រមាសហែក÷ស្វាយរៀង÷សហព័ន្ធសហជីពសម្លេងយុវជនខ្មែរកាលពីព្រឹកថ្ងៃអាទិត្យទី១៤ខែធ្នូឆ្នាំ២០១៤បានដង្ហែបុណ្យផ្ការរស្មីសាមគ្គីទៅកសាងសមិទ្ធិផលនានានៅវត្តជ្រៃធំដែលស្ថិតក្នុងភូមិដងក្ដាឃុំជ្រៃធំស្រុករមាសហែកខេត្តស្វាយរៀង។លោក ឡុង សុផាត ប្រធានសហព័ន្ធសហជីពសម្លេងយុវជនខ្មែរបានឲ្យដឹងថា បុណ្យផ្ការរស្មីសាមគ្គីនេះដើម្បីប្រមូលបច្ច័យយកទៅកសាងសមិទ្ធិផលនានានៅក្នុងវត្តជ្រៃធំនិងធ្វើផ្លូវក្នុងបរិវេនទីធ្លា
សាលាបឋមសិក្សាជ្រៃធំដែលជួបការលំបាកខែភ្លៀងសិស្សានុសិស្សដើរទៅរៀនកាត់ភួកល្បាប់។ដោយឃើញសភាពលំបាកបែបនេះ ទើបសហព័ន្ធសហជីពសម្លេងយុវជនខ្មែរនិងថ្នាក់ដឹកគណះកម្មាធិការ សមាជិក សមាជិកា លោកមេឃុំក្រុមប្រឹក្សាឃុំជ្រៃធំព្រះចៅអធិការនិងគណះកម្មាការអាចារវត្តព្រមទាំងពុទ្ធបរិស័ទចំណុះជើងវត្តជ្រៃធំទាំងអស់បានមូលមតីគ្នាជាឯកឆ័ន្ទប្រារព្ធធ្វើពិធីបុណ្យផ្ការស្មីសាមគ្គីដើម្បីប្រមូលបច្ច័យយកទៅ
កសាងសមិទ្ធិផលនានានៅក្នុងវត្តជ្រៃធំដែលស្ថិតក្នងភូមិដងក្ដាឃុំជ្រៃធំស្រុករមាសហែកខេត្តស្វាយរៀង។លោក ឡុង សុផាតបានឲ្យទៀតថា បច្ច័យដែលប្រមូលបានពីបុណ្យផ្ការរស្មីសាមគ្គីនេះសរុបចំនួន៤០.០០០.០០០រៀល(សែសិបលានរៀល)ក្នុងនោះបានបែកចែកជាពីក្នុងការកសាងគឺកសាងសមិទ្ធិផលនានាក្នុងវត្តជ្រៃធំទឹកប្រាក់ចំនួន៣១.០០០.០០០រៀលនៅប្រាក់ចំនួនទៀតយកទៅចាក់ដីធ្វើផ្លូវក្នុងទីធ្លាសាលាបឋមសិក្សាជ្រៃធុំ៕
