ប្រធានាធិបតីចិន លោក ស៊ី ជីនពីង នៅថ្លែងការអំពាវនាវយ៉ាងទទួចឱ្យមេដឹកនាំជប៉ុន ទទួលខុស ត្រូវ ចំពោះវិនាសកម្មដែលបង្កឡើងដោយជនជប៉ុន នៅក្នុងទីក្រុងណានជីង នាឆ្នាំ១៩៣៧ ជាមួយនឹងការ គូសបញ្ជាក់ថា ការទទួលស្គាល់ណាមួយនូវសច្ចធម៌ប្រវត្តិសាស្ត្ររវាងប្រទេសទាំងពីរ
នាអតីតកាល គឺមាន សារៈប្រយោជន៍ក្រៃណា ក្នុងការធ្វើឱ្យប្រសើរនូវទំនាក់ទំនងនឹងគ្នា។
ទីភ្នាក់ងារព័ត៌មានចិន ស៊ិនហួ រាយការណ៍នៅថ្ងៃសៅរ៍ម្សិលមិញថា លោក ស៊ី បានថ្លែងនៅក្នុងពិធីរឭកខួបលើក ទី៧៧នៃវិនាសកម្មទីក្រុងណានជីងបង្កឡើងដោយយោធាចក្រភពជប៉ុនថា “ការបំភ្លេចសច្ចធម៌ប្រវត្តិសាស្ត្រ មានន័យថាក្បត់ជាតិ។
ការបដិសេធមិនទទួលខុសត្រូវលើអំពើឧក្រិដ្ឋកម្ម មានន័យថា ចង់ឱ្យវាជាន់ដាន ឡើងវិញហើយ”។សៀវភៅប្រវត្តិសាស្ត្រជប៉ុនប៉ាន់ប្រមាណថា ចំនួនអ្នកស្លាប់សរុបនៅណានជីង នាពេលមានប្រហាក់ប្រហែល តែចន្លោះពី១០ម៉ឺនទៅ២០ម៉ឺននាក់តែប៉ុណ្ណោះ។
ប្រតិកម្មទៅនឹងភស្តុតាងរបស់ជប៉ុននោះ លោក ស៊ី បានថ្លែងថា មន្ត្រីចិនប៉ាន់ស្មានថា មានជាង៣០ម៉ឺននាក់ ដោយពេលសង្គ្រាម៦សប្តាហ៍។
លោក បន្ថែមថា “ប្រវត្តិសាស្ត្រនឹងមិនគាំទ្រជាមួយអ្នកទាំងឡាយណាដែលបំភ្លៃការពិត ចំពោះសោកនាដកម្ម ណានជីង ជាដាច់ខាត។ វិញ្ញាណក្ខន្ធជនស្លូតត្រង់៣០ម៉ឺននាក់ នឹងមិនឯកភាព ហើយពលរដ្ឋចិនជាង ១ពាន់៣រយលាននាក់ដែលកំពុងរស់នៅ ក៏មិនឯកភាពដូចគ្នាផងដែរ”។
“ប្រវត្តិសាស្ត្រ” លោកបន្ថែមថា “ប្រាប់យើងអំពីអ្វី ដែលយើងត្រូវការពារសន្តិភាព”។
គួរបញ្ជាក់ផងដែថា លោក អាបេ នាយករដ្ឋមន្ត្រីជប៉ុន បានខឹងត្រឡោចតោតតូងដាក់ចិន កាលពីចុងខែធ្នូឆ្នាំមុន ក្នុងដំណើរទស្សនកិច្ចរបស់លោក ទៅកាន់ទីសាក្ការៈ Yasukuni នាទីក្រុងតូក្យូ៕
