កំពង់ឆ្នាំង៖ ចិញ្ចើមផ្លូវកៅស៊ូលេខ៥៣មួយកន្លែង ស្ថិតនៅក្នុងភូមិចំការតាម៉ៅ ឃុំស្រែ ថ្មី ស្រុករលាប្អៀរ ត្រូវបានម្ចាស់ម៉ាស៊ីនកិនស្រូវម្នាក់ចាក់ដីរំលោភយកធ្វើជាផ្លូវខ្ពស់ជាងផ្លូវ ជាតិ ដើម្បីសាងសង់កន្លែងជញ្ជីងថ្លឹងរថយន្តដឹកស្រូវជាផលប្រយោជន៍របស់ខ្លួន ជាហេតុ អាចធ្វើអោយស្ទះចរន្តទឹកហូរ។ នៅព្រឹកថ្ងៃទី១៣ ខែធ្នូ ឆ្នាំ២០១៤ ចិញ្ចើមផ្លូវដែលគេរំ លោភយកធ្វើជាផ្លូវខ្ពស់ចូលទៅកន្លែងជញ្ជីងថ្លឹងស្រូវរបស់គេត្រូវបានសមត្ថកិច្ច និងមន្ទីរជំ នាញអោយឈូសឆាយការធ្វើផ្លូវខ្ពស់នោះចោលវិញ។
លោក នូ ខៀន មេឃុំស្រែថ្មីបានអោយដឹងនៅថ្ងៃទី១៣ ខែធ្នូ ឆ្នាំ២០១៤នេះថា៖លោក ង៉ោ ទ្រី ជាម្ចាស់ម៉ាស៊ីនស្រូវចាក់ដីធ្វើផ្លូវខ្ពស់ឡើងទៅកាន់ជញ្ជីងថ្លឹងរថយន្តរបស់ខ្លួននោះគ្មានការអនុញាតពីស្ថប័នណាឡើយ។ មិនតែប៉ុណ្ណោះគេបានគាស់លូបង្ហូរ ទឹកនៅតាមចិញ្ចើមផ្លូវសាធារណៈនោះមួយចំនួននៅចំណុចនោះទៀតផង។ករណីនេះប្រជាពលរដ្ឋមានការព្រួយបារម្ភ ចំពោះការហូរច្រោះបាក់ផ្លូវជាតិលេខ៥៣នៅក្នុងរដូវវស្សា និងអាចបង្កអោយគ្រោះថ្នាក់ចរាចរណ៍នៅពេលខាងមុខជាមិនខានឡើយ។
ក្រោយពីអាជ្ញាធរនិងប្រជាពលរដ្ឋក្នុងមូលដ្ឋាននិងមន្ទីរជំនាញមានប្រតិកម្មមក នៅ ១២ ខែធ្នូ ឆ្នាំ២០១៤ លោក កែវ ពៅ ប្រធានមន្ទីរសាធារណៈការ និងដឹកជញ្ជូនខេត្ត បានចាត់តាំងអោយក្រុមការងារជំនាញរបស់មន្ទីរ សហការជាមួយអាជ្ញាធរ និងសមត្ថកិច្ច ចុះត្រួតពិនិត្យ និងធ្វើកំណត់ហេតុអោយ លោក ង៉ោ ទ្រី ឈូសឆាយផ្លូវថ្នល់ខ្ពស់ដែល លោកបានចាក់ដីធ្វើផ្លូវចូលទៅកាន់កន្លែងថ្លឹងរថយន្តដឹកស្រូវរបស់លោកនោះ ត្រូវតែធ្វើ ការឈូសឆាយចោលវិញ។
បន្ទាប់មកនៅព្រឹកថ្ងៃទី១៣ ខែធ្នូ ឆ្នាំ២០១៤ គេបានឃើញលោក ង៉ោ ទ្រី បាន ជួលគ្រឿងចក្រមួយគ្រឿងមកឈូសឆាយផ្លូវផ្នល់ខ្ពស់ដែលលោកធ្វើនៅលើចិញ្ចើមផ្លូវសាធារណៈរបស់រដ្ឋនោះចោលវិញអស់ហើយ។
ប្រជាពលរដ្ឋរស់នៅក្នុងភូមិចំការតាម៉ៅនិងអាជ្ញាធរមូលដ្ឋានសូមថ្លែងអំណរគុណ ផងដែរដល់ មន្ទីរសាធារណៈការនិងដឹកជញ្ជូនខេត្ត ដែលបានចាត់ការបានទាន់ពេលវេលា
ទប់ស្កាត់ករណីរំលោភដីចិញ្ចើមផ្លូវសាធារណៈនៅក្នុងចំណុចខាងលើដោយប្រសិទ្ធិភាព។
ដែលបញ្ហានេះ ប្រជាពលរដ្ឋទាំងឡាយត្រូវតែយល់ដឹង ថានៅលើដីកម្មសិទ្ធរបស់យើង
គឺយើងមានសិទ្ធចាត់ចែង តែនៅលើដីសាធារណៈរបស់រដ្ឋយើងមិនអាចធ្វើអ្វីតាមទំនើង
ចិត្តនោះឡើយ ហេតុនេះសូមបងប្អូនកុំយកគំរូតាមនាំអោយខាតបង់ពេលវេលា និងលុយ
ចោលទទេៗអត់អំពើ៕
