ខេត្តកំពង់ធំ: បទល្មើសនេសាទណែន នៅក្នុងបឹងរៀល ជាបឹងអភិរក្ស ស្ថិតនៅ ឃុំកំពង់គោ ស្រុកកំពង់ស្វាយ ខេត្តកំពង់ធំនោះ ពុំត្រូវបានសមត្ថកិច្ចអាជ្ញាធរ និងសមត្ថកិច្ចរដ្ឋបាលជលផល ចុះបង្ក្រាបនោះទេ ដែលធ្វើឲ្យប្រជាពលរដ្ឋរិះគន់ថា បទល្មើសនេសាទនេះ គឺមានការឃុបឃិតគ្នា ជាមួយសមត្ថកិច្ចរដ្ឋបាលជលផល។
បទល្មើសនេសាទនេះ គឺរបាំងសាច់ស្បៃមុងនិងរបាំងព្រួល ញ៉ឹកស្កេះ នៅក្នុងបឹងធំនិងបិទ ភ្ជិតផ្លូវចរាចរត្រីនៅចំណុចអូរធំ ទាំងស្រុងតែម្ដង ហើយម្យ៉ាងទៀតបទល្មើសរបាំងស្បៃមុងនេះ ជាឧបករណ៍នេសាទ ដែលច្បាប់ ហាមឃាត់ ប៉ុន្តែបែរជា សមត្ថកិច្ចរដ្ឋបាលជលផល ឆ្លើយថា គឺជាគោលការអាជ្ញាធរនិងខណ្ឌឲ្យធ្វើ ទៅវិញ។
ប្រជាពលរដ្ឋនិយាយថា បឹងរៀលនេះ មានទំហំ៧១ហិតា ដែលសមត្ថកិច្ចរដ្ឋបាលជល ផលកំណត់ក្នុងគោលការច្បាប់ថា ជាបឹងអភិរក្ស ហើយមានការឧបត្ថម្ភមូលនិធិពីអង្គការក្រៅរដ្ឋាភិ បាលនានា ដូចជា អង្គការហោមជាដើម។
មន្ត្រីជលផលម្នាក់(សុំមិនបញ្ចេញឈ្មោះ)បាននិយាយថា ចំពោះអង្គការហោម គឺផ្ដល់មូលនិ ធិ អភិរក្សបឹងរៀលនេះ ក្នុង១ឆ្នាំៗពី៤០០០ទៅ៥០០០$ សហរដ្ឋអាមេរិក។
ទាក់ទិននឹងបទល្មើសនេសាទនៅបឹងអភិរក្សនេះ លោក សៅ សេរីវុឌ្ឍ នាយសង្កាត់រដ្ឋបាល ជលផលកំពង់ស្វាយ ដែលមានដែនសមត្ថកិច្ចនៅបឹងរៀល ជាបឹងអភិរក្សដ៏ធំនេះ បានប្រាប់អ្នក សារព័ត៌មានថា របាំងទាំងនោះ គឺសហគមនេសាទនៅតំបន់នោះ ជាអ្នកធ្វើ ព្រោះថា ខណ្ឌនិងអាជ្ញា ធរ បានអនុញ្ញាតិឲ្យសហគមនេសាទ នៅតំបន់នោះធ្វើ ដើម្បីយកថវិការផ្គត់ផ្គង់សហគម ជាប្រ យោជន៍ឲ្យសហគមមានថវិការដំណើរការបាន។ប៉ុន្តែទោះជាយ៉ាងណាក្ដី ប្រជាពលរដ្ឋបាននិយាយ ថា ជាលេសកន្ទេលធំប្រលំដេក របស់សមត្ថកិច្ចរដ្ឋបាលជលតែប៉ុណ្ណោះ ព្រោះថាថវិការពុំបានចាយ
ចំគោលដៅនិងពុំបានឆ្លងកាត់ ការឯកភាពពីសមាជិកសហគម ជាពិសេសគឺឧបករណ៍ស្បៃមុង ដែលច្បាប់ ជលផល បញ្ញតិថា ជាបទល្មើសថ្នាក់១ ដែលហាមឃាត់ដាច់ខាតនិងការដាក់ភ្ជិតផ្លូវចរា ចរត្រីនោះ ព្រោះច្បាប់បានកំណត់ថា ទោះជាឧបករណ៍របាំងមានក្រឡាស្របច្បាប់ក៏ត្រូវដាក់១ភាគ ២នៃមុខទឹកដែរ មិនអាចដាក់ភ្ជិតបាននោះទេ។
លោក ប៉ែន វណ្ណរិទ្ធ នាយខណ្ឌជលផលកំពង់ធំ បានបញ្ចាក់ច្បាស់ប្រាប់អ្នកសារព័ត៌មានថា គឺលោកមានអនុញ្ញាតិឲ្យសហគមនេសាទ ធ្វើនៅបឹងរៀលនោះ ដើម្បីយកថវិការទប់ស្កាត់ទឹកនៅ បឹងរៀលនេះ កំឲ្យរីងនិងទិញបង្គោលបោះព័ទ្ធកន្លែងអភិរក្ស ប៉ុន្តែគឺប្រើឧបករណ៍នេសាទ(របាំង) ស្របច្បាប់ ចំណែកឧបករណ៍ស្បៃមុងនោះ គឺហាមដាច់ខាត បើមានមែន គឺលោក បញ្ជាឲ្យកំលាំង ឲ្យចេញបង្ក្រាបក្នុងពេលឥឡូវ។
ប្រជាពលរដ្ឋនិយាយថាបទល្មើលនេសាទស្បៃមុងនៅបឹងរៀល ជាបឹងអភិរក្សនេះ គឺមានជា រៀងរាល់ឆ្នាំ ក្រោមរូបភាពល្បែងថ្ពិនភ្នែក របស់សមត្ថកិច្ចរដ្ឋបាលជលផល សង្កាត់ ដោយយក លេសបង្កើត ការងារនេះ ការងារនោះ ពុំចេះចប់ ប៉ុន្តែការអនុវត្តន៍នៅតែគ្មានប្រសិទ្ធភាពនិងតម្លា ភាពដដែល៕
