជើងវាអាក្រក់មើលណាស់៕ដោយឡែក អជ្ញាធរខេត្តឧត្តរមានជយ័កាលពីព្រឹកថ្ងៃទី១៣-១២-២០១៤បានចុះទៅធ្វើការសួរសុខទុក្ខក្ក្រុមគ្រួសារសពនិងបានឧបត្ថម្ភថវិការជួយរំលែកទុក្ខផងដែរ៕
