ខេត្តរតនគិរីៈ សមត្ថកិច្ចចម្រុះសហការជាមួយអាជ្ញាធរស្រុកចុះទៅបញ្ឈប់ការធ្វើអាជីវកម្មរ៉ែមាសខុសច្បាប់ដោយអាណាធិតេយ្យនៅតំបន់ព្រៃមាស។ ការចុះប្រតិបត្តិការទប់ស្កាត់នេះបានធ្វើឡើងនៅព្រឹកថ្ងៃទី១២ ខែធ្នូ ឆ្នាំ២០១៤ នៅចំណុចជើងភ្នំប៉ាង ភូមិតាកុកព្នង ឃុំបរខាំ និងភូមិខ្វែង ឃុំយ៉ាងទុង ស្រុកអូរយ៉ាដាវ ខេត្តរតនគិរី។
សកម្មភាពចុះទប់ស្កាត់នេះគេ សង្កេតឃើញសមត្ថកិច្ចមិនទាន់ធ្វើការបង្ក្រាបនោះទេ គ្រាន់តែចុះហាមឃាត់មិនអោយក្រុមប្រជាពលរដ្ឋធ្វើអាជីវកម្មរ៉ែមាសទាំងនោះទៀតឡើយ។ ហើបានប្រមូលប្រជាពលរដ្ឋក្នុងភូមិទាំងអស់មកប្រជុំដើម្បីពន្យល់ណែនាំអំពីផ្លូវច្បាប់ និងធ្វើកិច្ចសន្យាបញ្ឈប់ប្រជាពលរដ្ឋប្រមាណជាង១០០នាក់ក្នុងចំណោម៧២គ្រូសារដែលរស់នៅតំបន់នោះបានចូលរួមស្តាប់ការពន្យល់ណែនាំរបស់មន្ទីរជំនាញ និងសមត្ថកិច្ចបញ្ជាក់តំបន់ដែលប្រជាពលរដ្ឋរស់នៅបច្ចុប្បន្ន គេអោយឈ្មោះថាភូមិថ្មីដែលជាភូមិមិនទាន់ចុះក្នុងបញ្ជីរស្របច្បាប់នៅឡើយនោះទេ ហើយអ្នកភូមិថ្មីនោះភាគច្រើនជាអ្នកចំណាកស្រុកចម្រុះមកពីខេត្ត មកពីខេត្តដទៃផ្សេងៗគ្នា មកលួចធ្វើអាជីវកម្មរ៉ែមាសនោទីនោះ។
ការដាក់បទបញ្ជាររបស់ឯកឧត្តមអភិបាលខេត្ត ដំបូងអោយសមត្ថកិច្ចចុះទៅបង្ក្រាបតែម្តងក៏ប៉ុន្តែបន្ទាប់ពីមានការអញ្ជើញក្រុមអ្នកភូមិមកប្រជុំរួចក៏មានការប្រែប្រួលវិញ ព្រោះថាប្រជាពលរដ្ឋបានអង្វរស្នើសុំអោយពន្យាពេលបន្តិចដោយសារគ្រឿងចក្រទាំងនោះធ្ងន់ៗមិនអាចយកចេញនៅពេលភ្លាមៗបានទេ។បន្ទាប់ពីបានស្តាប់ការរៀបរាប់ពីការលំបាករបស់ប្រជាពលរដ្ឋ និងមានសភាពការតានតឹងដោយមានការដាក់ដែកគោលមួកតាមផ្លូវដើម្បីបំបែកកងឡាន ឫអាចមានអំពើហឹង្សាអ្វីផ្សេងទៀត។
សមត្ថកិច្ចជំនាញបានសុំយោលបល់ថ្មីតាមទូរស័ព្ទខណៈនោះឯកឧត្តមអភិបាលខេត្តបានយល់ព្រមតាមសំណូមពរ ក៏ប៉ុន្តែដាក់បទបញ្ជារថ្មីទុកពេលអោយក្រុមធ្វើអាជីវកម្មទាំងនោះត្រឹមតែរយៈពេល៣ថ្ងៃប៉ុណ្ណោះ បើសិនមិនព្រមរុះរើសម្ភារៈ ឫគ្រឿងចក្រចេញពីកន្លែងនោះត្រូវចាប់ទាំងមនុស្ស និងរឹបអូសសម្ភារៈដោយមិនអនុញ្ញាតិអោយធ្វើតទៅទៀតជាដាច់ខាត៕
