កំពង់ឆ្នាំង៖បុរសជនជាតិចិនម្នាក់បានស្លាប់នៅកន្លែងកើតហេតុ ដោយបានជិះម៉ូតូក្នុងល្បឿនយ៉ាងលឿនដួលបោកក្បាលនិងផ្លូវលំ។ ហេតុការណ៍នេះបានកើតឡើងនៅវេលាម៉ោង២១និង១០នាទីយប់ថ្ងៃទី១៣ធ្នូ២០១៤នៅចំណុចស្ពាន១០៦ស្ថិតក្នុងភូមិដំណាក់អំពិល ឃុំក្រាំងស្គារ ស្រុកទឹកផុស ខេត្តកំពង់ឆ្នាំង។
សមត្ថកិច្ចនគរបាលស្រុកទឹកផុសដែលបានចុះពិនិត្យកន្លែងកើតហេតុបាននិយាយអោយដឹង៖ថាជនជាតិចិនរូបនោះឈ្មោះ ជិញ វិចស៊ី អាយុ៥៥ឆ្នាំ ជាបុគ្គលិករបស់ក្រុមហ៊ុនចំការដំឡូងមីឈ្មោះ ហ្លូហ្វៀល កាន់លិខិតឆ្លងដែនលេខ(E06083787)បានជិះម៉ូតូម៉ាក Yamaha ពណ៌សគ្មានស្លាកលេខបើកបរទិសដៅពីលិចទៅកើតក្នុងល្បឿនលឿន។
សមត្ថកិច្ចបានអោយដឹងបន្ថែមទៀតថា៖នៅមុនពេលកើតហេតុជនជាតិចិនរូបនោះបានជិះម៉ូតូចេញពីការដ្ឋានទិសដៅពីលិចទៅកើត លុះមកដល់ចំណុចកើតហេតុខាងលើបានដួលបណ្តាលអោយដាច់កម៉ូតូហើយជនរងគ្រោះបានដួលបោកក្បាលនិងថ្នល់ បុកនិងដៃម៉ូតូចំត្រង់គ្លៀកខាងឆ្វេងបណ្តាលអោយស្លាប់ភ្លាមៗនៅនិងកន្លែងកើតហេតុ។
ក្រោយកើតហេតុគេឃើញខាងក្រុមហ៊ុនយករថយន្តដឹកសាកសពជនរងគ្រោះ បញ្ជូនមកកាន់ខេត្តកំពង់ឆ្នាំង ដោយឡែកម៉ូតូត្រូវបាននគរបាលស្រុក ដឹកយកមករក្សាទុកនៅក្នុងអធិការដ្ឋានបគរបាលស្រុកទឹកផុស។តាមការសន្និដ្ឋានរបស់សមត្ថកិច្ចនគរបាលអោយដឹងថាគ្រោះថ្នាក់នេះបណ្តាលមកពីការបើកបរក្នុងល្បឿនលឿនពេកទើបដួលរហូតដាច់កម៉ូតូ បោកក្បាលនិងថ្នល់បណ្តាលអោយស្លាប់តែម្តង៕ .
